ୟୁନାନର ଦେବତା ପ୍ରେମୀଥିୟସ୍ ଉବାଚ : କରୋନା ପରବର୍ତ୍ତୀ ସାମାଜିକ ଅବସ୍ଥା !

ସୂର୍ଯ୍ୟମଣି ମିଶ୍ର
ୟୁନାନ୍‌ର ପୂରାତନ ଦେବତା ପ୍ରେମୀଥିୟସ୍ ସ୍ୱର୍ଗରୁ ପୃଥିବୀକୁ ଦେଖୁଛନ୍ତି । ତଳକୁ ଦେଖି ସେ ମଣିଷ କିପରି ବଡ଼ ଦୟନୀୟ ଜୀବନ ବିତାଉଛି ତାହାକୁ ନେଇ ସେ ଚିନ୍ତା କରୁଛନ୍ତି । ସେ ଦେଖୁଛନ୍ତି କେତେବେଳେ ମଣିଷଙ୍କ ଶିଶୁ ସନ୍ତାନକୁ ଜଙ୍ଗଲର ପଶୁ ଖାଇଯାଉଛନ୍ତି । ଆଉ କେତେ କେତେ ଲୋକ ଶୀତରେ ଥରିଥରି ମରିଯାଉଛନ୍ତି । ଦେବତାଙ୍କ ଭଳି ଏହି ଦୁଇଗୋଡ଼ିଆ ପ୍ରାଣୀ କାହିଁକି ଏତେ କଷ୍ଟ ପାଉଛନ୍ତି । ପ୍ରେମୀଥିୟସ୍ ଗୋଟିଏ କଥା ଚିନ୍ତା କଲେ । ସେ ଦେଖିଲେ ସ୍ୱର୍ଗରେ ନିଆଁ ଅଛି । ନିଆଁ ପ୍ରତି ଦେବତାଙ୍କର ଆନନ୍ଦ । ନିଆଁ ଦେଉଛି ଶକ୍ତି ଓ ସୁରକ୍ଷା । ଯଦି ଏହି ନିଆଁକୁ କୌଣସି ଭାବରେ ମଣିଷ ପାଖରେ ପହଞ୍ଚାଇ ଦିଆଯିବ ତେବେ ମଣିଷ ଅନେକ କଷ୍ଟରୁ ମୁକ୍ତି ପାଇପାରିବ । ପ୍ରେମୀଥିୟସ୍ ସ୍ୱର୍ଗର ଦେବତା ଭାବେ ପୃଥିବୀର ମଣିଷମାନଙ୍କର କଷ୍ଟ କିପରି ଲାଘବ ହେବ ସେ ନେଇ ଚିନ୍ତା କରିଛନ୍ତି । ତେବେ ସ୍ୱର୍ଗର ନିଆଁ ଉପରେ ସୂର୍ଯ୍ୟ ଏବଂ ଦେବତାଙ୍କର କପିରାଇଟ୍ ଥିଲା । ପ୍ରେମୀଥିୟସ୍ ଏହି ନିଆଁକୁ ସ୍ୱର୍ଗରୁ ଚୋରି କରି ପୃଥିବୀର ମଣିଷଙ୍କୁ ଦେଲେ । ନିଆଁ ପାଇବା ପରେ ମଣିଷଙ୍କୁ ରାତିରେ ଆଲୋକ ମିଳିଲା । ଖାଦ୍ୟ ତିଆରି କଲେ । ଜଙ୍ଗଲର ପଶୁମାନେ ଏହା ଦେଖି ଡରିଲେ । ପୃଥିବୀର ମଣିଷଙ୍କୁ ସୁଖ ମିଳିବା ପରେ ଦେବତାଙ୍କ ପ୍ରଭାବ କମିଲା । ମଣିଷମାନେ ଆଉ ପୂର୍ବଭଳି ଏବେ କମ୍ ଅର୍ଘ୍ୟଦେଲେ । ଦେବତାଙ୍କ ନିଆଁ କିପରି ପହଞ୍ଚିଲା ପୃଥିବୀରେ ସେନେଇ ସ୍ୱର୍ଗରେ ଦେବତାମାନେ ଅନୁଧ୍ୟାନ କଲେ । ମଣିଷ ଏବେ ଆତ୍ମନିର୍ଭରଶୀଳ ହୋଇଯିବ । ଅନୁଧ୍ୟାନରୁ ଦେବତାମାନେ ଜାଣିପାରିଲେ ଯେ, ତାଙ୍କ ଦେବତା ସମାଜ ମଧ୍ୟରୁ ପ୍ରେମୀଥିୟସ୍ ଏହି ମଣିଷମାନଙ୍କୁ ନିଆଁ ଦେଇଛନ୍ତି । ଦେବ ସମାଜର ନ୍ୟୟାଳୟରେ ଦଣ୍ଡ ଦେବା ପାଇଁ ସ୍ଥିର ହେଲା । ପ୍ରେମୀଥିୟସ୍‌ଙ୍କୁ ଦେବରାଜ ଇନ୍ଦ୍ରଙ୍କ ପାଖରେ ବାନ୍ଧିକରି ରଖାଗଲା । ସମସ୍ତ ଦେବତାମାନେ ତାଙ୍କୁ ମୃତ୍ୟୁଦଣ୍ଡ ଦେବା ପାଇଁ ଦାବି କଲେ । କିନ୍ତୁ ଦେବତା ତ ଅମର, ତେଣୁ ପ୍ରେମୀଥିୟସ୍‌ଙ୍କୁ ମୃତ୍ୟୁଦଣ୍ଡ ଦେଇହେବ ନାହିଁ । ସ୍ଥିର ହେଲା ପୃଥିବୀର ଗୋଟିଏ ଗଛରେ ତାଙ୍କୁ ବାନ୍ଧି ରଖାଯିବ । ତାହା ହିଁ ହେଲା । ପୃଥିବୀର ଗୋଟିଏ ଗଛରେ ପ୍ରେମୀଥିୟସ୍ ବନ୍ଧାହେଲେ । ଦିନ ବେଳା ଗୋଟିଏ ଶାଗୁଣା ପ୍ରେମୀଥିୟସ୍‌ଙ୍କ ମାଂସ ଖାଇଯାଉଥିବା ।

ସବୁ ମଣିଷ ଦେଖନ୍ତି, କିନ୍ତୁ ଘଉଡ଼ାନ୍ତି ନାହିଁ କି ପ୍ରେମୀଥିୟସ୍‌ଙ୍କୁ ବନ୍ଧନରୁ ମୁକ୍ତି କରନ୍ତି ନାହିଁ । ଯେଉଁ ପ୍ରେମୀଥିୟସ୍ ଦେବତା ମଣିଷକୁ ନିଆଁ ଦେଲେ ହିଂସ୍ର ପଶୁଙ୍କ ଆକ୍ରମଣରୁ ରକ୍ଷା କରିଲେ, ରାନ୍ଧି ଖାଇବାର ବାଟ ଦେଖାଇଲେ ସେହି ଦେବତା ପ୍ରେମୀଥିୟସ୍ ଦେବକୂଳର ଦଣ୍ଡରେ ଦଣ୍ଡିତ ହୋଇଛନ୍ତି । କେହି ତାଙ୍କୁ ମୁକ୍ତି ଦେଉନାହାନ୍ତି । ପ୍ରେମୀଥିୟସ୍ ଯଦିଓ ଦିନବେଳା ମୃତ୍ୟୁବରଣ କରନ୍ତି, ରାତିରେ କିନ୍ତୁ ପୁଣି ଜିଇଁ ଉଠନ୍ତି । ଯେହେତୁ ସେ ଦେବତା । ପ୍ରେମୀଥିୟସ୍ ଭାବୁଛନ୍ତି ଯେଉଁମଣିଷମାନଙ୍କ ପାଇଁ ସେ ଆଜି ଦେବକୂଳ ଦ୍ୱାରା ଦଣ୍ଡ ପାଉଛନ୍ତି ସେହି ମଣିଷ ତାଙ୍କୁ ମୁକ୍ତି ଦେବା ପାଇଁ ଥରଟେ ଚିନ୍ତା କରୁନାହିଁ । ପ୍ରେମୀଥିୟସ୍‌ଙ୍କ ଏହି କଥାକୁ ଶୁଣୁଥାଏ ଗଛଟିଏ । ଗଛ କହିଲା ହେ ଦେବତା ପ୍ରେମୀଥିୟସ୍ ତୁମେ ୟୁନାନ୍‌ର ଦେବତା ଭାବେ ବା ସର୍ବ ପୂରାତନ ଦେବତା ଭାବରେ ସିନା ପୂଜା ପାଉଛ କିନ୍ତୁ ତୁମେ ମଣିଷକୁ ଚିହ୍ନିପାରିଲ ନାହିଁ । ମଣିଷ କେତେ କ୍ରୂର ଓ ନୃଶଂସ ତାହା ମୋ ଡାଳ, ଶାଖା, ପ୍ରଶାଖାକୁ ଦେଖ । କିପରି ଖଣ୍ଡ ଖଣ୍ଡ ହୋଇ ତଳେପଡିଛି । ମୁଁ ଅମ୍ଲଜାନ ଦିଏ, ମଣିଷ ଠାରୁ ଅଙ୍ଗାରକାମ୍ଲ ଗ୍ରହଣ କରେ, କିନ୍ତୁ ମଣିଷ ମୋ ଅବଦାନକୁ ମଧ୍ୟ ଥରଟିଏ ଭାବିନାହିଁ ।

ୟୁନାନର ଦେବତା ପ୍ରେମୀଥିୟସ୍ ଗଛ ଠାରୁ ଏହି କଥା ଶୁଣିବା ପରେ କହିଲେ, ସତରେ ହେ ବୃକ୍ଷ ତୁମେ ଯାହା କହୁଛ ତାହା ସତ୍ୟ । ଗଛ କହିଲା- ଖାଲି ମୁଁ ନୁହେଁ, ନଦୀମାନେ ମଧ୍ୟ ମଣିଷର ଅବିଚାରିତ ଦ୍ୱହନ ଏବଂ ପ୍ରଦୂଷଣ ଯୋଗୁଁ କାନ୍ଦୁଛନ୍ତି । ଯେଉଁ ନଦୀ ମାତୃକା ସଭ୍ୟତାକୁ ସୃଷ୍ଟି କରିଥିଲା ସେହି ନଦୀ ମାତୃକାକୁ ମଧ୍ୟ ମଣିଷ ନିଜର ଭୋଗ ବିଳାସ ପାଇଁ ପ୍ରଦୂଷିତ କରିଛି । ମାଟି ଠାରୁ ପାଣି, ପବନ ଠାରୁ ବୃକ୍ଷ, ଲତା,ବନସ୍ପତି କେହି ମଣିଷ ଶୋଷଣରୁ ରକ୍ଷା ପାଉନାହାନ୍ତି, ଏପରିକି ଜୀବଜନ୍ତୁମାନେ । ଏଇଥିପାଇଁ ତ କେବେ କରୋନା ଭାଇରସ୍ ଭଳି ମହାମାରୀ ଦେଖାଦେଇଛି । ମଣିଷ ଦେଖୁଛି ତା ଆଖି ଆଗରେ ତାର ପାଖ ପଡ଼ୋଶୀ କିପରି ଏହି ଭାଇରସ୍‌ର ସଂକ୍ରମଣ ଯୋଗୁଁ ମୃତ୍ୟୁମୁଖରେ ପଡୁଛନ୍ତି । ଗଛ ପଚାରିଲା ପ୍ରେମୀଥିୟସ୍‌ଙ୍କୁ ହେ ୟୁନାନ୍‌ର ଦେବତା ପ୍ରେମୀଥିୟସ୍ କହିବେ କି ଏହି କରୋନା ମାହାମାରୀର ଅନ୍ତ ଘଟିବା ପରେ ପୃଥିବୀବାସୀ କିପରି ରହିବେ? ପୃଥିବୀର ଚିତ୍ର କିପରି ହେବ? ଦେବତା ପ୍ରେମୀଥିୟସ୍ କହିଲେ ଆର୍ଥିକ ଶକ୍ତି ହ୍ରାସ ପାଇବ । ପ୍ରକୃତିର ସ୍ୱଭାବ ବଦଳିବ । ନଦୀ ଓ ବନସ୍ପତିର ସ୍ୱଭାବ ମଧ୍ୟ । ସମ୍ବେଦନା ଓ ସଂପର୍କର ପରିବର୍ତ୍ତନ ଘଟିବ ।

ଆଦର୍ଶର ରୂପ ବଦଳିଯିବ । ପୁଣି ଶେଷରେ କ’ଣ ହେବ । ଚୀନ୍ ଏବଂ ଆମେରିକା ପାଖରେ ତ ଟନ୍‌ଟନ୍‌ର ବୋମା ରହିଛି । ପ୍ରକୃତି ଉପରେ ବିଜୟ କରିବ ବୋଲି ଦାବି କରୁଛନ୍ତି ଆତ୍ମଘୋଷିତ ଶକ୍ତିଶାଳୀ ଦେଶ । ହସ୍‌ପିଟାଲ୍ ପ୍ରତିଷ୍ଠା ଉପରେ ଦୃଷ୍ଟି ଦିଆଯିବ ନାହିଁ । ବଢିବ ଅସହିଷ୍ଣୁତା । ଜଣେ ଜଣଙ୍କ ଠାରୁ ଅତିକ୍ରମ କରିବା ପାଇଁ ପ୍ରତିଯୋଗିତା କରିବେ । କିନ୍ତୁ ମଣିଷ ଜାଣିପାରୁନାହିଁ । ଆଜି ଯେପରି ବିଚାରଧାରାକୁ ଗାଳି ଦିଆଯାଉଛି ତାହା ଦ୍ୱାରା କେହି କାହାକୁ ଅତିକ୍ରମ କରିପାରିବେ ନାହିଁ । ଉତ୍ତେଜନା ବଢିବ । ଗଣତନ୍ତ୍ର ପ୍ରତି ବିପଦ ଦେଖାଦେବ । ରୋଜଗାର ଚାଲିଯିବ । ଖବରକାଗଜ ଉଦ୍ୟୋଗ ସଂକଟରେ ପଡ଼ିବ । ପାଠକ ସବୁ ଅନ୍‌ଲାଇନରେ ଖବରକାଗଜ ପଢିବେ । ପ୍ରସାର ସଂଖ୍ୟା କମିଯିବ । ଅନ୍‌ଲାଇନରେ ପିଲା ପାଠପଢିବେ। ଆପ୍ ଏବଂ ୟୁ ଟ୍ୟୁବ୍‌ରେ ପଢାଉପରେ ଗୁରୁତ୍ୱ ଦିଆଯିବ। ଘରେ କାମ କରୁଥିବା ଲୋକଙ୍କ ପ୍ରତି ଶ୍ରଦ୍ଧା ବଢିବ । ଅହଙ୍କାରର ସ୍ୱାହା ହେବ ।

ବମ୍‌, ବନ୍ଧୁକ, ଲଦାଖୁ ବିମାନ, ଗୋଳା ବାରୁଦ, ମିଶାଇଲ୍‌ର ପ୍ରତିଯୋଗିତା ହ୍ରାସ ପାଇବ । କରୋନା ପରେ ଚୀନ୍ ପ୍ରତି ଘୃଣା ଭାବ ବୃଦ୍ଧି ପାଇବ । ଏହା ସତ୍ତ୍ୱେ ଚୀନ୍ ହେବ ଏକ ନମ୍ବର ଧନୀ ଓ ଶକ୍ତିଶାଳୀ ରାଷ୍ଟ୍ର । ପରିବର୍ତ୍ତନ କେବଳ ଭୌତିକ ଧରାତଳର ନୁହେଁ । ମଣିଷ ଚିନ୍ତାର ବିଚାରର ପରିବର୍ତ୍ତନ ହେବା କଥା । କିନ୍ତୁ ମଣିଷର ସାମର୍ଥ୍ୟ ଏବଂ ମାନସିକତାର ଯେପରି ପରିବର୍ତ୍ତନ ହେବା କଥା ତାହା ହୁଏତ କରୋନା ପରେ ଆହୁରି ବିଳମ୍ବ ହେବ । ଗଛ କହିଲା ହେ ଦେବତା ପ୍ରେମୀଥିଅସ୍ ପୃଥିବୀର ଏହି ପରିବର୍ତ୍ତନକୁ ମୁଁ ଓ ଆପଣ ଦେଖିପାରିବା ତ? ଦେବତା ପ୍ରେମୀଥିୟସ୍ କହିଲେ-ଯଦି ମଣିଷର ଭୋଗବାଦୀ ମାନସିକତାର ପରିବର୍ତ୍ତନ ହୁଏ ତେବେ ତୁମେ ବଞ୍ଚିବ ଏବଂ ତୁମେ ଦେଖିବ କିପରି ପରିବର୍ତ୍ତନ ହେଉଛି । ଗଛ କହିଲେ ମୋତେ କିନ୍ତୁ ଜଣାପଡୁନାହିଁ, ଏହି ବିଶ୍ୱର ପରିବର୍ତ୍ତନକୁ ମୁଁ ଦେଖିପାରିବି କି ନାହିଁ ।

ବରିଷ୍ଠ ସାମ୍ବାଦିକ, ଭୁବନେଶ୍ୱର
ଦୂରଭାଷ: ୯୪୩୮୦୦୬୨୧୫

ଆହୁରି ପଢ଼ନ୍ତୁ

୧୭୪ ରନ୍ ଅଟକିଲା କୋଲକାତା, ଶୁବମାନ ଗିଲଙ୍କ ୪୭

ଟସ୍‌ ଜିତିଲା ରାଜସ୍ଥାନ, ବ୍ୟାଟିଂ କରିବ କୋଲକାତା

ବାବ୍ରୀ ମସଜିଦ ଭଙ୍ଗା ଘଟଣା: କ’ଣ ପାଇଁ ନିର୍ଦ୍ଦୋଷରେ ଖଲାସ ହୋଇଗଲେ ଅଭିଯୁକ୍ତ

ବାବ୍ରି ରାୟକୁ ନେଇ ଜବାବ ରଖିଲେ ଆଡ଼ଭାନୀ

୩୦ ସେପ୍ଟେମ୍ବର, ବୁଧବାର: ରାଗ ଉପରେ ନିୟନ୍ତ୍ରଣ ରଖନ୍ତୁ

ଆଇପିଏଲରେ ହାଇଦ୍ରାବାଦର ପ୍ରଥମ ବିଜୟ, ହାରିଲା ଦିଲ୍ଲୀ

ଚମକିଲେ ୱିଲିୟମସନ ଓ ଧିମା ବ୍ୟାଟିଂ କଲେ ବେୟାରଷ୍ଟୋ, ହାଇଦ୍ରାବାଦ ୧୬୨

ଟସ୍‌ ଜିତିଲା ଦିଲ୍ଲୀ, ବ୍ୟାଟିଂ କରିବ ହାଇଦ୍ରାବାଦ: ଫେରିଲେ ଈଶାନ୍ତ ଶର୍ମା ଓ ୱିଲିୟମସନ

କରୋନାରୁ ସୁସ୍ଥ ହେଲେ ସିସୋଦିଆ, ହସ୍ପିଟାଲରୁ ଫେରିଲେ

ଆଇପିଏଲରେ ଚାଲିଛି ଛକା ବର୍ଷା, ୧୦ ମ୍ୟାଚ୍‌ରେ କେତେ ବଲ୍‌ ବାଉଣ୍ଡରୀ ବାହାରକୁ ଗଲାଣି

ଆଜି ଶ୍ରେୟସଙ୍କୁ ଭେଟିବେ ୱାର୍ଣ୍ଣର, ହ୍ୟାଟ୍ରିକ ବିଜୟ ଲକ୍ଷ୍ୟରେ ଦିଲ୍ଲୀ

ଦେଶର ୫୪ ଟି ବିଧାନସଭା ଆସନ ଏବଂ ଗୋଟିଏ ଲୋକସଭା ଆସନ ପାଇଁ ନିର୍ବାଚନ ତାରିଖ ଘୋଷଣା