ବିଶ୍ୱରେ ପ୍ରତିବର୍ଷ ଅନେକ ଲୋକ ହୃଦୟ ସମ୍ବନ୍ଧୀୟ ରୋଗ କାରଣରୁ ପ୍ରାଣ ହରାଇଥାନ୍ତି। କରୋନା ସଂକ୍ରମଣ ପରେ ସଂଖ୍ୟା ଆହୁରି ବୃଦ୍ଧି ପାଇଛି। କମ୍ ବୟସର ପିଲା ମଧ୍ୟ ହୃଦୟ ରୋଗରେ ପୀଡିତ ହେଉଛନ୍ତି। ଖେଳୁଥିବା ସମୟରେ ଯୁବକମାନେ ହୃଦଘାତର ଶିକାର ହୋଇ ପ୍ରାଣ ହରାଉଥିବା ଦେଖିବାକୁ ମିଳୁଛି।
ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଜୀବନଶୈଳୀ ଏବଂ ଖାଇବା ଅଭ୍ୟାସରେ ବ୍ୟାଘାତ କାରଣରୁ ଏପରି ଘଟୁଛି। ଏସବୁ ମଧ୍ୟରେ ହାର୍ଟ ଆଟାକ୍ ଏବଂ ହାର୍ଟ ଫେଲୱେରକୁ ନେଇ ମନରେ ଦ୍ୱନ୍ଦ୍ୱ ଉପୁଜେ। ବାସ୍ତବରେ କେଉଁଟା ଅଧିକ ବିପଜ୍ଜନକ, ଉଭୟ ଗୋଟିଏ ରୋଗ କି? ଏପରି ଅନେକ... ତେବେ ଉଭୟ ରୋଗ ପରସ୍ପରଠାରୁ କେତେ ଭିନ୍ନ ଏବଂ କେତେ ବିପଜ୍ଜନକ, ଜାଣନ୍ତୁ…
ହାର୍ଟ ଆଟାକ୍ ବା ହୃଦଘାତ କ'ଣ?
ହୃଦଘାତର କାରଣ ଏବଂ ଲକ୍ଷଣ
ଖରାପ ଜୀବନଶୈଳୀ, ଖାଇବା ଅଭ୍ୟାସରେ ବ୍ୟାଘାତ କାରଣରୁ ହୃଦଘାତ ହେବାର ଆଶଙ୍କା ରହିପାରେ। କରୋନାରୀ ଧମନୀ ରୋଗ ହୃଦଘାତର ଏକ ପ୍ରମୁଖ କାରଣ ଭାବରେ ବିବେଚନା କରାଯାଏ। ଯେତେବେଳେ ହୃଦଘାତ ହୁଏ, ତୁରନ୍ତ ଜରୁରୀକାଳୀନ ଚିକିତ୍ସା ଆବଶ୍ୟକ। ଯଦି ଠିକ୍ ସମୟରେ ଚିକିତ୍ସା କରାନଯାଏ, ତେବେ ଜୀବନ ଚାଲିଯାଇପାରେ।
ହୃଦଘାତର ଲକ୍ଷଣ ସବୁ ସମୟରେ ଦେଖାଯାଏ ନାହିଁ। ତଥାପି, ଅଧିକାଂଶ ଲୋକ ଛାତିରେ ଯନ୍ତ୍ରଣା କିମ୍ବା ଅସ୍ୱାଭାବିକତା, ଶରୀରର ବାମ ପାର୍ଶ୍ୱ ବାହୁ, ପିଠି, କାନ୍ଧ, ବେକ, ଜ' କିମ୍ବା ପେଟରେ ଯନ୍ତ୍ରଣା ଏବଂ ନିଶ୍ୱାସ ନେବାରେ ଅସୁବିଧା ଭଳି ଲକ୍ଷଣର ସାମ୍ନା କରିପାରନ୍ତି। ଏହିପରି ସମସ୍ୟାକୁ ଆଦୌ ଅବହେଳା କରିବା କଥା ନୁହେଁ।
ହାର୍ଟ ଫେଲୱେର୍ କ'ଣ?
ହାର୍ଟ ଆଟାର୍କ ପରି ହାର୍ଟ ଫେଲୱେର୍ ମଧ୍ୟ ଗମ୍ଭୀର ସମସ୍ୟା ହୋଇପାରେ। ହାର୍ଟ ଫେଲୱେର୍ ହେଲେ ହୃଦୟ ଶରୀରରେ ପର୍ଯ୍ୟାପ୍ତ ପରିମାଣର ରକ୍ତ ପମ୍ପ କରିବାରେ ସକ୍ଷମ ହୁଏ ନାହିଁ। ଦୁର୍ବଳ ରକ୍ତ ହୃଦୟରେ ପହଞ୍ଚିବା କିମ୍ବା ହୃଦୟ ସଠିକ୍ ଭାବରେ ପମ୍ପ ନହେବା କାରଣରୁ ଘଟିଥାଏ। ପ୍ରତିବର୍ଷ ଲକ୍ଷ ଲକ୍ଷ ଲୋକ ହାର୍ଟ ଫେଲୱେର୍ କାରଣରୁ ପ୍ରାଣ ହରାନ୍ତି।
ହାର୍ଟ ଫେଲୱେର୍ ଲକ୍ଷଣ
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଅନେକ କାରଣ ଅଛି ଯେଉଁଥିପାଇଁ ହାର୍ଟ ଫେଲୱେର୍ ସମସ୍ୟା ହୋଇପାରେ। ଅଧିକାଂଶ କ୍ଷେତ୍ରରେ, ହୃଦୟ ଉପରେ ଅତ୍ୟଧିକ ଚାପ କିମ୍ବା ଆଘାତ କିମ୍ବା ସଂକ୍ରମଣ ହୃତପିଣ୍ଡକୁ କ୍ଷତି ପହଞ୍ଚାଇପାରେ। ହାର୍ଟ ଫେଲୱେର୍ ହୃଦୟର ଉଭୟ ବାମ ଏବଂ ଡାହାଣ ପାର୍ଶ୍ୱକୁ ପ୍ରଭାବିତ କରିଥାଏ। ଏଥିରେ ସାଧାରଣତଃ ଶ୍ୱାସକ୍ରିୟା ସମସ୍ୟା ଦେଖାଯାଏ।
Disclaimer: ଉପରସ୍ଥ ସମସ୍ତ ବିବରଣୀ ସାଧାରଣ ସୂଚନା ଉପରେ ଆଧାରିତ। କୌଣସି ସ୍ୱାସ୍ଥ୍ୟଗତ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଗ୍ରହଣ କରିବା ଉପାଦେୟ।