କୋଲେଷ୍ଟେରୋଲ୍ କ’ଣ? ରୋଗୀମାନେ କେଉଁ ଖାଦ୍ୟ ଖାଇବେ ଓ ଖାଇବେ ନାହିଁ, ଜାଣନ୍ତୁ

କୋଲେଷ୍ଟେରୋଲ ବୃଦ୍ଧି ଆଉ ଏକ ସ୍ୱାସ୍ଥ୍ୟ ସମସ୍ୟା। ଖରାପ ଜୀବନଶୈଳୀ ଏବଂ ଖରାପ ଖାଦ୍ୟ ଅଭ୍ୟାସ କାରଣରୁ ଏହି ରୋଗ ବୃଦ୍ଧି ପାଇବାକୁ ଲାଗୁଛି। ଏହା ସ୍ୱାସ୍ଥ୍ୟ ପାଇଁ ବିପଦଜନକ ହୋଇପାରେ। କୋଲେଷ୍ଟେରୋଲ ବୃଦ୍ଧିର କୁପ୍ରଭାବ ବିଶେଷ କରି ହୃଦୟ ଉପରେ ପଡ଼ିଥାଏ। ଶରୀରର କୋଲେଷ୍ଟେରୋଲ୍ ଭୂମିକା କ’ଣ ଏବଂ ଖାଦ୍ୟରେ କଟକଣା ଆଣି କିପରି ଏହାକୁ ନିୟନ୍ତ୍ରଣ କରିବେ, ଜାଣନ୍ତୁ...

କେଲେଷ୍ଟେରୋଲ୍ କ’ଣ
ଏହା ହେଉଛି ଏକ ପ୍ରକାର ଚର୍ବି। କୋଲେଷ୍ଟେରୋଲ ରକ୍ତ ନଳୀରେ ଜମା ହୋଇ ରକ୍ତ ସଞ୍ଚାଳନକୁ ପ୍ରଭାବିତ କରିଥାଏ। ବାସ୍ତବରେ କୋଲେଷ୍ଟେରୋଲ ଶରୀର ପାଇଁ ନିହାତି ଜରୁରୀ, କିନ୍ତୁ ଏହାର ପରିମାଣ ବୃଦ୍ଧି ହେଲେ ସ୍ୱାସ୍ଥ୍ୟ ପାଇଁ ହାନିକାରକ ସାବ୍ୟସ୍ତ ହୁଏ। ଅତ୍ୟଧିକ କୋଲେଷ୍ଟେରୋଲ ଜମା ହେଲେ ହୃଦ୍ ରୋଗ, ଷ୍ଟ୍ରୋକ୍ ଏବଂ ଅନ୍ୟାନ୍ୟ ସମସ୍ୟାର ଆଶଙ୍କା ବଢ଼ିପାରେ।

କେଉଁ ଖାଦ୍ୟ ଖାଇବା ଉଚିତ୍
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁସାରେ, ଉଦ୍ଭିଦ ଜାତୀୟ ଖାଦ୍ୟ ସେବନ ଫଳରେ କୋଲେଷ୍ଟେରୋଲକୁ ନିୟନ୍ତ୍ରଣ କରାଯାଇପାରିବ। ଏହି ପ୍ରକାର ଖାଦ୍ୟରେ ଅଧିକ ଫାଇବର ଥିବାରୁ ଏହା ସ୍ୱାସ୍ଥ୍ୟ ଉପରେ ଅନେକ ସକାରାତ୍ମକ ପ୍ରଭାବ ପକାଇଥାଏ। ନିମ୍ନରେ କୋଲେଷ୍ଟେରୋଲ ଉପକାରୀ ଖାଦ୍ୟ ବାବଦରେ ବର୍ଣ୍ଣନା କରାଯାଇଛି...

• ଉଚ୍ଚ ଫାଇବର ଖାଦ୍ୟ - ବିନ୍ସ, ବ୍ରୋକୋଲି, କନ୍ଦମୂଳ ଏବଂ ପନିପରିବା 
• ଶସ୍ୟ ଜାତୀୟ ଖାଦ୍ୟ - ଓଟସ୍, ଗହମ ରୁଟି, ବାଦାମୀ ଚାଉଳ
• ଫଳ ଏବଂ ବେରି - ବ୍ଲୁବେରି, ଷ୍ଟ୍ରବେରି, ଆପଲ୍, କମଳା ଏବଂ ଅଙ୍ଗୁର
• ଶୁଖିଲା ଫଳ- ଅଖରୋଟ ଏବଂ ବାଦାମ ପରି ଡ୍ରାଏ ଫ୍ରୁଟ୍ସ
• ତେଲ- କାନୋଲା ତେଲ, ସୂର୍ଯ୍ୟମୁଖୀ ତେଲ, ଅଲିଭ୍ ତେଲ 

କେଉଁ ଖାଦ୍ୟଠୁ ଦୂରେଇ ରହିବେ
ଅଧିକ ଚର୍ବିଯୁକ୍ତ ଦୁଗ୍ଧଜାତ ଦ୍ରବ୍ୟ କୋଲେଷ୍ଟେରୋଲ ବଢ଼ାଇପାରେ। ଚର୍ବି ଜାତୀୟ ଖାଦ୍ୟ ଖାଇବା ଦ୍ୱାରା କୋଲେଷ୍ଟେରୋଲ ମାତ୍ରା ବୃଦ୍ଧି ପାଇପାରେ। ତେଣୁ ଲାଲ୍ ମାଂସ ଏବଂ ପ୍ରକ୍ରିୟାକୃତ ମାଂସଠାରୁ ଦୂରେଇ ରୁହନ୍ତୁ। କ୍ଷୀର ଏବଂ ବଟର ପରି ସମ୍ପୂର୍ଣ୍ଣ ଚର୍ବିଯୁକ୍ତ ଦୁଗ୍ଧଜାତ ଦ୍ରବ୍ୟଗୁଡ଼ିକ ଅଳ୍ପ ପରିମାଣରେ ସେବନ କରିପାରିବେ। କିନ୍ତୁ ଅତ୍ୟଧିକ ଫ୍ରାଏଡ୍ ଖାଦ୍ୟଠୁ ସମ୍ପୂର୍ଣ୍ଣ ବାରଣ କରନ୍ତୁ। 

Disclaimer: ଉପରସ୍ଥ ସମସ୍ତ ବିବରଣୀ ସାଧାରଣ ସୂଚନା ଉପରେ ଆଧାରିତ। କୌଣସି ସ୍ୱାସ୍ଥ୍ୟଗତ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଗ୍ରହଣ କରିବା ଉପାଦେୟ।