ମଧୁମେହ ଦୂର ପାଇଁ ଆପଣାନ୍ତୁ ଏହି ଘରୋଇ ଉପଚାର

ଘରୋଇ ଉପଚାର ମାଧ୍ୟମରେ ଖାଦ୍ୟରେ ନିୟନ୍ତ୍ରଣ ଆଣି କିପରି ମଧୁମେହ ରୋକିପାରିବେ, ଜାଣନ୍ତୁ...

Diabetes

Representational Image

Debibandita Barick
  • Published: Sunday, 30 July 2023
  • Updated: 30 July 2023, 09:47 AM IST

Sports

Latest News

ବର୍ତ୍ତମାନ ସମୟରେ ଘରେ ଘରେ ମଧୁମେହ ରୋଗୀ। ଖରାପ ଜୀବନଶୈଳୀ ଏବଂ ଖରାପ ଖାଦ୍ୟ ଏହାର ମୁଖ୍ୟ କାରଣ। ଭାରତର ପ୍ରତି ୧୧ ଜଣ ଯୁବକଙ୍କ ମଧ୍ୟରୁ ଜଣେ ମଧୁମେହରେ ପୀଡିତ। ଯଦି ରକ୍ତରେ ଶର୍କରା ସ୍ତର ନିୟନ୍ତ୍ରଣ କରାଯାଏ ନାହିଁ, ତେବେ ଏହା ମଧ୍ୟ ସାଂଘାତିକ ରୂପ ନେଇପାରେ। ମଧୁମେହ ପାଇଁ ଇନସୁଲିନ୍ ଆବିଷ୍କାର ହୋଇଛି ସତ, କିନ୍ତୁ ଖାଦ୍ୟରେ ବିଶେଷ କଟକଣା ଗ୍ରହଣ ନକଲେ ଏହାକୁ ଚେକ୍ ମେଟ୍ ଦେବା କଷ୍ଟକର। ତେଣୁ ଘରୋଇ ଉପଚାର ମାଧ୍ୟମରେ ଖାଦ୍ୟରେ ନିୟନ୍ତ୍ରଣ ଆଣି କିପରି ମଧୁମେହ ରୋକିପାରିବେ, ଜାଣନ୍ତୁ...

ନିମ୍ୱ:- ଏହା ମଧୁମେହ ପାଇଁ ସର୍ବୋତ୍ତମ। ଏଥିରେ ଫ୍ଲାଭୋନାଏଡ, ଟ୍ରାଇଟ୍ରୋପନଏଡ, ଆଣ୍ଟିଭାଇରାଲ ପଦାର୍ଥ ଏବଂ ଗ୍ଲାଇକୋସିଡ୍ ମିଳିଥାଏ, ଯାହା ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଯଦି କଞ୍ଚା ନିମ୍ୱ ପତ୍ର ସବୁବେଳେ ଉପଲବ୍ଧ ହୋଇପାରେ ନାହିଁ, ତେବେ ଏହାର ପାଉଡର ମଧ୍ୟ ବ୍ୟବହାର କରିପାରିବେ। ଏଥିପାଇଁ କିଛି ଶୁଖିଲା ନିମ୍ୱ ପତ୍ରକୁ ଗ୍ରାଇଣ୍ଡିଂ କରି ରଖନ୍ତୁ ଏବଂ ଦିନକୁ ଦୁଇଥର ଏହି ପାଉଡର ବ୍ୟବହାର କରନ୍ତୁ।

କଲରା ଜୁସ୍:- କଲରା ସେବନ କିମ୍ବା କଲରା ଜୁସ୍ ମଧୁମେହରୁ ରକ୍ଷା କରିବାରେ ବେଶ୍ ସହାୟକ ହୋଇଥାଏ। ଏହା ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରିଥାଏ ଏବଂ ସୁସ୍ଥ ରଖେ।

ଅଦା:- ଯଦି ପ୍ରତିଦିନ ଅଦା ଖାଆନ୍ତି, ତେବେ ରକ୍ତରେ ଶର୍କରା ସ୍ତର ବଜାୟ ରଖିବାରେ ଏହା ସାହାଯ୍ୟ କରେ। ଅଦା ଇନସୁଲିନକୁ ସନ୍ତୁଳିତ କରେ। ଗୋଟିଏ ପାତ୍ରରେ ଗୋଟିଏ କପ୍ ପାଣି ଏବଂ କିଛି ଅଦା ପକାଇ ଏହାକୁ 5 ମିନିଟ୍ ପାଇଁ ଫୁଟାନ୍ତୁ। ଏହି ପାଣିକୁ ଦିନକୁ ଥରେ କିମ୍ବା ଦୁଇଥର ପିଇଲେ ମଧୁମେହରୁ ମୁକ୍ତି ମିଳିଥାଏ।

ମେଥି ପାଉଡର:- ମଧୁମେହରେ ମେଥି ମଧ୍ୟ ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ। ଏହା ଗ୍ଲୁକୋଜର ପରିମାଣକୁ ନିୟନ୍ତ୍ରଣ କରେ ଏବଂ ରକ୍ତରେ ଶର୍କରା ସ୍ତର ପରିଚାଳନା ପାଇଁ କାର୍ଯ୍ୟ କରେ। ଦୁଇ ଚାମଚ ମେଥି ମଞ୍ଜିକୁ ରାତିସାରା ପାଣିରେ ଭିଜାନ୍ତୁ ଏବଂ ସକାଳୁ ଖାଲି ପେଟରେ ପାଣି ପିଇବା ସହ ମଞ୍ଜି ଖାଆନ୍ତୁ।

Disclaimer: ଉପରସ୍ଥ ସମସ୍ତ ବିବରଣୀ ସାଧାରଣ ସୂଚନା ଉପରେ ଆଧାରିତ। କୌଣସି ସ୍ୱାସ୍ଥ୍ୟଗତ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଗ୍ରହଣ କରିବା ଉପାଦେୟ। 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos