ଯୁବା ରହିବା ପାଇଁ ବର୍ଷକୁ ୨ ନିୟୁତ ଡଲାର୍ ଅର୍ଥାତ୍ ୧୬ କୋଟି ୪୮ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି କୋଟିପତି ବ୍ରିଅନ୍ ଜନସନ। ଶରୀରକୁ ବାର୍ଦ୍ଧକ୍ୟ ଅବସ୍ଥାରୁ ରକ୍ଷା କରିବା ପାଇଁ ସେ ଦିନକୁ ୧୧୧ଟି ବଟିକା ଖାଉଥିବା ନିଜେ ଖୁଲାସା କରିଛନ୍ତି। TIME ନ୍ୟୁଜକୁ ଏକ ସାକ୍ଷାତକାର ଦେବା ସମୟରେ ନିଜର ଏହି ରହସ୍ୟ ବାବଦରେ ଖୁଲାସା କରିଛନ୍ତି କୋଟିପତି ବ୍ରିଅନ୍।
ସାକ୍ଷାତକାର ସମୟରେ ବ୍ରିଅନ ଆହୁରି କହିଛନ୍ତି, ତାଙ୍କ ସ୍ୱାସ୍ଥ୍ୟ ଅଗ୍ରଗତି ଉପରେ ନଜର ରଖିବା ପାଇଁ ସେ ବିଭିନ୍ନ ହେଲଥ ମନିଟରିଂ ଉପକରଣ ମଧ୍ୟ ବ୍ୟବହାର କରନ୍ତି। ସେ ଏକ ବେସବଲ୍ କ୍ୟାପ୍ ପିନ୍ଧନ୍ତି, ଯାହା ତାଙ୍କ ତ୍ୱଚା ଉପରେ ଏକ ଲାଲ୍ ଆଲୋକ ପକାଇଥାଏ, ଷ୍ଟୁଲ୍ ନମୁନା ସଂଗ୍ରହ କରିଥାଏ। ଏଥିସହ ରାତି ସମୟର ଶରୀରର କାର୍ଯ୍ୟକଳାପ ଉପରେ ନଜର ରଖିବା ପାଇଁ ତାଙ୍କ ଗୁପ୍ତାଙ୍ଗରେ ଏକ ଛୋଟ ଜେଟ୍ ପ୍ୟାକ୍ ଲଗା ଯାଇଥାଏ।
ସେ ତାଙ୍କ ସମଗ୍ର ଶରୀରକୁ ଆଣ୍ଟି-ଏଜିଂ ଆଲଗୋରିଦମକୁ ଫେରାଇବାକୁ ଚାହୁଁଥିବା କହିଛନ୍ତି। ଏପରି କରିବାର ଲକ୍ଷ୍ୟ ହେଉଛି ୪୬ ବର୍ଷ ବୟସ୍କ ଅଙ୍ଗଗୁଡ଼ିକୁ ୧୮ ବର୍ଷ ବୟସ୍କ ଅଙ୍ଗ ପରି ଦେଖାଯିବା ଏବଂ କାର୍ଯ୍ୟ କରାଇବା। ୪୬ ବର୍ଷୀୟ କୋଟିପତି ବ୍ରିଅନ ଜନସନ ମାତ୍ର ୩୦ ବର୍ଷରେ କୋଟିପତି ହେବାର ସୌଭାଗ୍ୟ ଅର୍ଜନ କରିଥିଲେ। ସେ ତାଙ୍କ ପେମେଣ୍ଟ ପ୍ରକ୍ରିୟାକରଣ କମ୍ପାନୀ ବ୍ରେଣ୍ଟ୍ରି ପେମେଣ୍ଟ ସଲ୍ୟୁସନକୁ EBayକୁ ୮୦ କୋଟି ଡଲାର ଅର୍ଥାତ୍ ୬ ହଜାର କୋଟି ଟଙ୍କାରେ ବିକ୍ରି କରି ଚର୍ଚ୍ଚାରେ ଥିଲେ।
Also Read
କୋଟିପତି ଜନସନ ନିଜ ସିକ୍ରେଟ ବିଷୟରେ ଆଉ ଏକ ସୂଚନା ଦେଇ କହିଛନ୍ତି ଯେ, ସେ ପ୍ରତିଦିନ ଦିନ ୧୧ଟାରେ ରାତ୍ରି ଭୋଜନ ଶେଷ କରନ୍ତି। ଫର୍ଚ୍ୟୁନ୍ ରିପୋର୍ଟ ଅନୁସାରେ, ଜନସନ ତାଙ୍କ କିଶୋର ପୁଅ ସହ ନିଜ ରକ୍ତ ଅଦଳବଦଳ କରିଛନ୍ତି। ସେ ଦିନକୁ ୧୦୦ରୁ ଅଧିକ ସପ୍ଲିମେଣ୍ଟ ଖାଆନ୍ତି। ୩୦ ଜଣିଆ ଏକ ଡାକ୍ତରୀ ଟିମ୍ ଦୈନିକ ତାଙ୍କ ଶରୀରର ଫ୍ୟାଟ୍ ସ୍କାନ୍ ଏବଂ ରୁଟିନ୍ ଏମଆରଆଇ କରନ୍ତି।
କୋଲୋନ, ଶୁକ୍ରାଣୁ ଏବଂ କ୍ରିଏଟିନ୍ ଭଳି ଉପାଦାନରେ ପ୍ୟାକ୍ ହୋଇଥିବା ଏକ 'ଗ୍ରିନ୍ ଜିଆଣ୍ଟ'ରୁ ନିଜର ଦିନ ଆରମ୍ଭ କରନ୍ତି ବୋଲି ଫର୍ଚ୍ୟୁନ୍ ରିପୋର୍ଟରେ ଦର୍ଶାଯାଇଛି। ରିପୋର୍ଟ ମୁତାବକ ବ୍ରିଅନ ଜନସନଙ୍କ ସମ୍ପତ୍ତି ମୂଲ୍ୟ ୩ ହଜାର କୋଟି ଡଲାର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
