ଅଧିକାଂଶ ଲୋକ ଝିମଝିମର ସମ୍ମୁଖୀନ ହୁଅନ୍ତି। ହାତ କିମ୍ବା ପାଦରେ ଏହି ଲକ୍ଷଣ ଅନୁଭବ ହୁଏ। ଜାଣନ୍ତି କି ଏପରି କାହିଁକି ହୁଏ? ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ ଭିଟାମିନ୍ ଅଭାବରୁ ଏହି ଲକ୍ଷଣ ଦେଖାଦିଏ। ଭିଟାମିନ୍ ଅଭାବ ଥିଲେ ହାତ, ଗୋଡ କିମ୍ବା ଶରୀରର ଅନ୍ୟ କୌଣସି ଅଂଶରେ ଝିମଝିମ୍ ହୋଇଥାଏ। ତେବେ କେଉଁ ଭିଟାମିନର ଅଭାବ ଶରୀରରେ ଏହି ସମସ୍ୟା ସୃଷ୍ଟି କରେ, ଜାଣନ୍ତୁ...
ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଯେତେବେଳେ ଶରୀରରେ ଭିଟାମିନ୍ B12ର ଅଭାବ ଥାଏ, ସେତେବେଳେ ଅନେକ ସ୍ନାୟୁଗତ ସମସ୍ୟା ଦେଖା ଦେଇଥାଏ। ଏହି ଭିଟାମିନ ଅଭାବ କାରଣରୁ ମୁଣ୍ଡ ବୁଲାଇବା, ଥକ୍କା ଲାଗିବା, ଉଦାସୀନତା, ଗୋଡରେ ପାରେଷ୍ଟେସିଆ ଏବଂ ମାଂସପେଶୀ ଯନ୍ତ୍ରଣା ଭଳି ସମସ୍ୟା ସୃଷ୍ଟି ହୋଇପାରେ। B12ର ଅଭାବ ପ୍ରାୟତଃ ସ୍ନାୟୁ ସମ୍ବନ୍ଧୀୟ ରୋଗ ସୃଷ୍ଟି କରେ। ଏହି କାରଣରୁ, ସ୍ନାୟୁରେ ଝିମଝିମ୍ ଲକ୍ଷଣ ଦେଖାଦିଏ।
ଅନେକ ରିପୋର୍ଟରୁ ଜଣାପଡିଛି ଯେ, କେବଳ ଭିଟାମିନ୍ B12ର ଅଭାବରୁ ନୁହେଁ, ବରଂ ଅନ୍ୟ ଭିଟାମିନର ଅଭାବ କାରଣରୁ ମଧ୍ୟ ହାତ ଏବଂ ପାଦରେ ଝିମଝିମ୍ ହୋଇପାରେ। ଯଦି ଉପଯୁକ୍ତ ଖାଦ୍ୟ ଅଭ୍ୟାସ ନଥାଏ ତେବେ ଶରୀରରେ ଭିଟାମିନ୍ ଅଭାବ ଦେଖାଯାଏ।
Also Read
ଭିଟାମିନ୍ B12 ଅଭାବକୁ ଦୂର କରିବା ପାଇଁ କ’ଣ ଖାଇବେ
- ଶରୀରରେ ଭିଟାମିନ୍ B12 ର ଅଭାବକୁ ଦୂର କରିବା ପାଇଁ ମାଛ, ମାଂସ ଏବଂ ଅଣ୍ଡା ଖାଆନ୍ତୁ।
- କ୍ଷୀର, ପନିର ଏବଂ ଦୁଗ୍ଧ ଜାତୀୟ ଖାଦ୍ୟ ଖାଇବା ଦ୍ୱାରା ଭିଟାମିନ୍ B12 ଅଭାବ ଦୂର ହୋଇଥାଏ।
- ପୁଷ୍ଟିକର ଖାଦ୍ୟ ସାଙ୍ଗକୁ ଶସ୍ୟଜାତୀୟ ଖାଦ୍ୟ ମଧ୍ୟ ଅନ୍ତର୍ଭୁକ୍ତ କରନ୍ତୁ।
କାହିଁକି ହୋଇଥାଏ ଭିଟାମିନ B12 ର ଅଭାବ
ଖାଦ୍ୟରେ ଅନିୟମିତତା ସହ ଆମ ଜୀବନଶୈଳୀରେ ପରିବର୍ତ୍ତନ କାରଣରୁ ଶରୀରରେ ଭିଟାମିନ B12ର ଅଭାବ ଦେଖାଯାଏ। ମଦ, କଫି ଏବଂ ପ୍ରକ୍ରିୟାକୃତ ଖାଦ୍ୟ ଖାଇବା ଦ୍ୱାରା ଭିଟାମିନ୍ B12 ର ଅଭାବ ଦେଖାଦିଏ।
Disclaimer: ଉପରସ୍ଥ ସମସ୍ତ ବିବରଣୀ ସାଧାରଣ ସୂଚନା ଉପରେ ଆଧାରିତ। କୌଣସି ସ୍ୱାସ୍ଥ୍ୟଗତ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
