ମଙ୍ଗଳବାର ଏକ ଜରୁରୀ କାମରେ ପପୁ ବାହାରକୁ ଯିବାର ଥିଲା। ହେଲେ ପପୁର ଅସୁବିଧା ହେଲା ସକାଳୁ ତାର ନିଦ ଭଙ୍ଗେନି। ପ୍ରୀତିକୁ ଉଠାଇବା ପାଇଁ କହିଦେବ ବୋଲି ଭାବିଲା। ହେଲେ ପ୍ରୀତି ସାଙ୍ଗେ ତାର ଜୋରସୋରରେ ଝଗଡ଼ା ହୋଇଥିଲା। ତେଣୁ କହିବାକୁ ସାହସ ଜୁଟାଇ ପାରିଲା ନାହିଁ।
ପପୁ ମୁଣ୍ଡକୁ ଏକ ବୁଦ୍ଧି ଜୁଟିଲା। କଥା ସିନା ହେଉନାହିଁ କାଗଜରେ ଲେଖି ପ୍ରୀତିକୁ ଜଣାଇ ଦେବ ଯେ ତାକୁ ସକାଳୁ ନିଦରୁ ଉଠାଇ ଦେବାପାଇଁ।
ପପୁ କାଗଜରେ ପ୍ରୀତିକୁ ଲେଖିଲା, 'ମୋତେ ଭୋର ପାଞ୍ଚଟାରୁ ସକାଳେ ଉଠାଇ ଦେବ।'
ଏତକ ଲେଖି ସେ ଗତକାଲି ରାତିରେ ପ୍ରୀତି ଶୋଇଥିବା ତକିଆ ତଳେ କାଗଜଟିକୁ ରଖିଦେଲା। ପପୁର ବିଶ୍ୱାସ ଥିଲା ପ୍ରୀତି ସେ କାଗଜକୁ ଦେଖି ତାକୁ ନିଶ୍ଚିୟ ସକାଳୁ ଉଠାଇଦେବ।
ହେଲେ ଆଜି ଉଠିବା ବେଳକୁ ସକାଳ ଆଠ। ତରତର ହୋଇ ଉଠି ପପୁ ତକିଆ ତଳୁ ଏକ ଲେଖାଟିଏ ପାଇଲା। ଯେଉଁଥିରେ ଲେଖାଥିଲା, ଜଲଦି ଉଠ, ପାଞ୍ଚଟା ବାଜିଲାଣି!!!!
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
