ପୁଅ ବାହାଘର ଜ୍ୟୋତିଷଙ୍କ ପାଦ ଧରିଲା ପ୍ରୀତି

ପପୁ ପୁଅ ଜଟିଆର ବାହାଘର ହୋଇପାରୁନି। ଏଥିପାଇଁ ତା ମା' ପ୍ରୀତି ବଡ଼ ଚିନ୍ତାରେ ରହିଛି। ଜଟିଆର ଜାତକକୁ ଗୋଟିଏ ଜ୍ୟୋତିଷକୁ ଦେଖାଇବା ପାଇଁ ପ୍ରୀତି ଚିନ୍ତା କଲା। ତେଣୁ ସ୍ୱାମୀସ୍ତ୍ରୀ ଦୁହେଁ ଜ୍ୟୋତିଷଙ୍କ ପାଖରେ ଯାଇ ପହଞ୍ଚିଲେ।

ଜ୍ୟୋତିଷ : ତୁମ ସ୍ୱାମୀଙ୍କ ନାଁ ପପୁ ?

ପ୍ରୀତି : ଆଜ୍ଞା!!

ଜ୍ୟୋତିଷ : ତୁମ ନାଁ ପ୍ରୀତି ?

ପ୍ରୀତି : ଆଜ୍ଞା !!

ଜ୍ୟୋତିଷ : ତୁମର ଗୋଟେ ପୁଅ। ଏପର୍ଯ୍ୟନ୍ତ ବାହାହେଇନି।

ପ୍ରୀତି ଆଶ୍ଚର୍ଯ୍ୟ ହୋଇ କହିଲା : ଆଜ୍ଞା!!

ଜ୍ୟୋତିଷ : ଏ ମାସରେ ୧୫ କିଲୋ ଚାଉଳ ଆଣିଛ ?

ପ୍ରୀତି : ଜ୍ୟୋତିଷଙ୍କ ପାଦ ଧରି ପକାଇ କହିଲା ଆପଣ ତ ଅନ୍ତର୍ଯ୍ୟାମୀ!!

ଜ୍ୟୋତିଷ : ଆଉଥରେ ଆସିଲେ ଜଟିଆର ଜନ୍ମକୁଣ୍ଡଳୀ ଆଣିବ। ଏ ରାସନ କାର୍ଡ ଆଣିବନି !!!