ହଠାତ୍ ମଝି ଆକାଶରେ ବିମାନକୁ ଝଟକା ଲାଗିବାରୁ ଜଣେ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ୩୦ ଜଣ ଆହତ ହୋଇଛନ୍ତି। ଲଣ୍ଡନରୁ ସିଙ୍ଗାପୁର ଯିବା ସମୟରେ ଝଟକା ଲାଗିବାରୁ ବ୍ୟାଙ୍କକରେ ଜରୁରୀ ଅବତରଣ ହୋଇଛି। ଏନେଇ ସିଙ୍ଗାପୁର ଏୟାରଲାଇନ୍ସ ପକ୍ଷରୁ ସୂଚନା ଦିଆଯାଇଛି।
ସିଙ୍ଗାପୁର ଏୟାରଲାଇନ୍ସ ଏକ ବିବୃତ୍ତିରେ କହିଛି ଯେ, ସୋମବାର ଲଣ୍ଡନର ହେଥ୍ରୋ ବିମାନ ବନ୍ଦରରୁ ସିଙ୍ଗାପୁର ଅଭିମୁଖେ ଯାତ୍ରା କରୁଥିବା ବିମାନ ନଂ SQ321 ମଝି ଆକାଶରେ ଏକ ଭୟଙ୍କର ଝଟକାର ସମ୍ମୁଖୀନ ହୋଇଛି। ଫଳରେ ବିମାନକୁ ବ୍ୟାଙ୍କକରେ ଜରୁରୀ ଅବତରଣ କରାଯାଇଛି।
Also Read
ବୋଇଂ ବିମାନ ୭୭୭-୩୦୦ER ମଙ୍ଗଳବାର ଅପରାହ୍ନ ୩.୪୫ (ସ୍ଥାନୀୟ ସମୟ)ରେ ଅବତରଣ କରିଥିଲା। ଏହି ବିମାନରେ ୨୧୧ ଯାତ୍ରୀ ଏବଂ ୧୮ ଜଣ କ୍ରୁ ମେମ୍ବର ଥିଲେ।
ତେବେ ସିଙ୍ଗାପୁର ଏୟାରଲାଇନ୍ସ ପକ୍ଷରୁ କେତେ ଜଣ ଆହତ ହୋଇଛନ୍ତି ସେନେଇ ସୂଚନା ଦିଆଯାଇ ନଥିବାବେଳେ ଥାଇଲାଣ୍ଡ ମିଡିଆ ରିପୋର୍ଟ ଅନୁସାରେ ଏଥିରେ ୩୦ ଜଣ ଆହତ ହୋଇଛନ୍ତି।
ବ୍ୟାଙ୍କକ ବିମାନବନ୍ଦର ମୁଖପାତ୍ର କହିଛନ୍ତି ଯେ, ଘଟଣାସ୍ଥଳରେ ଡାକ୍ତରୀ ଟିମ୍ ନିୟୋଜିତ ଅଛନ୍ତି। ସମସ୍ତ ଯାତ୍ରୀଙ୍କୁ ପ୍ରାଥମିକ ଚିକିତ୍ସା ଯୋଗାଇଦେବାକୁ ବ୍ୟବସ୍ତା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
