ରେଲଓ୍ୱେ ଷ୍ଟେସନରେ ଅଘଟଣ। ଜଣେ ବ୍ୟକ୍ତି ଯାତ୍ରୀମାନଙ୍କ ଉପରେ ଅତର୍କିତ ଛୁରାମାଡ଼ କରିଛନ୍ତି। ଏଥିରେ ୩ ଜଣ ଗୁରୁତର ହୋଇଛନ୍ତି। ପ୍ୟାରିସର ଗାରେ ଡେ ଲ୍ୟୋନ୍ ରେଲଓ୍ୱେ ଷ୍ଟେସନରେ ଶନିବାର ଘଟିଛି ଏଭଳି କିଛି ଘଟଣା।
ଏଏଫ୍ପିର ରିପୋର୍ଟ ମୁତାବକ, ଶନିବାର ସକାଳ ୮ଟାରେ ଜଣେ ବ୍ୟକ୍ତି ହାତରେ ଛୁରୀ ଧରି ଗାରେ ଡେ ଲ୍ୟୋନ୍ ରେଲଓ୍ୱେ ଷ୍ଟେସନରେ ପହଞ୍ଚିଥିଲେ। ଏହାପରେ କିଏ କିଛି ବୁଝିବା ପୂର୍ବରୁ ସେ ଯାତ୍ରୀମାନଙ୍କ ଉପରେ ଅତର୍କିତ ଛୁରାମାଡ଼ କରିଥିଲେ। ଏଥିରେ ୩ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଆହତଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ବେଳେ ଆଉ ଦୁଇଜଣଙ୍କ ଅବସ୍ଥା ସ୍ଥିର ରହିଛି। ଛୁରାମାଡ଼ କରିଥିବା ସନ୍ଦିଗ୍ଧ ବ୍ୟକ୍ତିଙ୍କୁ ପୁଲିସ ଗିରଫ କରିଛି।
Also Read
ଏହି ଷ୍ଟେସନରେ ଘରୋଇ ଟ୍ରେନ୍ ଚଳାଳଚ କରିବା ସହ ସ୍ୱିଜରଲ୍ୟାଣ୍ଡ ଓ ଇଟାଲିକୁ ମଧ୍ୟ ଟ୍ରେନ୍ ଚଳଚଳ କରୁଛି। ଏଥିପାଇଁ ଷ୍ଟେସନରେ ପ୍ରବଳ ଭିଡ ଜମେ। ଶନିବାର ମଧ୍ୟ ଷ୍ଟେସନରେ ପ୍ରବଳ ଲୋକ ଉପସ୍ଥିତ ଥିଲେ। ଏହି ସମୟରେ ବ୍ୟକ୍ତି ଜଣକ ଛୁରା ମାଡ଼ କରିଥିଲା। ତେବେ ଆକ୍ରମଣ ବେଳେ ବ୍ୟକ୍ତି ଜଣକ କୌଣସି ଧାର୍ମିକ ନାରାବାଜି କରିନଥିବା ପୁଲିସ କହିଛି।
ଉଲ୍ଲେଖଯୋଗ୍ୟ, ପ୍ୟାରିସରେ ଛୁରମାଡ଼ର ଏହା ପ୍ରଥମ ଘଟଣା ନୁହେଁ। ଏହାପୂର୍ବରୁ ମଧ୍ୟ ଅନେକ ଛୁରାମାଡ଼ ଘଟଣା ସାମ୍ନାକୁ ଆସିଛି। ଗତବର୍ଷ ଜୁନ୍ରେ ଫ୍ରାନ୍ସର ଆଲ୍ପସ ଅଞ୍ଚଳର ଏକ ସହରରେ ଆକ୍ରମଣକାରୀମାନେ ଛୁରାମାଡ଼ କରି ୮ ଜଣ ଛୋଟ ପିଲାଙ୍କ ସମେତ ଅନେକ ଲୋକଙ୍କୁ ଆହତ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
