ଆପାର୍ଟମେଣ୍ଟ ପରିସରେ ଫୁଟିଲା ଗୁଳି। ଆଖିବୁଜା ଗୁଳିମାଡ଼ କଲା ଦୁର୍ବୃତ୍ତ। ଏଥିରେ ୫ ଜଣଙ୍କ ମୃତ୍ୟୁ ହୋଇଛି। ଗୁଳିମାଡ଼ କରିବା ପରେ ଆକ୍ରମଣକାରୀ ନିଜକୁ ନିଜେ ଗୁଳି କରି ଆତ୍ମହତ୍ୟା କରିଛି। ଏଭଳି କିଛି ଘଟଣା ଘଟିଛି ଆମେରିକାର ଲାସ୍ ଭେଗାସ୍ ସହରରେ।
ସୂଚନା ମୁତାବକ, ମଙ୍ଗଳବାର ସକାଳେ ଏହି ଗୁଳିମାଡ଼ ଘଟଣା ଘଟିଛି। ଲାସ ଭେଗାସରେ ଥିବା ଦୁଇଟି ଆପାର୍ଟମେଣ୍ଟ ପରିସରେ ଜଣେ ବନ୍ଧୁକଧାରୀ ପଶି ଆସି ଆଖିବୁଜା ଗୁଳିମାଡ଼ କରିଥିଲା। ତେବେ ପୁଳିସ ଆକ୍ରମଣକାରୀକୁ ଧରିବା ପାଇଁ ତା' ପାଖକୁ ପହଞ୍ଚିବା ପୂର୍ବରୁ ସେ ନିଜକୁ ନିଜେ ଗୁଳିକରି ଉଡ଼ାଇ ଦେଇଛି।
Also Read
ଉତ୍ତର ଲାସ୍ ଭେଗାସ ପୁଲିସର କହିବା ମୁତାବକ, ଏହି ଗୁଳିମାଡ଼ରେ ୪ ଜଣ ମହିଳା ସମେତ ଜଣେ ପୁରୁଷଙ୍କ ମୃତ୍ୟୁ ହୋଇଛି। ସେହିପରି ୧୩ ବର୍ଷର ଜଣେ ବାଳିକା ଆହତ ହୋଇଛି। ତାକୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଆଇସିୟୁରେ ତା'ର ଚିକିତ୍ସା ଚାଲିଛି।
ସେପଟେ ୪୭ ବର୍ଷୀୟ ଅଭିଯୁକ୍ତ ଏରିକ ଏଡମ୍ସ ମଙ୍ଗଳବାର ବିଳମ୍ବିତ ରାତିରେ ଏହି ଗୁଳିକାଣ୍ଡ ଘଟାଇଛି। କାସା ନର୍ଥ ଡ୍ରାଇଭ୍ରେ ଥିବା ଆପାର୍ଟମେଣ୍ଟରେ ବିଲ୍ଡିଂରେ ପଶି ସେ ଗୁଳିମାଡ କରିଥିଲା। ସୂଚନା ମିଳିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଏରିକ୍କୁ ଖୋଜାଖୋଜି କରିଥିଲା।
ଇଷ୍ଟ ଲେକ୍ ମିଡ୍ ବୁଲେଓ୍ୱାର୍ଡରେ ଏରିକ୍ ଲୁଚି ରହିଥିବା ପୁଲିସକୁ ସୂଚନା ମିଳିଥିଲା। ଏହାପରେ ପୁଲିସ ସେଠାରେ ପହଞ୍ଚି ଏରିକ୍କୁ ଘେରି ଯାଇ ଆତ୍ମସମର୍ପଣ କରିବାକୁ କହିଥିଲା। କିନ୍ତୁ ଏରିକ ନିଜକୁ ଗୁଳି କରି ଆତ୍ମହତ୍ୟା କରିଥିବା ସୂଚନା ମିଳିଛି। ପୁଲିସ ପୂରା ମାମଲାର ତଦନ୍ତ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
