ବିଶ୍ୱବିଦ୍ୟାଳୟ ଭିତରେ ଫୁଟିଲା ଗୁଳି, ଜଣେ ମୃତ, ୧୬ ଆହତ

ବିଶ୍ୱବିଦ୍ୟାଳୟ ଭିତରେ ଫୁଟିଲା ଗୁଳି। ଟଳି ପଡିଲେ ଜଣେ ବ୍ୟକ୍ତି। ସେହିପରି ଅନ୍ୟ ୧୬ ଜଣ ଆହତ ହୋଇଛନ୍ତି। ଆମେରିକାର ଅଲବାମା ରାଜ୍ୟରେ ସ୍ଥିତ ଟସ୍କେଗି ବିଶ୍ୱବିଦ୍ୟାଳୟରେ ଘଟିଛି ଏଭଳି କିଛି ଘଟଣା।

ଅଧିକାରୀଙ୍କ କହିବାନୁସାରେ, ଆହତମାନଙ୍କ ମଧ୍ୟରୁ ୧୨ଜଣଙ୍କ ଅବସ୍ଥା ଗୁରୁତର ରହିଛି। ରବିବାର ଏହି ଘଟଣା ଘଟିଛି। ବିଶ୍ୱବିଦ୍ୟାଳୟ ପରିସରରେ ଥିବା ଏକ ସ୍ଥାନରେ ଘଟିଥିଲା ​​ଯେଉଁଠାରେ ଛାତ୍ରଛାତ୍ରୀ ଏବଂ ଅନ୍ୟମାନେ ଉପସ୍ଥିତ ଥିଲେ। ପୁଲିସ ଘଟଣାର ତଦନ୍ତ କରୁଛି। ତେବେ କେଉଁ କାରଣ ଯୋଗୁ ଏହି ଘଟଣା ଘଟିଲା ତାହା ଜାଣିବା ପାଇଁ ଉଦ୍ୟମ ଜାରି ରହିଛି।

ସେପଟେ ଏହି ଗୁଳି ବିନିମୟ ହେତୁ ବିଶ୍ୱବିଦ୍ୟାଳୟ ତଥା ଏହାର ଆଖପାଖ ଅଞ୍ଚଳରେ ଅଶାନ୍ତ ପରିସ୍ଥିତି ସୃଷ୍ଟି ହୋଇଛି। ପୁଲିସ ସୁଟରକୁ ଗିରଫ କରିଛି। ମଣ୍ଟଗୋମେରୀର ୨୫ ବର୍ଷିୟ ଜ୍ୟାକେଜ ମାୟରିକଙ୍କୁ କ୍ୟାମ୍ପସ ଭିତିରେ ଗୁଳିମାଡ଼ କରି ବାହାରକୁ ଆସିବା ବେଳେ ଗିରଫ କରାଯାଇଛି। ତାଙ୍କ ନିକଟରୁ ଏକ ମେସିନ୍‌ ଗନ୍‌ ସମେତ ଏକ ବନ୍ଧୁକ ମଧ୍ୟ ଜବତ ହୋଇଥିବା ଆଲବାମା ଆଇନ ଶୃଙ୍ଖଳା ଏଜେନ୍ସି କହିଛି।

ଏଜେନ୍ସି କହିଛି ଯେ ମିରିକ୍ ମେସିନ୍ ବନ୍ଧୁକ ରଖିବା ଅଭିଯୋଗରେ ଫେଡେରାଲ୍ ଅଭିଯୋଗର ସମ୍ମୁଖୀନ ହୋଇଛନ୍ତି। ମୃତ୍ୟୁବରଣ କରିଥିବା ୧୮ ବର୍ଷ ବୟସ୍କ ବ୍ୟକ୍ତି ବିଶ୍ୱବିଦ୍ୟାଳୟର ଛାତ୍ର ନୁହଁନ୍ତି, କିନ୍ତୁ ଆହତମାନଙ୍କ ମଧ୍ୟରେ କିଛି ଛାତ୍ର ଥିବା ଅଧିକାରୀମାନେ କହିଛନ୍ତି। ସେପଟେ ଗୁଳିମାଡ଼ ପରେ କ୍ଲାସ ରଦ୍ଦ କରାଯାଇଛି।

ପୀଡିତାଙ୍କ ପିତାମାତାଙ୍କୁ ଅବଗତ କରାଯାଇଛି। ଆହତମାନଙ୍କ ମଧ୍ୟରୁ ଅନେକ ଓପେଲିକା ସ୍ଥିତ ପୂର୍ବ ଆଲାବାମା ମେଡିକାଲ ଏବଂ ମଣ୍ଟଗୋମେରୀର ବାପ୍ଟିଷ୍ଟ ସାଉଥ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।