ଫ୍ରାନ୍ସକୁ ମିଳିଲା ପ୍ରଥମ ସମଲିଙ୍ଗୀ ପ୍ରଧାନମନ୍ତ୍ରୀ। ୩୪ ବର୍ଷୀୟ ଗାବ୍ରିଏଲ୍ ଅଟ୍ଟାଲଙ୍କୁ ମଙ୍ଗଳବାର ଫ୍ରାନ୍ସର ନୂଆ ପ୍ରଧାନମନ୍ତ୍ରୀ ଭାବେ ରାଷ୍ଟ୍ରପତି ଇମାନୁଏଲ ମାକ୍ରୋନ ନିଯୁକ୍ତ କରିଛନ୍ତି। ଗାବ୍ରିଏଲ ଏବେ ଫ୍ରାନ୍ସର ଯୁବ ଓ ପ୍ରଥମ ସମଲିଙ୍ଗୀ ପ୍ରଧାନମନ୍ତ୍ରୀ ହୋଇଛନ୍ତି। ପୂର୍ବରୁ ସେ ଫ୍ରାନ୍ସର ଶିକ୍ଷା ମନ୍ତ୍ରୀ ଥିଲେ।
୬୨ ବର୍ଷୀୟ ପ୍ରଧାନମନ୍ତ୍ରୀ ଏଲିଜାବେଥ ବୋର୍ଣ୍ଣଙ୍କ ଇସ୍ତଫା ପରେ ଏହି ଯୁବ ମନ୍ତ୍ରୀ ଜଣକ ପ୍ରଧାନମନ୍ତ୍ରୀ ରେସ୍ର ଆଗରେ ଥିଲେ। ଏଥିସହ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ପ୍ରଥମ ପସନ୍ଦ ମଧ୍ୟ ଥିଲେ।
Also Read
ଗାବ୍ରିଏଲ୍ ଅଟ୍ଟାଲ କଏ?
> ମାର୍ଚ୍ଚ ୧୯୮୯ରେ ଜନ୍ମିତ ଯୁବ ଫ୍ରାନ୍ସ ନେତା ଅଟ୍ଟାଲ ପୂର୍ବରୁ ଫ୍ରାନ୍ସର ଶିକ୍ଷା ମନ୍ତ୍ରୀ ଥିଲେ। ଏହାପୂର୍ବରୁ ପ୍ରାୟ ଦୁଇ ବର୍ଷ ଯାଏ ସେ ସରକାରଙ୍କ ମୁଖପାତ୍ର ଥିଲେ। ୩୨ ବର୍ଷ ବୟସରେ ସେ ପ୍ରଥମ କରି ମନ୍ତ୍ରୀ ହୋଇଥିଲେ।
> ସେ ଖୋଲାଖୋଲି ଭାବେ ନିଜକୁ ସମଲିଙ୍ଗୀ ଘୋଷଣା କରିଛନ୍ତି। ୟୁରୋପୀୟ ସଂସଦର ଜଣେ ଫରାସୀ ଓକିଲଙ୍କ ସହ ମିଶି ଏକ ସିଭିଲ୍ ୟୁନିୟନରେ ସେ ରୁହନ୍ତି। ସିଭିଲ୍ ୟୁନିଅନ୍ ହେଉଛି ଏକ ପ୍ରକାର ଆଇନ ବ୍ୟବସ୍ଥା ଯେଉଁଥିରେ ଫ୍ରାନ୍ସର ସମଲିଙ୍ଗୀ ଦମ୍ପତି ରୁହନ୍ତି।
> ତାଙ୍କ ବାପା ଜଣେ ଇହୁଦୀ ହୋଇଥିବାବେଳେ ସେ ଜଣେ ଓକିଲ ତଥା ଚଳଚ୍ଚିତ୍ର ନିର୍ମାତା ଥିଲେ। ତାଙ୍କ ମା' ଏକ ଫିଲ୍ମ ପ୍ରଡକ୍ସନ୍ କମ୍ପାନୀରେ କାମ କରୁଥିଲେ।
ସୋମବାର ରାଷ୍ଟ୍ରପତି ଇମାନୁଏଲ୍ ପ୍ରଧାନମନ୍ତ୍ରୀ ବୋର୍ଣ୍ଣଙ୍କ ଇସ୍ତଫା ସ୍ୱୀକାର କରିଥିଲେ। ସେ ଏହି ପ୍ରଧାନମନ୍ତ୍ରୀ ପଦରେ ଦୁଇ ବର୍ଷରୁ ମଧ୍ୟ କମ ସମୟ ପାଇଁ ରହିଥିଲେ। ଏଲିଜାବେଥ ବୋର୍ଣ୍ଣ ଦେଶର ଦ୍ୱିତୀୟ ମହିଳା ପ୍ରଧାନମନ୍ତ୍ରୀ ଥିଲେ।
ନିର୍ବାଚନକୁ ଆଉ କିଛି ମାସ ବାକିଥିବା ବେଳେ ରାଷ୍ଟ୍ରପତି ମାକ୍ରୋନ ତାଙ୍କ ଦଳରେ ବଡ଼ ଧରଣର ଅଦଳବଦଳ କରିବା ନେଇ ଅନୁମାନ କରାଯାଉଥିଲା। ଏହି ଆକଳନ ଚାଲିଥିବା ସମୟରେ ଏଲିଜାବେଥ ନିଜ ଇସ୍ତଫା ଦେଇଥିଲେ। ତାଙ୍କ କାର୍ଯ୍ୟକାଳ ଆହୁରି ତିନି ବର୍ଷ ବାକିଥିଲା। କିନ୍ତୁ ଅନେକ ବିବାଦୀୟ ନୀତି ଏବଂ ବିରୋଧ ଯୋଗୁଁ ମାକ୍ରୋନ୍ ତାଙ୍କ ସରକାରଙ୍କ ରାଜନୈତିକ ଭବିଷ୍ୟତକୁ ସୁରକ୍ଷିତ କରିବାକୁ ଚାହୁଁଥିଲେ। ତେଣୁ ତାଙ୍କୁ ଇସ୍ତଫା ଦେବାକୁ କୁହାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
