Indiatv 
ଜର୍ଜିଆରେ ଡଗଲାସଭିଲେ ସହରରେ କିଶୋରମାନଙ୍କର ଏକ ପାର୍ଟି ଉପରକୁ ଆଖି ବୁଜା ଗୁଳି ମାଡ଼ ହୋଇ ୨ ଜଣଙ୍କ ଜୀବନ ଯାଇଛି। ଏହି ଗୁଳି ମାଡ଼ରେ ପ୍ରାୟ ୬ ଜଣଙ୍କ ଅବସ୍ଥା ଗୁରୁତର ରହିଛି। ଗତ ଶନିବାର ବିଳମ୍ବିତ ରାତିରେ ଏପରି ଅଘଟଣ ଘଟିଥିବା ଜଣାଯାଇଛି।
ଜର୍ଜିଆର ରାଜଧାନୀ ଆଟଲାଣ୍ଟାଠାରୁ ୩୨ କିମି ଦୂରରେ ଆୟୋଜିତ ହେଉଥିବା ପାର୍ଟିରେ ପ୍ରାୟ ୧୦୦ରୁ ଅଧିକ ନାବାଳକ ଯୋଗ ଦେଇଥିଲେ। ସମସ୍ତଙ୍କ ବୟସ ୧୮ ବର୍ଷରୁ କମ୍ ବୋଲି ଜଣାଯାଇଛି।
Also Read
ଶନିବାର ରାତିରେ ସମସ୍ତେ ପାର୍ଟିରେ ମସଗୁଲ ଥିବା ବେଳେ ହଠାତ୍ ଗୁଳି ଫୁଟିବା ଶବ୍ଦ ଶୁଭିଲା। ଏହା ଶୁଣି ସମସ୍ତେ ଚାରିଆଡ଼େ ଦୌଡ଼ିବାକୁ ଲାଗିଲେ। ଏହା ମଧ୍ୟରେ ଗୁଳି ବାଜି ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୬ରୁ ଅଧିକ ଜଣ ଗୁରୁତର ହୋଇଛନ୍ତି। ଗୁରୁତରମାନଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି।
ପୁଲିସ୍ ଏହି ଘଟଣାର ଛାନଭିନ ଆରମ୍ଭ କରିଥିବା ବେଳେ କାହାକୁ ଗିରଫ କରିନି। ତେବେ କୌଣସି ସଙ୍ଗଠନ ଏଥିନିମନ୍ତେ ନିଜକୁ ଦାୟୀ କରି ନାହାନ୍ତି। କିଶୋରମାନଙ୍କ ପାର୍ଟିକୁ ହଠାତ୍ କିଏ ଓ କାହିଁକି ଟାର୍ଗେଟ କଲା ତାହା ଜଣା ପଡ଼ି ନ ଥିବା ବେଳେ ସ୍ଥାନୀୟ ଅଞ୍ଚଳରେ କୋକୁଆ ଭୟ ଖେଳି ଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
