ଲେବାନନରେ ସକ୍ରିୟ ଥିବା ହେଜବୁଲ୍ଲା ସଂଗଠନର ଏକାଧିକ ଠିକଣା ଉପରେ ଘନଘନ ଏୟାର ଷ୍ଟ୍ରାଇକ କରିଛି ଇସ୍ରାଏଲ। ଶୁକ୍ରବାର ଲେବାନନର ରାଜଧାନୀ ବେରୁଟରେ ଇସ୍ରାଏଲ କରିଥିବା ଆକ୍ରମଣରେ ହେଜବୁଲ୍ଲାର ବ୍ୟାପକ କ୍ଷୟକ୍ଷତି ହୋଇଛି। ଏୟାର ଷ୍ଟ୍ରାଇକରେ ସଂଗଠନର ଜଣେ ଟପ୍ କମାଣ୍ତରର ମୃତ୍ୟୁ ହୋଇଛି।
ଏପରି ଏକ ସମ୍ବେଦନଶୀଳ ପ୍ରସଙ୍ଗରେ କେହି ବି ମୁହଁ ଖୋଲି ନାହାନ୍ତି। କିନ୍ତୁ ଗୋଟିଏ ସୂତ୍ରରେ କୁହାଯାଇଛି ଯେ ଇସ୍ରାଏଲ ପକ୍ଷରୁ ହେଜବୁଲ୍ଲାର ଗଡ଼ ଭାବେ ପରିଚିତ ଦକ୍ଷିଣ ବେରୁଟରେ ଆକ୍ରମଣ କରାଯାଇଛି। ଏଥିରେ ସଂଗଠନର ରାଡୱାନ ୟୁନିଟର କମାଣ୍ଡର ଇବ୍ରାହିମ ଅକିଲ ପ୍ରାଣ ହରାଇଛନ୍ତି। ସେହିପରି ଆଉ ୨ ଜଣ ସାଧାରଣ ଲୋକ ମଧ୍ୟ ଏୟାର ଷ୍ଟ୍ରାଇକରେ ପ୍ରାଣ ହରାଇଛି ଓ ୧୭ ଜଣ ଆହତ ହୋଇଛନ୍ତି।
Also Read
ଇସ୍ରାଏଲ ପକ୍ଷରୁ କୁହାଯାଇଛି ଯେ ଦେଶର ସେନା ଯବାନ ବେରୁଟରେ ଥିବା ହେଜବୁଲ୍ଲାର ବିଭିନ୍ନ ଠିକଣାକୁ ଟାର୍ଗେଟ କରାଯାଇଛି। ଏଥିରେ କୌଣସି ସାଧାରଣ ଲୋକଙ୍କ କ୍ଷୟକ୍ଷତି ହୋଇନାହିଁ। ହେଜବୁଲ୍ଲାର ଗଡ଼ ଏୟାର ଷ୍ଟ୍ରାଇକରେ ଛିନଛତ୍ର ହୋଇଯାଇଛି ବୋଲି ଇସ୍ରାଏଲ କହିଛି।
ଅନ୍ୟପକ୍ଷରେ ସାମ୍ନାକୁ ଆସିଥିବା ଭିଡିଓରେ ଦେଖାବାକୁ ମିଳିଛି ଯେ ଇସ୍ରାଏଲର ଏୟାର ଷ୍ଟ୍ରାଇକରେ ବେରୁଟରେ ଥିବା ଏକାଧିକ ଘର ଭୁଶୁଡ଼ି ପଡ଼ିଛି। ଗୋଟିଏ ଆପାର୍ଟମେଣ୍ଟ ଛିନଛତ୍ର ହୋଇଯାଇଥିବା ବେଳେ ସାଧାରଣ ଲୋକ ଭୟରେ ଦୌଡ଼ୁ ଥିବା ଦେଖିବାକୁ ମିଳୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
