ଚାଲିଥିଲା ଅନ୍ତିମ ସଂସ୍କାର। ପରିବାର ଓ ବନ୍ଧୁବାନ୍ଧବ ମିଶି ଶବ ସଂସ୍କାର କରିବା ପାଇଁ ହୋଇଥିଲେ ଏକାଠି। ଠିକ୍ ଏତିକି ବେଳେ ପଛପଟୁ ହେଲା ଘନ ଘନ ରକେଟ୍ ମାଡ଼। କେହି କିଛି ବୁଝିବା ପୂର୍ବରୁ ରକେଟ୍ ମାଡ଼ରେ ଥରି ଉଠିଥିଲା ପୂରା ଶ୍ମଶାନ।
ଶ୍ମଶାନରେ କିଛି ଲୋକେ ଅନ୍ତିମ ସଂସ୍କାର କରିବା ପାଇଁ ଏକାଠି ହୋଇଥିଲେ। ଏହି ସମୟରେ କିଛି ଦୂରରେ ଏକ ରକେଟ୍ ମାଡ଼ ହୋଇଥିଲା। ବିସ୍ଫୋରଣର ଶବ୍ଦ ଶୁଣି ଶବ ସଂସ୍କାର କରିବାକୁ ଆସିଥିବା ଲୋକେ ଭୟରେ ଥରି ଉଠିଥିଲେ। ଯିଏ ଯେଉଁଠି ଥିଲେ ସେହି ସ୍ଥାନରେ ହିଁ ତଳେ ବସି ପଡ଼ିଥିଲେ। ଏଥିସହ ଆଉ କିଛି ଲୋକେ ଭୟରେ ଏଣେ ତେଣେ ଦୌଡ଼ି ପଳାଇଥିଲେ ଓ ହୋହଲ୍ଲା କରିଥିଲେ। ଏଭଳି କିଛି ଦୃଶ୍ୟ ସାମ୍ନାକୁ ଆସିଛି ଇସ୍ରାଏଲର ଏକ ଶ୍ମଶାନ ଭିତରୁ, ଯାହାର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଇସ୍ରାଏଲରେ ହିଂସାର ଭୟାନକ ପରିସ୍ଥିତିକୁ ବଖାଣୁଥିବା ଏହା କେବଳ ଗୋଟିଏ ଘଟଣା ନୁହେଁ, ଶନିବାର ହମାସର ଇସ୍ରାଏଲ ଉପେର ଆକ୍ରମଣ ପରେ ସବୁ ସ୍ଥାନରେ ସମାନ ଦୃଶ୍ୟ ଦେଖିବାକୁ ମିଳୁଛି।
Also Read
ଆଜିକାଲି ଇସ୍ରାଏଲେର ଏଭଳି ଦୃଶ୍ୟ ସାମ୍ନାକୁ ଆସିବା ସାଧାରଣ କଥା ହୋଇଗଲାଣି। କେଉଁଠି କେତେବେଳେ ଆଉ କେଉଁ ମୁହୂର୍ତ୍ତର ରକେଟ୍ ମାଡ଼ ହେବ ତାହା କହିବା ମୁସକିଲ। କାରଣ ଇସ୍ରାଏଲ୍ ଏବଂ ହମାସ ପରସ୍ପରର ଉପରକୁ ଆକ୍ରମଣ କରି ଟାର୍ଗେଟ କରୁଛନ୍ତି। ଏହି ଆକ୍ରମଣରେ ପ୍ରାୟ ୧୬୦୦ ଲୋକ ପ୍ରାଣ ହରାଇଛନ୍ତି ଏବଂ ଅନେକ ଲୋକ ଆହତ ମଧ୍ୟ ହୋଇଛନ୍ତି।
Families and soldiers stood in funerals for their loved ones today, with explosions of falling rockets in the background. This is Israel’s reality—sirens cutting through the silence of our grief. pic.twitter.com/VOfSNT522B
— Israel Defense Forces (@IDF) October 9, 2023
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
