ଆମେରିକାର ରାଷ୍ଟ୍ରପତି ନିର୍ବାଚନ ଜିତିବା ପରେ ଡୋନାଲ୍ଡ ଟ୍ରମ୍ପ ଆକ୍ସନ୍ ମୁଡରେ ଅଛନ୍ତି। ଚୀନ୍ ବିରୋଧରେ ତାଙ୍କ ରଣନୀତିକୁ ଆହୁରି ମଜବୁତ କରିବାକୁ ସେ ରିପବ୍ଲିକାନ୍ ପ୍ରତିନିଧୀ ମାଇକ୍ ୱାଲ୍ଟଙ୍କୁ ତାଙ୍କର ଜାତୀୟ ସୁରକ୍ଷା ପରାମର୍ଶଦାତା ଭାବରେ ନିଯୁକ୍ତ କରିଛନ୍ତି।
ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଏକ ଗୁରୁତ୍ୱପୂର୍ଣ୍ଣ ପଦ ଯାହାକି ରାଷ୍ଟ୍ରପତିଙ୍କୁ ସିଧାସଳଖ ପରାମର୍ଶ ଦେଇଥାଏ। ଏହି ପଦବୀ ସିନେଟ୍ ନିଶ୍ଚିତକରଣ ଆବଶ୍ୟକ କରେ ନାହିଁ, ତେଣୁ ଏହା ରାଷ୍ଟ୍ରପତିଙ୍କ ପସନ୍ଦ ଦ୍ୱାରା ସିଧାସଳଖ ପୂରଣ ହୋଇପାରିବ। ଏହି ପଦବୀରେ ଥିବାବେଳେ ୱାଲ୍ଟଙ୍କୁ ପ୍ରମୁଖ ଜାତୀୟ ସୁରକ୍ଷା ପ୍ରସଙ୍ଗରେ ଟ୍ରମ୍ପଙ୍କୁ ସୂଚନା ପ୍ରଦାନ କରିବା ଏବଂ ବିଭିନ୍ନ ସରକାରୀ ଏଜେନ୍ସି ସହ ସମନ୍ୱୟ ରକ୍ଷା କରିବାର ଦାୟିତ୍ୱ ରହିବ।
Also Read
୫୦ ବର୍ଷିୟ ଅବସରପ୍ରାପ୍ତ କର୍ଣ୍ଣେଲ ମାଇକ ୱାଲ୍ଟ ସହ ଇଣ୍ଡିଆ କକ୍ସର ସହ-ଚେୟାରମ୍ୟାନ୍ ଅଟନ୍ତି। ସେ ଆମେରିକାର ସେନାର ଏକ ସ୍ୱତନ୍ତ୍ର ୟୁନିଟ୍ ଗ୍ରୀନ୍ ବେରେଟରେ କାମ କରିସାରିଛନ୍ତି। ସୂଚନାନୁସାରେ, ସେ ଚୀନ୍ର ଜଣେ ପ୍ରମୁଖ ସମାଲୋଚକ ଅଟନ୍ତି। ଏଭଳି ପରିସ୍ଥିତିରେ ଟ୍ରମ୍ପଙ୍କ ଏହି ପଦକ୍ଷେପ ଏହା ସଙ୍କେତ ଦେଉଛି ଯେ ସେ ଅଧିକ ଆକ୍ରମଣାତ୍ମକ ଭାବରେ ତାଙ୍କର ବୈଦେଶିକ ନୀତି ଆପଣାଇବାକୁ ପ୍ରସ୍ତୁତ ଅଛନ୍ତି।
ମାଇକ୍ ଓ୍ୱାଲ୍ଟ ୨୦୧୯ରୁ ଆମେରିକା ସଂସଦ (US House of Representatives) ର ସଦସ୍ୟ ଅଟନ୍ତି। ସେ ଟ୍ରମ୍ପଙ୍କ ଜଣେ ଦୃଢ଼ ସମର୍ଥକ ଏବଂ ୨୦୨୦ ରାଷ୍ଟ୍ରପତି ନିର୍ବାଚନ ଫଳାଫଳକୁ ଅଗ୍ରାହ୍ୟ କରିବା ପାଇଁ ତାଙ୍କର ଉଦ୍ୟମକୁ ମଧ୍ୟ ସମର୍ଥନ ଜଣାଇଥିଲେ। ବର୍ତ୍ତମାନର ରାଷ୍ଟ୍ରପତି ଜୋ ବାଇଡେନଙ୍କ ବୈଦେଶିକ ନୀତିର ସର୍ବାଧିକ ସମାଲୋଚକମାନଙ୍କ ମଧ୍ୟରେ ମାଇକ୍ଙ୍କୁ ଗଣନା କରାଯାଏ।
୨୦୨୧ ମସିହାରେ ଆଫଗାନିସ୍ତାନରୁ ଆମେରିକାର ସୈନ୍ୟ ପ୍ରତ୍ୟାହାରକୁ ନେଇ ସେ ବାଇଡେନଙ୍କୁ ଘେରି ଥିଲେ। ୟୁକ୍ରେନକୁ ସମର୍ଥନ କରିବାକୁ ମଧ୍ୟ ସେ ହିଁ ଆହ୍ୱାନ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
