ନେପାଳରେ ଭାଙ୍ଗିଲା ମେଣ୍ଟ ସରକାର। ଅଲଗା ହେଲେ ପ୍ରଚଣ୍ଡ ଓ ଦେଉବା। ମାଳଦ୍ୱୀପ ପରେ ଭାରତର ପଡୋଶୀ ଦେଶ ନେପାଳରେ ଦେଖିବାକୁ ମିଳିଛି ବଡ଼ ଧରଣର ରାଜନୈତିକ ହଲ୍ଚଲ। ଦୀର୍ଘ ୧୫ ମାସ ପରେ ବର୍ତ୍ତମାନର ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ(ପ୍ରଚଣ୍ଡ) ଓ ପୂର୍ବତନ ପ୍ରଧାନମନ୍ତ୍ରୀ ଶେର ବାହାଦୂର ଦେଉବାଙ୍କ ମେଣ୍ଟ ଭାଙ୍ଗି ଯାଇଛି। ଏନେଇ ଖୋଦ୍ ନେପାଳ ପ୍ରଧାନମନ୍ତ୍ରୀ ଘୋଷଣା କରିଛନ୍ତି।
ଦେଉବାଙ୍କ ଠାରୁ ଭିନ୍ନ ହୋଇ କେପି ଓଲିଙ୍କ ସହ ମେଣ୍ଟ କରି ନୂଆ ସରକାର ଗଠନ କରିବାକୁ ଘୋଷଣା କରିଛନ୍ତି ନେପଳ ପ୍ରଧାନମନ୍ତ୍ରୀ ପୁଷ୍ପ କମଲ। ଅର୍ଥମନ୍ତ୍ରୀ ସୁରେନ୍ଦ୍ର ପାଣ୍ଡେଙ୍କ ମୁତାବକ ସୋମବାର ଦିନ ନୂଆ ମନ୍ତ୍ରିମଣ୍ଡଳର ନେତା ଶପଥ ନେଇପାରନ୍ତି।
Also Read
ଦୀର୍ଘ ଦିନ ହେବ ପୁଷ୍ପ କମଲ ଓ ଶେର ବାହାଦୂରଙ୍କ ନେତାଙ୍କ ମଧ୍ୟରେ କୌଣସି ଏକ କଥା ନେଇ ବିବାଦ ଲାଗି ରହିଥିଲା ବୋଲି କୁହାଯାଉଛି। ଏହି କାରଣ ଯୋଗୁ ୧୫ ମାସର ମେଣ୍ଟ ସରକାର ଧରାଶାୟୀ ହୋଇଛି। ଏହା ବ୍ୟତୀତ ଏହି ମେଣ୍ଟ ଭାଙ୍ଗିବା ପଉରେ ଚୀନ୍ର ହସ୍ତକ୍ଷେପ ଥିବା ମଧ୍ୟ କୁହାଯାଉଛି। ପୁଷ୍ପ କମଲ ଓ ଶେର ବାହାଦୂରଙ୍କୁ ଭିନ୍ନ କରିବାରେ ଚାଇନାର ରାଜଦୂତଙ୍କ ମୁଖ୍ୟ ଭୂମିକା ରହିଥିବା ଆଶଙ୍କା କରାଯାଉଛି।
ଚୀନ ରାଜଦୂତ ନେପାଳରେ ବାମପନ୍ଥୀ ଏକତା ଉପରେ ଜୋର ଦେଉଛନ୍ତି। ଏହା ପଛର କାରଣ ନେପାଳରେ ନିଜର ପ୍ରଭାବ ବିସ୍ତାର କରିବାକୁ ଚାହୁଁଛି ଚୀନ। ସେହିପରି ଶେର ବାହାଦୁର ଦେଉବାଙ୍କୁ ବିଶେଷ ଭାବେ ଭାରତର ସମର୍ଥକ ବୋଲି କୁହାଯାଏ ଅନ୍ୟପଟେ ନେପାଳ କମ୍ୟୁନିଷ୍ଟ ପାର୍ଟିର ନେତା କେପି ଓଲି ଜଣେ ଚୀନ ସମର୍ଥକ। ଏହି କାରଣରୁ ସି ଜିନପିଙ୍ଗ କେପି ଓଲିଙ୍କୁ କ୍ଷମତାକୁ ଫେରାଇ ଆଣିବାକୁ ପ୍ରୟାସ କରୁଛନ୍ତି ବୋଲି ଚର୍ଚ୍ଚା ହେଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
