ଓଡ଼ିଆ ଲୋକଗୀତ ‘ଧିତାଙ୍ଗ ଧିତାଙ୍ଗ’ରେ ଦୁଲୁକିଲା ଅଷ୍ଟ୍ରେଲିଆର ସିଡନୀ ପାର୍କ । ଗତକାଲି ପ୍ରଧାନମନ୍ତ୍ରୀ ମୋଦିଙ୍କୁ ସିଡନୀ ପାର୍କରେ ସ୍ୱାଗତ କରାଯାଇଥିଲା। ଏଥିନିମନ୍ତେ ଆୟୋଜିତ ଭବ୍ୟ କାର୍ଯ୍ୟକ୍ରମରେ ପରିବେଷଣ ହୋଇଥିଲା ଓଡ଼ିଆ ଲୋକଗୀତ ‘ଧିତାଙ୍ଗ ଧିତାଙ୍ଗ’ । ଉକ୍ତ ସମୟରେ ଷ୍ଟାଡିୟମରେ ଉପସ୍ଥିତ ଥିବା ହଜାର ହଜାର ଲୋକ ଏହି ଓଡ଼ିଆ ଲୋକଗୀତରେ ଝୁମିଥିଲେ ।
‘ଦୁରୁଆ’ ସମ୍ପ୍ରଦାୟର ଲୋକେ ବିବାହ ସମାରୋହ ବେଳେ ଏହି ନୃତ୍ୟ ଜରିଆରେ ସେଲିବ୍ରେସନ କରନ୍ତିା ଢୋଲ, ଝାଞ୍ଜକୁ ବ୍ୟବହାର କରି ପ୍ରସ୍ତୁତ ହୋଇଥିବା ଏହି ଗୀତ ଯେତେ ସ୍ମୃତି ମଧୁର ସେତେ ପ୍ରଭାବଶାଳୀ । କଣ୍ଠଶିଳ୍ପୀ ସୁସ୍ମିତା ଦାସ ଏହି ଗୀତକୁ ଗାଇଛନ୍ତିା ସିଡନୀ ପାର୍କର ମଞ୍ଚରେ ‘ଧିତାଙ୍ଗ ଧିତାଙ୍ଗ’ ପରିବେଷଣ ବେଳେ ଝୁମିଥିଲେ ହଜାର ହଜାର ପ୍ରବାସୀ ଭାରତୀୟଙ୍କ ସହ ଅଷ୍ଟ୍ରେଲିୟ ନାଗରିକ ।
‘ଧିତାଙ୍ଗ ଧିତାଙ୍ଗ’ ଗୀତକୁ ଓଡ଼ିଅ କଣ୍ଠଶିଳ୍ପୀ ସସ୍ମିତା ଦାସ କଣ୍ଠଦାନ କରିଛନ୍ତି। ସିଡନୀରେ ପ୍ରଧାନମନ୍ତ୍ରୀ ମୋଦିଙ୍କ ସ୍ୱାଗତ କାର୍ଯ୍ୟକ୍ରମରେ ଏହା ପରିବେଷିତ ହୋଇଥିବା ବେଳେ ସେ ଖୁବ୍ ଖୁସି ବ୍ୟକ୍ତ କରିଛନ୍ତି। ଏଥିନିମନ୍ତେ ସେ ଗୀତ ରଚନା କରିଥିବା ସଂଗ୍ରାମ ମହାନ୍ତି ଓ ଏହାର ମ୍ୟୁଜିକ ଦେଇଥିବା ଅଭିଜିତ ମିଶ୍ରଙ୍କୁ ଧନ୍ୟବାଦ ଜଣାଇଛନ୍ତି ।
Also Read
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ମୋଦି ଏବେ ଅଷ୍ଟ୍ରେଲିଆ ଗସ୍ତରେ ଅଛନ୍ତି। ସେଠାରେ ତାଙ୍କୁ ଭବ୍ୟ ସମ୍ବର୍ଦ୍ଧନା ମିଳୁଥିବା ବେଳେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍ଥୋନୀ ଆଲ୍ବାନିଜ୍ ତାଙ୍କୁ ପ୍ରଶଂସାରେ ପୋତି ପକାଇଛନ୍ତି। ଏଥିସହ ମୋଦି ହିଁ ପ୍ରକୃତ ବସ୍ ବୋଲି ଉଲ୍ଲେଖ କରିଛନ୍ତି । ଚଳିତ ବର୍ଷ ଭାରତରେ କ୍ରିକେଟ୍ ବିଶ୍ୱକପ୍ ଏବଂ ଦୀପାବଳି ଉତ୍ସବ ଦେଖିବା ନିମନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଷ୍ଟ୍ରେଲିଆର ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
