ତୀବ୍ର ହେଉଛି ଇସ୍ରାଏଲ-ପାଲେଷ୍ଟାଇନ ବିବାଦ। ପାଲେଷ୍ଟାଇନର ଆତଙ୍କବାଦୀ ଗୋଷ୍ଠୀ ହମାସର ଆକ୍ରମଣ ପରେ ଇସ୍ରାଏଲ ପ୍ରଧାନମନ୍ତ୍ରୀଙ୍କ ଯୁଦ୍ଧ ଘୋଷଣା ମୃତ୍ୟୁର ବିଭୀଷିକା ରଚିଛି। ଅନ୍ତର୍ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ, ଏଯାବତ୍ ଉଭୟ ପାର୍ଶ୍ୱର ପ୍ରାୟ ୧୧୦୦ରୁ ଅଧିକ ଲୋକଙ୍କ ଜୀବନ ଯାଇ ସାରିଲାଣି।
ଏଥିରେ ଇସ୍ରାଏଲର ୪୪ରୁ ଅଧିକ ସୈନିକ ଥିବାବେଳେ ୭୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ରବିବାର ଇସ୍ରାଏଲର ନିରନ୍ତର ଏୟାର ଷ୍ଟ୍ରାଇକ୍ ପରେ ଗାଜାରେ ଅତି କମରେ ୪୧୩ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏଥିସହ ଶତାଧିକ ସାଧାରଣ ଜନତାଙ୍କୁ ବନ୍ଦୀ କରିନେଇଛନ୍ତି।
Also Read
New video: Aftermath of the Supernova music festival in Israel, where Hamas gunmen killed 260 people pic.twitter.com/vRbWAYB9Mz
— BNO News (@BNONews) October 8, 2023
ଇସ୍ରାଏଲର ଉଦ୍ଧାରକାରୀ ସଂସ୍ଥା ଜାକା ରିପୋର୍ଟ କରିଛି ଯେ, ହାମାସ ଆକ୍ରମଣ ପରେ ଏକ ମ୍ୟୁଜିକ୍ ଫେଷ୍ଟରୁ ପ୍ରାୟ ୨୬୦ ଜଣଙ୍କ ମୃତଦେହ ଉଦ୍ଧାର କରାଯାଇଛି। ପୁରୁଣା ବିବାଦକୁ ନେଇ ପାଲେଷ୍ଟାଇନର ହମାସ ସଂଗଠନ ଶନିବାର ସକାଳେ ଅଚାନକ ଇସ୍ରାଏଲ ଉପରେ ରକେଟ୍ ମାଡ କରିଥିଲା। ବିଭିନ୍ନ ସ୍ଥାନରେ ପ୍ରାୟ ପାଞ୍ଚ ହଜାରରୁ ଅଧିକ ରକେଟ୍ ମାଡ କରିଥିଲା ହମାସ ସଂଗଠନ। ଏହାପରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଯୁଦ୍ଧ ଘୋଷଣା କରିଥିଲେ।
ଯୁଦ୍ଧ ଘୋଷଣା ପରେ ମୃତ୍ୟୁସଂଖ୍ୟା ବଢିବା ସହ ଉଭୟ ପକ୍ଷ ରକ୍ତମୁଖା ହୋଇ ଉଠିଛନ୍ତି। ହମାସ ନିଜ ଜିଦରେ ଅଟଳ ଥିବାବେଳେ, ନେତାନ୍ୟାହୁ ଆତଙ୍କବାଦୀ ସଂଗଠନ ହମାସକୁ ଧ୍ୱଂସ କରିଦେବାକୁ ଶପଥ ନେଇଛନ୍ତି। ଏଥିସହ ସେ ହମାସର ଆକ୍ରମଣକୁ ଏକ ଦୀର୍ଘ ତଥା ଆହ୍ୱାନପୂର୍ଣ୍ଣ ଯୁଦ୍ଧର ଆରମ୍ଭ ବୋଲି ଘୋଷଣା କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
