କଣ୍ଟେନର ଉପରେ ନମାଜ ପାଠ। ବିରୋଧ ପ୍ରଦର୍ଶନର ନିଆରା ତରିକା ଆପଣାଇଲେ ବିକ୍ଷୋଭକାରୀ। ରାସ୍ତା ଅବରୋଧ ପାଇଁ ରଖାଯାଇଥିବା କଣ୍ଟେନର ଉପରେ ଚଢ଼ି ନମାଜ ପାଠ କଲେ। ତେବେ ଏହାକୁ ଅଟକାଇବାକୁ ଯାଇ ତାଙ୍କୁ ଧକ୍କା ମାରି ତଳକୁ ଖସାଇ ଦେଲା ସେନା। ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ପାକିସ୍ତାନରେ।
ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ମୁକ୍ତ କାରିବା ପାଇଁ ତାଙ୍କ ସମର୍ଥକମାନେ ଦାବି କରୁଛନ୍ତି। ଏହାକୁ ନେଇ ଇସଲାମାବାଦରେ ରାସ୍ତାକୁ ଓହ୍ଲାଇ ଆସି ସେମାନେ ଜୋରଦାର ବିରୋଧ ପ୍ରଦର୍ଶନ ଜାରି ରଖିଛି। ତାଙ୍କ ଅଟକାଇବା ପାଇଁ ଶହବାଜ ସରିଫ ସରକାର ସେନାକୁ ନିୟୋଜିତ କରିଛି। ବିକ୍ଷୋଭକାରୀଙ୍କ ବିରୋଧରେ ସୁଟ୍ ଆଟ୍ ସାଇଟ୍ ନିର୍ଦ୍ଦେଶ ଜାରି କରାଯାଇଛି।
Also Read
ସେମାନଙ୍କଙ୍କୁ ଡି-ଚୌକ୍ ଯାଏ ରାଲି କରିବାକୁ ଅଟକାଇବା ପାଇଁ ରାସିତାରେ ବଡ଼ ବଧ କଣ୍ଟେନର ରଖାଯାଇଛି। ଏହାରି ଭିତରେ ଏହି ଚକିତ କଲା ଭିଡିଓ ସାମ୍ନାକୁ ଆସିଛି। ରାସ୍ତା ଉପରେ ଯେଉଁ କଣ୍ଟେନର ରଖାଯାଇଛି ତାହା ଉପରେ ଚଢ଼ି ଜଣେ ପିଟିଆଇ ସମର୍ଥକ ନମାଜ ପାଠ କରିଛନ୍ତି। ଏହାକୁ ରୋକିବାକୁ ଯାଇ ସେନା ତାଙ୍କୁ କଣ୍ଟେନର ଉପରକୁ ଧକ୍କା ମାରି ତଳକୁ ଖସାଇ ଦେଇଛି। ଏହି ପୂରା ଘଟଣାର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
An innocent, unarmed protester was seen praying on a container when an armed paramilitary officer brutally pushed him off from a height equivalent to three stories. It remains unclear if he survived the fall. This horrifying act shows the sheer brutality and fascism of this… pic.twitter.com/gljC6W941D
— PTI (@PTIofficial) November 26, 2024
ଜଣେ ନୀରିହ, ଅସ୍ତ୍ରହୀନ ବିକ୍ଷୋଭକାରୀ ପ୍ରାର୍ଥନା କରୁଥିବା ବେଳେ ତାଙ୍କ ପ୍ରତି ବର୍ବରତା କରିଛି ସେନା। ଏହା ଅତି ଭୟଙ୍କର ବୋଲି କହିଛି ପିଟିଆଇ। ସେପଟେ କଣ୍ଟେନରରୁ ତଳକୁ ଖସି ଉକ୍ତ ବ୍ୟକ୍ତି ଜଣକ ମୃତ ନା ଜୀବିତ ଅଛିନ୍ତି ସେ ନେଇ କୌଣସି ସୂଚନା ମିଳିନାହିଁ।
ପିଟିଆଇ ପ୍ରତିଷ୍ଠାତା ଇମରାନ ଖାନଙ୍କ ମୁକ୍ତି ଦାବିରେ ପାକ୍ ରାଜଧାନୀ ଇସଲାମାବାଦ ତଥା ଦେଶବ୍ୟାପୀ ପ୍ରବଳ ବିକ୍ଷୋଭ ପରେ ହିଂସାତ୍ମକ ପରିସ୍ଥିତି ସୃଷ୍ଟି ହୋଇଛି। ସ୍ଥିତି ଅଣାୟତ୍ତ ହେବାରୁ ଇସଲାମାବାଦର ରେଡ୍ ଜୋନରେ ଏକତ୍ରିତ ହୋଇଥିବା ପିଟିଆଇ କର୍ମୀଙ୍କ ଉପରେ ରେଡ୍ ମାରିଛନ୍ତି ସୁରକ୍ଷା କର୍ମୀ। ୧୦୦ରୁ ଅଧିକ ପିଟିଆଇ କର୍ମୀଙ୍କୁ ଗିରଫ କରିଛନ୍ତି ସୁରକ୍ଷା କର୍ମୀ।
ହିଂସାରେ ୬ଜଣ ସୁରକ୍ଷା କର୍ମୀଙ୍କ ମୃତ୍ୟୁ ଘଟିଛି। ଅନ୍ୟପଟେ ପିଟିଆଇର ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳ ୩୦ ଆହତ ହୋଇଛନ୍ତି। ଏବେ ସୁଦ୍ଧା ମୋଟ ୪ହଜାର ପିଟିଆଇ ସମର୍ଥକ ଗିରଫ ହୋଇଛନ୍ତି । ହିଂସା ମଧ୍ୟରେ ଇମ୍ରାନ ଖାନଙ୍କ ପତ୍ନୀ ବୁଶ୍ରା ତାଙ୍କ 'ଶପଥ' ପୂରଣ କରି ଇସଲାମାବାଦର ଡି-ଚୌକ ପହଞ୍ଚିଛନ୍ତି। ପିଟିଆଇ କର୍ମୀମାନେ ଡି-ଚୌକକୁ ଦଖଲ କରିଛନ୍ତି। ପ୍ରଦର୍ଶନ ହିଂସାତ୍ମକ ହେବା ପରେ ଇସଲାମାବାଦରେ ସେନା ମୁତୟନ କରାଯାଇଛି। ସେପଟେ ନିଜ କର୍ମୀଙ୍କ ଉଦ୍ଦେଶ୍ୟରେ ଟ୍ୱିଟ୍ କରି ଶେଷ ବଲ୍ ଯାଏ ଲଢିବାକୁ ଇମରାନ ଅପିଲ୍ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
