ବଗିଚାରେ କ୍ରାଶ କରିଛି ଗୋଟିଏ ଛୋଟ ବିମାନ। ଘର ଭିତରେ ପରିବାର ଲୋକ ରହିଥିବା ବେଳେ ସେମାନଙ୍କ ବଗିଚାରେ ଏପରି ଘଟଣା ଘଟିଛି। ଆମେରିକାର ଉତାହ ଠାରେ ରହୁଥିବା ଗୋଟିଏ ପରିବାର ବର୍ଗଙ୍କ ବଗିଚାରେ ବିମାନ କ୍ରାଶ କରିବାରୁ ସେମାନେ ପୂରା ସ୍ତବ୍ଧ ହୋଇଯାଇଛନ୍ତି।
ମିଳିଥିବା ସୂଚନା ଅନୁସାରେ, ବୁଧବାର ସ୍ଥାନୀୟ ସମୟ ଅପରାହ୍ନ ୩.୩୫ରେ ଏହି ଘଟଣା ଘଟିଛି। ଦୁଇ ଇଞ୍ଜିନ ବିଶିଷ୍ଟ ପିପର ପିଏ-୩୪ ବିମାନଟି ହଠାତ ଘରର ସାମ୍ନା ପଟେ ଥିବା ବଗିଚାରେ କ୍ରାଶ କରିଯାଇଛି।
Also Read
ବିମାନଟି ବଗିଚାରେ କ୍ରାଶ କରିବା ପରେ କିଛି ବାଟ ଘୋଷାଡ଼ି ହୋଇ ଯାଇଥିଲା। ଏହାପରେ ଏହା ଅଟକି ଯାଇଥିଲା। ସୌଭାଗ୍ୟବଶତଃ ବିମାନଟି କ୍ରାଶ ହୋଇଥିଲେ ହେଁ ଏଥିରେ ନିଆଁ ଲାଗି ନଥିଲା। କ୍ରାଶ ବେଳେ ବିରାଟ ଶବ୍ଦ ହୋଇଥିଲା। ଏହା ଶୁଣି ଘରରେ ରହୁଥିବା ଲୋକ ଓ ସେମାନଙ୍କ ପଡ଼ୋଶୀ ଘଟଣାସ୍ଥଳକୁ ଧାଇଁ ଆସିଥିଲେ। ସେମାନେ ମିଳିତ ଭାବେ ବିମାନ କ୍ରାଶ ଦ୍ୱାରା ପ୍ରଭାବିତ ହୋଇଥିବା ଲୋକଙ୍କୁ ସହଯୋଗ କରିଥିଲେ।
ଫେଡରାଲ ଆଭିଏସନ ଆଡମିନଷ୍ଟ୍ରେସନ କହିଛି ଯେ ଦୁର୍ଘଟଣାଗ୍ରସ୍ତ ହୋଇଥିବା ବିମାନରେ ଦୁଇ ଜଣ ଲୋକ ରହିଥିଲେ। କିନ୍ତୁ ସେମାନଙ୍କ ପରିଚୟ ସାର୍ବଜନୀନ କରାଯାଇ ନାହିଁ। ଉଭୟ ଦୁର୍ଘଟଣାରେ ସାମାନ୍ୟ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସ୍ପିଟାଲରେ ଚିକିତ୍ସା ପ୍ରଦାନ କରାଯାଉଛି।
ଦୁର୍ଘଟଣାରେ ବିମାନ ସହ ଗୋଟିଏ ଘର କ୍ଷତିଗ୍ରସ୍ତ ହୋଇଛି। କିଛି ଗଛ ମଧ୍ୟ ଭାଙ୍ଗି ଯାଇଛି। ବିମାନରେ ଥିବା ଦୁଇ ଜଣଙ୍କ ବ୍ୟତୀତ ଆଉ କେହି ବି ଏଥିରେ ଆହତ ହୋଇ ନାହାନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
