ବନ୍ଧୁକ ମୁନରେ ଆଫଗାନିସ୍ତାନକୁ ଦଖଲ କରିଥିବା ତାଲିବାନ ସରକାର ପ୍ରତିଦିନ ନୂଆନୂଆ ନିର୍ଦ୍ଦେଶ ଜାରି କରିବାରେ ଲାଗିଛନ୍ତି। ଏହିକ୍ରମରେ ଏବେ ତାଲିବାନ ସରକାର ସମସ୍ତ ଶିକ୍ଷାନୁଷ୍ଠାନରେ ସ୍ମାର୍ଟଫୋନ୍ ବ୍ୟବହାର ଉପରେ ପ୍ରତିବନ୍ଧକ ଲଗାଇଛନ୍ତି।
ଅର୍ଥାତ ଶିକ୍ଷାନୁଷ୍ଠାନକୁ କେହି ବି ସ୍ମାର୍ଟ ଫୋନ ନେଇପାରିବେ ନାହିଁ। ଏହା ଇସଲାମ ବିରୋଧୀ। ଏଥିସହ ଶିକ୍ଷାନୁଷ୍ଠାନରେ ମୋବାଇଲ ବ୍ୟବହାର ଦ୍ୱାରା ଏହା ପବିତ୍ରା ମଧ୍ୟ ନଷ୍ଟ ହେବ। ତେଣୁ କେହି ବି ଶିକ୍ଷାନୁଷ୍ଠାନରେ ମୋବାଇଲ ବ୍ୟବହାର କରିପାରିବେ ନାହିଁ ବୋଲି ତାଲିବାନ ସରକାର କହିଛନ୍ତି।
ତାଲିବାନର ସର୍ବୋଚ୍ଚ ନେତା ଶେଖ୍ ହିବାତୁଲ୍ଲା ଅଖୁଣ୍ଡଜାଦା ଏ ବାବଦରେ ଏକ ନିର୍ଦ୍ଦେଶ ଜାରି କରିଛନ୍ତି। ଏହାପୂର୍ବରୁ ତାଲିବାନ ସରକାର ଅନେକ ନିର୍ଦ୍ଦେଶ ଜାରି କରିଛନ୍ତି ଯେଉଁଥିରେ ବ୍ୟକ୍ତିଗତ ସ୍ୱାଧୀନତା ଉପରେ ଅଙ୍କୁଶ ଲଗାଯାଇଛି।
Also Read
ଆଫଗାନିସ୍ତାନର ତାଲିବାନ ସରକାର ମହିଳାଙ୍କ ଉପରେ ମଧ୍ୟ ଏକାଧିକ କଟକଣା ଲଗାଇବାର ନିଜର ରହିଛି। ଜଣେ ମହିଳା ସର୍ବଦା ସର୍ବସାଧାରଣରେ ନିଜ ଶରୀରକୁ ଆଚ୍ଛାଦନ କରିବା ବାଧ୍ୟତାମୂଳକ କରାଯାଇଛି। ମହିଳାମାନଙ୍କ ପୋଷାକ ପତଳା, କିମ୍ବା ଛୋଟ ହୋଇପାରିବ ନାହିଁ।
ସେହିପରି ମହିଳାମାନେ ଅଣ ମୁସଲମାନ ପୁରୁଷଙ୍କ ଆଗରେ ନିଜ ମୁହଁ ଘୋଡ଼ାଇ ରହିବେ। ମହିଳାମାନେ ସର୍ବସାଧାରଣରେ ଗୀତ ଗାଇ ପାରିବେ ନାହିଁ କିମ୍ବା ପାଠ ପଢ଼ାଇ ପାରିବେ ନାହିଁ। ସେମାନଙ୍କ ସ୍ୱର ସବୁବେଳେ ଧୀମା କରି ରହିବେ। ଯେଉଁ ପୁରୁଷମାନଙ୍କ ସହିତ ସେମାନେ ରକ୍ତ କିମ୍ବା ବିବାହ ସମ୍ପର୍କ ନାହିଁ, ସେମାନଙ୍କୁ ମହିଳାମାନେ ମୁହଁ ଦେଖାଇ ପାରିବେ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
