ପ୍ରବାସୀମାନେ ହେଉଛନ୍ତି ଭୟଙ୍କର ଅପରାଧୀ। ଆମେରିକାର ନାଗରିକଙ୍କୁ ହତ୍ୟା କରୁଥିବା ପ୍ରବାସୀଙ୍କୁ ମୃତ୍ୟୁ ଦଣ୍ଡ ଦିଆଯାଉଛ। ଏଭଳି କିଛି କହିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ।
ପାଖେଇ ଆସିଲାଣି ଆମେରିକା ରାଷ୍ଟ୍ରପତି ନିର୍ବାଚନ। ଏଥିପାଇଁ ଚାଲିଛି ଜୋରଦାର ପ୍ରଚାର। ଘନ ଘନ ପ୍ରଚାର କରୁଛନ୍ତି ପ୍ରାର୍ଥୀ। ଡୋନାଲ୍ଡ ଟ୍ରମ୍ପ ଓ ଡେମୋକ୍ରେଟିକ ପ୍ରାର୍ଥୀ କମଲା ହାରିସଙ୍କ ମଧ୍ୟରେ ହେବ ଜୋରଦାର ଟକ୍କର। ଏହାରି ଭିତରେ ରିପବ୍ଲିକାନ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ପ୍ରଚାରର ଶେଷ ସପ୍ତାହରେ ନିଜର ଇମିଗ୍ରେସନ୍ ବିରୋଧୀ ଭାଷଣକୁ କଠୋର କରିଛନ୍ତି।
ସେ ଶୁକ୍ରବାର ଦିନ କଲୋରାଡୋର ଅରୋରାରେ ଏକ ରାଲିରେ ପ୍ରବାସୀମାନଙ୍କୁ ନେଇ ଏକ ବଡ଼ ବୟାନ ଦେଇଛନ୍ତି। ସେ ପ୍ରବାସୀଙ୍କୁ ଭୟଙ୍କର ଅପରାଧୀ ଭାବେ ବର୍ଣ୍ଣନା କରିଛନ୍ତି। ଆମେରିକୀୟ ନାଗରିକଙ୍କୁ ହତ୍ୟା କରୁଥିବା ପ୍ରବାସୀମାନଙ୍କ ପାଇଁ ସେ ମୃତ୍ୟୁଦଣ୍ଡ ଦେବାକୁ ଆହ୍ୱାନ ଦେଇଛନ୍ତି। ଇମିଗ୍ରେସନ ବିରୋଧୀ ଭାଷଣକୁ ତୀବ୍ର କରି ତାଙ୍କ ରାଷ୍ଟ୍ରପତି ଅଭିଯାନକୁ ସେ ଆହୁରି ଉତ୍ସାହିତ କରିଛନ୍ତି।
ଭେନେଜୁଏଲା ଗ୍ୟାଙ୍ଗର ଟ୍ରେନ୍ ଡି ଆରାଗୁଆର ସଦସ୍ୟଙ୍କ ପୋଷ୍ଟରରେ ଘେରି ରହିଥିବା ଟ୍ରମ୍ପ ଆହୁରି ମଧ୍ୟ କହିଛନ୍ତି ଯେ ଯଦି ସେ ନିର୍ବାଚିତ ହୁଅନ୍ତି ତେବେ ସେ ଗ୍ୟାଙ୍ଗର ସଦସ୍ୟଙ୍କୁ ଟାର୍ଗେଟ କରିବା ପାଇଁ ଏକ ଜାତୀୟ 'ଅପରେସନ୍ ଅରୋରା' ଆରମ୍ଭ କରିବେ।
ଡୋନାଲ୍ଡ ଟ୍ରମ୍ପ ହେଉଛନ୍ତି ରିପବ୍ଲିକାନ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀ। ନଭେମ୍ବର ୫ ନିର୍ବାଚନ ପ୍ରଚାରର ଅନ୍ତିମ ସପ୍ତାହରେ ସେ ନିଜର ପ୍ରବାସୀ ବିରୋଧୀ ବକ୍ତବ୍ୟକୁ ବୃଦ୍ଧି କରିଛନ୍ତି। ମତାମତ ସର୍ଭେରୁ ଜଣାପଡିଛି ଯେ ଆମେରିକୀୟ ଭୋଟରଙ୍କ ପାଇଁ ବେଆଇନ ଇମିଗ୍ରେସନ ଏକ ଚିନ୍ତାର ବିଷୟ। ଅଧିକାଂଶ ଭୋଟର ଏ ପ୍ରସଙ୍ଗରେ ଟ୍ରମ୍ପଙ୍କୁ ଜଣେ ଭଲ ବ୍ୟକ୍ତି ଭାବରେ ଦେଖନ୍ତି। ରାଜନତୈକ ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଆଗାମୀ ଦିନରେ ଟ୍ରମ୍ପ ଆହୁରି ଏଭଳି କିଛି ବୟାନ ଦେଇପାରନ୍ତି ଯାହା ବେଆଇନ ପ୍ରବାସୀ ଭାରତୀୟଙ୍କ ବିରୁଦ୍ଧରେ ହେବ। ଏ
ଟ୍ରମ୍ପ ମହିଳା ଏବଂ ଶିଶୁ ଯୌନ କାରବାରରେ ଦୋଷୀ ସାବ୍ୟସ୍ତ ବ୍ୟକ୍ତିଙ୍କ ସମେତ ଅନ୍ୟ ଅପରାଧୀଙ୍କୁ ମଧ୍ୟ ମୃତ୍ୟୁଦଣ୍ଡ ଦେବାକୁ ସେ ପୂର୍ବରୁ ପ୍ରସ୍ତାବ ଦେଇସାରିଛନ୍ତି। ଏହି ଭଳି ପ୍ରବାସୀ ଅପରାଧ କଥା ଉଠାଇ ଟ୍ରମ୍ପ ନିଜ ପ୍ରଚାର ଅଭିଯାନକୁ ଆହୁରି ଜୋରଦାର କରିଛନ୍ତି।
କହିରଖୁ ଯେ, ଆମେରିକାର ପ୍ରାୟ ଅର୍ଦ୍ଧେକ ରାଜ୍ୟ ମୃତ୍ୟୁଦଣ୍ଡ ଉପରେ ପ୍ରତିବନ୍ଧକ ଲଗାଇଛନ୍ତି। ଏକ ଅଣ-ଲାଭକାରୀ ଗୋଷ୍ଠୀ ମୃତ୍ୟୁ ଦଣ୍ଡ ସୂଚନା କେନ୍ଦ୍ର ଅନୁଯାୟୀ, ଯଦିଓ ସେଠାରେ ଏକ ଫେଡେରାଲ୍ ମୃତ୍ୟୁ ଦଣ୍ଡ ଅଛି, ଏହା କ୍ୱଚିତ୍ ବ୍ୟବହୃତ ହୁଏ।