ମା' କାଳୀଙ୍କୁ ଅପମାନ କରି କ୍ଷମା ମାଗିଛି ଯୁଦ୍ଧ ଦ୍ୱାରା ପ୍ରଭାବିତ ୟୁକ୍ରେନ। ରବିବାର ୟୁକ୍ରେନ ପ୍ରତିରକ୍ଷା ମନ୍ତ୍ରଣାଳୟ ମା’ କାଳୀଙ୍କ ଏକ ଆପତ୍ତିଜନକ ଫଟୋ ପୋଷ୍ଟ କରାଯାଇଥିଲା। ୟୁକ୍ରେନର ଉପ ପ୍ରତିରକ୍ଷା ମନ୍ତ୍ରୀ ଏପରି ପୋଷ୍ଟ କରିଥିଲେ। ତେବେ ତାଙ୍କର ଏପରି ପୋଷ୍ଟକୁ ନେଇ ସୋଶାଲ ମିଡିଆରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା।
ଏହାକୁ ଅନେକ ଲୋକ ହିନ୍ଦୁ ବିରୋଧୀ ପୋଷ୍ଟ ବୋଲି କହିଥିଲେ। ବିଶେଷ କରି ଭାରତରୁ ଏହା ବିରୋଧରେ ସ୍ୱର ଉଠିବାରେ ଲାଗିଥିଲା। ବିବାଦ ବଢ଼ିବାରୁ ୟୁକ୍ରେନ ସରକାର ଏହି ଫଟୋକୁ ହଟାଇବା ସହ କ୍ଷମା ମାଗିଛନ୍ତି।
ୟୁକ୍ରେନର ହିନ୍ଦୁ ଦେବୀଙ୍କ ପ୍ରତି ଅପମାନଜନକ ପୋଷ୍ଟକୁ ନେଇ ଭାରତର ସୂଚନା ଓ ପ୍ରସାରଣ ମନ୍ତ୍ରଣାଳୟର ବରିଷ୍ଠ ପରାମର୍ଶଦାତା କାଞ୍ଚନ ଗୁପ୍ତା ଦୃଢ ସମାଲୋଚନା କରିଥିଲେ। ସେ କହିଥିଲେ ଯେ “ଏହା ସମଗ୍ର ବିଶ୍ୱବ୍ୟାପୀ ଥିବା ହିନ୍ଦୁମାନଙ୍କ ଧର୍ମୀୟ ଭାବନା ଓ ଆସ୍ଥାକୁ ଆଘାତ ଦେଇଛି।”
Also Read
ୟୁକ୍ରେନର ଉପ ବିଦେଶ ମନ୍ତ୍ରୀ ଇମିନ ଜାପାରୋଭା ଟ୍ୱିଟରେ କହିଛନ୍ତି, “ମା କାଳୀଙ୍କ ବିଷୟରେ ୟୁକ୍ରେନ ପ୍ରତିରକ୍ଷା ମନ୍ତ୍ରଣାଳୟ ଦେଇଥିବା ଟ୍ୱିଟ୍ ପାଇଁ ମୁଁ ଦୁଃଖିତ। ଆମେ ଦୁଃଖିତ ଯେ ୟୁକ୍ରେନ ପ୍ରତିରକ୍ଷା ମନ୍ତ୍ରଣାଳୟ ହିନ୍ଦୁ ଦେବୀ କାଳୀଙ୍କୁ ବିକୃତ ଢଙ୍ଗରେ ଚିତ୍ରଣ କରିଛି। ୟୁକ୍ରେନ ଓ ଏହାର ଲୋକମାନେ ଭାରତୀୟ ସଂସ୍କୃତିକୁ ସମ୍ମାନ କରନ୍ତି। ଆମେ ଭାରତକୁ ପ୍ରଶଂସା କରୁଛୁ। ପାରସ୍ପରିକ ସମ୍ମାନ ଏବଂ ବନ୍ଧୁତ୍ୱର ଭାବନାରେ ଦୁଇ ଦେଶ ମଧ୍ୟରେ ଥିବା ସମ୍ପର୍କକୁ ଆହୁରି ଦୃଢ଼ କରିବାକୁ ୟୁକ୍ରେନ ସର୍ବଦା ସଂକଳ୍ପବଦ୍ଧ।”
କାହିଁକି ଏହି ବିବାଦ ଘଟିଥିଲା ?
ଏପ୍ରିଲ୍ ୩୦ରେ ୟୁକ୍ରେନ୍ର ପ୍ରତିରକ୍ଷା ମନ୍ତ୍ରାଳୟର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଗୋଟିଏ ଟ୍ୱିଟ୍ କରାଯାଇଥିଲା। ଏଥିରେ ମା’ କାଳୀଙ୍କ ଫଟୋକୁ କଦର୍ଥ କରି ଶେୟାର ହୋଇଥିଲା। କ୍ୟାପସନ୍ରେ ଲେଖା ଥିଲା 'ୱାର୍କ ଅଫ୍ ଆର୍ଟ'। ଫଟୋରେ ମା କାଳୀ ହଲିଉଡ ଅଭିନେତ୍ରୀ ମର୍ଲିନ୍ ମନରୋଙ୍କ ପୋଜ୍ରେ ଛିଡ଼ା ହୋଇଥିବା ଦେଖିବାକୁ ମିଳିଥିଲା।
ବାସ୍ତବରେ ରୁଷିଆ ୟୁକ୍ରେନର ୧୦ଟି ତେଲ ଟ୍ୟାଙ୍କର୍ ଉପରେ ଡ୍ରୋନ୍ ଆକ୍ରମଣ କରିଥିଲା। ଆକ୍ରମଣ ପରେ ସେଠାରେ ଏକ ବିଶାଳକାୟ ଧୂଆଁ ଉପରକୁ ଉଠିଥିଲା। ଉକ୍ତ ଫଟୋରୁ ନିର୍ଗତ ଧୁଆଁ ଉପରେ ଅତ୍ୟନ୍ତ କଦର୍ଥ ଭାବେ କାର୍ଟୁନ ଦ୍ୱାରା ମା’ କାଳୀଙ୍କ ଚିତ୍ରକୁ ସଂଯୋଗ କରାଯାଇଥିଲା। ଏହାକୁ ନେଇ ୟୁକ୍ରେନ କ୍ଷମା ମାଗିଛି ଓ ଉକ୍ତ ଟ୍ୱିଟକୁ ମଧ୍ୟ ହଟାଇ ଦେଇଛି।
Recently #Ukraine Dy Foreign Minister was in Delhi soliciting support from #India
— Kanchan Gupta 🇮🇳 (@KanchanGupta) April 30, 2023
Behind that fakery lurks the real face of Ukraine Govt. Indian goddess Ma Kali has been caricatured on a propaganda poster.
This is an assault on Hindu sentiments around the world.@UkrembInd https://t.co/r84YlsUtZc pic.twitter.com/q7jSG0vGXHWe regret @DefenceU depicting #Hindu goddess #Kali in distorted manner. #Ukraine &its people respect unique #Indian culture&highly appreciate🇮🇳support.The depiction has already been removed.🇺🇦is determined to further increase cooperation in spirit of mutual respect&💪friendship.
— Emine Dzheppar (@EmineDzheppar) May 1, 2023
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
