ପ୍ରଥମେ ବାପାଙ୍କୁ 'ଗୁଡବାଏ' କହିବାକୁ କହିଲା। ଏହାପରେ ନିଜର ତିନି ବର୍ଷର ଛୁଆକୁ ଗୁଳି କରି ମାରିଦେଲା ମା'। ପରେ ନିଜେ ମଧ୍ୟ ଆତ୍ମହତ୍ୟା କଲା। ଆମେରିକାର ଟେକ୍ସାସ୍ରେ ଘଟିଛି ଏଭଳି କିଛି ଘଟଣା। ଯାହା ସମସ୍ତଙ୍କୁ ଚକିତ କରିଦେଇଛି।
ସବାନା କ୍ରିଗର। ତାଙ୍କ ବୟସ ୩୨ ବର୍ଷ। ସେ ନିଜ ତିନି ବର୍ଷର କ୍ୟାଡେନ୍ ସହ ଟେକ୍ସାସ୍ରେ ରହୁଥିଲେ। ମାର୍ଚ୍ଚ ୧୯ ତାରିଖରେ ଟେକ୍ସାସ୍ର ସ୍ୟାନ୍ ଆଣ୍ଟୋନିଓ ପାର୍କରୁ ଉଭୟଙ୍କ ମୃତଦେହ ମିଳିଥିଲା। ଉଭୟଙ୍କ ମୁଣ୍ଡରେ ଗୁଳି ମାଡ ଚିହ୍ନ ଥିଲା। ତେବେ ଏମାନଙ୍କୁ କିଏ ହତ୍ୟା କରିଛି ସେ ନେଇ ପୁଲିସ ଦୀର୍ଘ ଦିନ ଧରି ଯାଞ୍ଚ ଜାରି ରଖିଥିବା ବେଳେ ଏବେ ଏହାର ଖୁଲାସା ହୋଇଛି।
Also Read
ଦ ନ୍ୟୁୟର୍କ ପୋଷ୍ଟର ରିପୋର୍ଟ ମୁତାବକ, ମାର୍ଚ୍ଚ ୧୮ ତାରିଖରେ କ୍ରିଗର ନିଜ ଚାକିରି ଛାଡି ଦେଇଥିଲେ। ଏହାପରେ ସେ ନିଜ ପୂର୍ବତନ ସ୍ୱାମୀଙ୍କ ଘରକୁ ଯାଇଥିଲେ। ସେଠାରେ ବ୍ୟାପକ ଭଙ୍ଗାରୁଜା କରିବା ସହ ନିଜ ବିବାହ ବେଳର ଫଟୋ ଉପରକୁ ଗୁଳିମାଡ କରିଥିଲେ। ଏହାପରେ ଘରକୁ ଫେରି ଆସିଥିଲେ। ଏହାପର ଦିନ ପୁଅକୁ ନେଇ ସେ ସ୍ୟାନ୍ ଆଣ୍ଟୋନିଓ ପାର୍କକୁ ଯାଇଥିଲେ।
ଏଠାରୁ ସେ ନିଜର ପୂର୍ବତନ ସ୍ୱାମୀଙ୍କୁ ଏକ ଭିଡିଓ ମେସେଜ୍ ପଠାଇଥିଲେ। ଏଥିରେ ତାଙ୍କ ପୁଅକୁ ସେ ବାପାଙ୍କୁ 'ଗୁଡବାଏ' କହିବାକୁ କହୁଥିଲେ। ଏହାପରେ ସେ ପୁଅ କ୍ୟାଡେନ୍କୁ ଗୁଳି କରି ହତ୍ୟା କରିଥିଲେ। ପରେ ସେ ନିଜ ମଧ୍ୟ ଆତ୍ମହତ୍ୟା କରିଥିଲେ। ସେ ନିଜ ପୂର୍ବତନ ସ୍ୱାମୀଙ୍କୁ ପଠାଇଥିବା ୨୧ ସେକେଣ୍ଡର ଏକ ଭିଡିଓ ମେସେଜରୁ ଏହାର ଖୁଲାସା ହୋଇଛି।
ପୁଲିସର କହିବା ମୁତାବକ, ଏହି ୩୨ ବର୍ଷୀୟ ମହିଳା ଜଣକ ଦୀର୍ଘ ଦିନ ହେବ ମାନସିକ ଅବଦାଦଗ୍ରସ୍ତ ଥିଲେ। ପୂର୍ବତନ ସ୍ୱାମୀଙ୍କ ସହ ତାଙ୍କର ଝଗଡା ମଧ୍ୟ ହୋଇଥିଲା। ମୃତ୍ୟୁ ପୂର୍ବରୁ କ୍ରିଗର ଅଜବ ପ୍ରକାରର ବ୍ୟବହାର କରୁଥିଲେ। ସେ ନିଜ ପୂର୍ବତନ ସ୍ୱାମୀଙ୍କୁ ଧମକପୂର୍ଣ୍ଣ ଭିଡିଓ ମେସେଜ ପଠାଉଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
