ଏୟାର ଷ୍ଟ୍ରାଇକରେ ହମାସ ମୁଖ୍ୟ ୟାହୟା ସିନୱାରର ମୃତ୍ୟୁ ପରେ ଯୁଦ୍ଧ ସାଙ୍ଗ ନେଇ ଘୋଷଣା କରିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ। ଯଦି ହମାସ ବନ୍ଧକମାନଙ୍କୁ ମୁକ୍ତ କରିବା ସହ ଅସ୍ତ୍ରବିରତି କରେ ତେବେ ଆସନ୍ତାକାଲି ସୁଦ୍ଧା ଯୁଦ୍ଧ ଶେଷ ହୋଇଯିବ।
ସୋଶାଲ ମିଡିଆ ଏକ୍ସରେ ଏକ ଭିଡିଓ ଶେଆର କରି ନେତାନ୍ୟାହୁ କହିଛନ୍ତି, "ୟାହୟା ସିନୱାର ମୃତ। ଇସ୍ରାଏଲର ସାହସୀ ସେନା ରାଫାରେ ୟାହୟାକୁ ନିପାତ କରିଛନ୍ତି। ଗାଜାରେ ଯୁଦ୍ଧ ସମାପ୍ତ ହୋଇନଥିଲେ ମଧ୍ୟ ଏହା ଯୁଦ୍ଧ ଶେଷର ଆରମ୍ଭ।"
ସେ ଆହୁରି କହିଛନ୍ତି, "ଗାଜାର ଲୋକଙ୍କୁ ମୁଁ ସରଳ ଭାଷାରେ କହୁଛି ଯେ, ଏହି ଯୁଦ୍ଧ ଆସନ୍ତାକାଲି ଶେଷ ହୋଇପାରେ। ଯଦି ହମାସ ଅସ୍ତ୍ର ଛାଡ଼ିଦିଏ ଏବଂ ଆମ ବନ୍ଧକମାନଙ୍କୁ ଫେରାଇ ଦିଏ ତେବେ ଯୁଦ୍ଧ ଆସନ୍ତାକାଲି ସୁଦ୍ଧା ଶେଷ ହୋଇଯିବ।"
Also Read
ପ୍ରକାଶ ଥାଉକି, ଗତକାଲି ଇସ୍ରାଏଲ ସେନା ୟାହୟାର ନିପାତ ହୋଇଥିବା ଘୋଷଣା କରିଥିଲା। ଇସ୍ରାଏଲ ଏୟାର ଷ୍ଟ୍ରାଇକରେ ୟାହୟାର ମୃତ୍ୟୁ ଘଟିଥିବା ସେନା ସ୍ପଷ୍ଟ କରିଥିଲା। ଏହାପରେ ମୃତ୍ୟୁ ପୂର୍ବରୁ ୟାହୟାର ଏକ ଭିଡିଓ ମଧ୍ୟ ଜାରି କରିଥିଲା।
ଗତ ବର୍ଷ ଅକ୍ଟୋବର ୭ରେ ହମାସ ଇସ୍ରାଏଲ ଉପରେ କରିଥିବା ଏୟାର ଷ୍ଟ୍ରାଇକର ମାଷ୍ଟର ମାଇଣ୍ଡ ଥିଲା ୟାହୟା। ୟାହୟାର ନେତୃତ୍ୱରେ ହିଁ ହମାସ ଚାଲିଥିଲା। ସେ ଏକ ପ୍ରକାର ହମାସର ମୁଖ୍ୟ ଥିବା କହିଲେ କିଛି ଭୁଲ୍ ହେବନି।
Yahya Sinwar is dead.
— Benjamin Netanyahu - בנימין נתניהו (@netanyahu) October 17, 2024
He was killed in Rafah by the brave soldiers of the Israel Defense Forces.
While this is not the end of the war in Gaza, it's the beginning of the end. pic.twitter.com/C6wAaLH1YW
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
