୩୦ ହଜାର ଜିଡିଏସ୍ ପଦବୀ ପାଇଁ ଆରମ୍ଭ ହୋଇଯାଇଛି ଆବେଦନ ପ୍ରକ୍ରିୟା

ଭାରତୀୟ ଡାକ ପକ୍ଷରୁ ଗ୍ରାମୀଣ ଡାକ ସେବକ ବା GDS (ବ୍ରାଞ୍ଚ ପୋଷ୍ଟମାଷ୍ଟର (ବିପିଏମ୍‌)/ଆସିଷ୍ଟାଣ୍ଟ ବ୍ରାଞ୍ଚ ପୋଷ୍ଟମାଷ୍ଟର (ଏବିପିଏମ୍‌)/ଡାକ ସେବକ) ପଦରେ ନିଯୁକ୍ତି ପାଇଁ ଆଜିଠାରୁ ଆବେଦନ ଗ୍ରହଣ କରାଯାଉଛି। ଆବେଦନ କରିବାର ଶେଷ ତାରିଖ ୨୩ ଅଗଷ୍ଟ ୨୦୨୩ ରହିଛି। ସେହି ତାରିଖ ସୁଦ୍ଧା ଆବଶ୍ୟକ ଫି’ ମଧ୍ୟ ପଇଠ କରିବାକୁ ହେବ।

ମୋଟ ୩୦ ହଜାର ୪୧ଟି GDS ପଦବୀ ପୂରଣ ପାଇଁ ପ୍ରକ୍ରିୟା ଆରମ୍ଭ ହୋଇଥିବା ବେଳେ ସେଥିରୁ ଓଡ଼ିଶାର ୧୨୭୯ଟି ପଦବୀ ରହିଛି। ପ୍ରାର୍ଥୀ ଗଣିତ ଓ ଇଂରାଜୀ ବିଷୟ ରଖି ଦଶମ ପାସ୍ କରିଥିବା ଆବଶ୍ୟକ। ୨୩.୮.୨୦୨୩ ସୁଦ୍ଧା ପ୍ରାର୍ଥୀଙ୍କ ବୟସ ସର୍ବନିମ୍ନ ୧୮ ବର୍ଷ ବା ସର୍ବାଧିକ ୪୦ ବର୍ଷ ହୋଇଥିବା ଆବଶ୍ୟକ। ନିୟମ ଅନୁଯାୟୀ ବୟସରେ କୋହଳ କରାଯିବ।

ଦରମା

ବିପିଏମ୍‌ଙ୍କ ଦରମା ୧୨,୦୦୦ରୁ ୨୯,୩୮୦ ଟଙ୍କା ରହିଥିବା ବେଳେ ଏବିପିଏମ୍‌/ଡାକ ସେବକଙ୍କ ଦରକା ୧୦ ହଜାରରୁ ୨୪,୪୭୦ ଟଙ୍କା ରହିବ।

କେମିତି କରିବେ ଆବେଦନ

ଏଥିପାଇଁ ଆଶାୟୀମାନେ କେବଳ ଅନ୍‌ଲାଇନ୍‌ରେ ଆବେଦନ କରିପାରିବେ। ସେମାନେ https://indiapostgdsonline.gov.in/ କୁ ଯାଇ ଆବେଦନ କରିପାରିବେ। ଅନ୍ୟ କୌଣସି ପ୍ରକାରେ ଆବେଦନ ଗ୍ରହଣୀୟ ହେବ ନାହିଁ।

ଅଧିକ ସୂଚନା ପାଇଁ ଏଠାରେ କ୍ଲିକ୍ କରନ୍ତୁ।