ବିବାହର ଠିକ୍‌ ପରେ କଣ କଣ କରିବେ: ଜାଣନ୍ତୁ ସାଥୀଙ୍କ ମନଜିଣା ଫର୍ମୁଲା

ବିବାହ ଏକ ଜନ୍ମଜନ୍ମାନ୍ତର ବନ୍ଧନ। ଟିକିଏ ଏପଟେସେପଟେ ହେଲା ସଂପର୍କ ଦୋହଲି ଯିବାର ସମ୍ଭାବନା ରହିଥାଏ। ଭାବପ୍ରବଣତା ସହ କିଛି କୌଶଳ ବି ବୈବାହିକ ସଂପର୍କକୁ ସୁଦୃଢ଼ ରଖିଥାଏ। ନୂଆ ନୂଆ ବିବାହ କରିଥିବା ଦମ୍ପତ୍ତି କଣ କରିବେ ଓ  କଣ ନକରିବେ, ପଢନ୍ତୁ ଜାଣିବା।

୧-ବିବାହରେ ଖର୍ଚ୍ଚ ହୋଇଥିବା ଟଙ୍କାକୁ ନେଇ ନିଜ ପାର୍ଟନରକୁ ସବୁବେଳେ କହିବା ଠିକ୍‌ ନୁହେଁ ।

୨-ନିଜ ପାର୍ଟନରଙ୍କ ସମ୍ପର୍କୀୟଙ୍କୁ ନେଇ ଭୁଲରେ ବି ମଜାକ କରନ୍ତୁ ନାହିଁ ।

୩-ପୂର୍ବ ପ୍ରେମିକା ଓ ପ୍ରେମିକଙ୍କ ସହ ନିଜ ପାର୍ଟନରଙ୍କୁ କେବେବି ତୁଳନା କରନ୍ତୁ ନାହିଁ ।

୪-କୌଣସି କାମ କରିବା ବେଳେ ଏଇଟା ତୁମ କାମ ଓ ଏଇଟା ମୋ କାମ ଏଭଳି ନିଜ ପାର୍ଟନରଙ୍କୁ କହିବା ଅନୁଚିତ, ଫଳରେ ସମ୍ପର୍କର ଦୂରତା ବଢିଯିବାର ଆଶଙ୍କା ରହିଥାଏ।

୫-ସବୁଠୁ ବଡକଥା ହେଲା ପାର୍ଟନର୍‌ କିଛି କହିବା ପୂର୍ବରୁ ଯଦି ତାଙ୍କ ମନକଥା ଆପଣ ବୁଝିପାରୁଛନ୍ତି ଓ ପାର୍ଟନରଙ୍କ ପାଇଁ ତାହା ଆଣି ଦେଉଛନ୍ତି ତାହାଲେ ଆପଣଙ୍କ ସମ୍ପର୍କ ଦୀର୍ଘସ୍ଥାୟୀ ରହିବ ।

୬- ସମ୍ପର୍କରେ ଉଭୟ ଉଭୟଙ୍କୁ ସମ୍ମାନ ଦେବା ନିହାତି ଆବଶ୍ୟକ, ଯଦି ଜଣେ ଅନ୍ୟ ଜଣକୁ ପରିହାସ କରନ୍ତି କିମ୍ବା ପାର୍ଟନର୍‌ଙ୍କ କଥାକୁ ଗୁରୁତ୍ୱ ଦେଉନାହାନ୍ତି ତେବେ ସମ୍ପର୍କରେ ଫାଟ ସୃଷ୍ଟି ହୋଇଥାଏ ।