ତ୍ୱଚାର ଯତ୍ନ ନେବା ଖୁବ୍ କଷ୍ଟକର କାମ ନୁହେଁ। ଏଥିପାଇଁ ସବୁବେଳେ ପାର୍ଲର ଯିବାର ମଧ୍ୟ ଆବଶ୍ୟକତା ନାହିଁ। ଆଉ ଏବେ ତ କରୋନା ସଂକ୍ରମଣର ଭୟ ରହିଛି। ତେଣୁ ଏଭଳି ସ୍ଥିତିରେ ଆପଣ ଘରେ ଅତି ସହଜ ଉପାୟରେ ଆପଣଙ୍କ ତ୍ୱଚାର ଯତ୍ନ ନେଇ ପାରିବେ। ଏଥିପାଇଁ ଆମେ ଆଜି ଆପଣମାନଙ୍କୁ କିଛି ଟିପ୍ସ ନିମ୍ନରେ ଦେଇଛୁ।
୧. ୨ ଚାମଚ ଅଟା, ୨ ଚାମଚ କଞ୍ଚା କ୍ଷୀର ଓ ଦୁଇ ବୁନ୍ଦା ମହୁକୁ ଏକାଠି ମିଶାଇ ମୁହଁ ଓ ବେକରେ ଲଗାନ୍ତୁ। ୧୫ ମିନିଟ୍ ପରେ ମୁହଁ ଧୋଇ ଦିଅନ୍ତୁ। ଏପରି କଲେ ତ୍ୱଚା ନରମ ଓ ଉଜ୍ଜ୍ୱଳ ଦେଖାଯିବ।
୨. ଗାଧୋଇବା ପୂର୍ବରୁ ୧ ଚାମଚ ନଡ଼ିଆ ତେଲରେ ୧ ଚାମଚ ମହୁ ମିଶାଇ ଦେହରେ ଲଗାନ୍ତୁ। ଏହାର କିଛି ସମୟ ପରେ ଗାଧାନ୍ତୁ। ଏହା ଶରୀର ପାଇଁ ମସ୍ଚୁରାଇଜର ପରି କାମ କରିଥାଏ।
୩. ପାଣିରେ କିଛି ଗୋଲାପ ଜଳ ଓ ଲିମ୍ବ ପତ୍ର ପକାଇ ଗାଧାନ୍ତୁ। ଏହାଦ୍ୱାରା ଶରୀରରୁ ପ୍ରାକୃତିକ ଭାବେ ସୁଗନ୍ଧ ଆସିବା ସହ ଚର୍ମରୋଗ ଭଲ ହେବ।
୪. ୧ ଚାମଚ ମହୁରେ ୨ ବୁନ୍ଦା ଲେମ୍ବୁ ରସ ମିଶାଇ ମୁହଁରେ ଲଗାନ୍ତୁ। ପରେ ଅଳ୍ପ ପାଣି ହାତ ହୋଇ ମସାଜ କରି ମୁହଁ ଧୁଅନ୍ତୁ। ଏପରି କଲେ ମୁହଁରେ ଥିବା ଅଧିକ ରୁମ ସଫା ହୋଇଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
