ସାଧାରଣତଃ ସମସ୍ତଙ୍କ ଘରେ ରାଶିର ବ୍ୟବହାର ହୁଏ। ଖାଦ୍ୟ ହେଉ ବା କୌଣସି ଚଟପଟା ସ୍ନାକ୍ସ, ତା'ର ସ୍ବାଦ ବଢ଼ାଇବା ପାଇଁ ରାଶିକୁ ବ୍ୟବହାର କରାଯାଏ। ଅନେକ ଲୋକେ ରାଶିରେ ଲଡୁ ତିଆରି କରି ମଧ୍ୟ ଖାଇଥାନ୍ତି। ରାଶିରେ ଥିବା ଲିସାଟୁରେଟେଡ୍ ଫ୍ୟାଟି ଏସିଡ୍, ଓମେଗା-6, ଫାଇବର, ଆଇରନ୍, କ୍ୟାଲସିୟମ୍, ମ୍ୟାଗ୍ନେସିୟମ୍ ଏବଂ ଫସଫରସ୍ ଶରୀର ପାଇଁ ଅନେକ ଲାଭଦାୟକ। ତେବେ ଶୀତ ଦିନେ ରାଶି ଖାଇଲେ କ'ଣ ସବୁ ଫାଇଦା ମିଳେ ଆସନ୍ତୁ ଜାଣିବା।
- ରାଶିରେ ଥିବା ମୋନୋ-ସ୍ୟାଚୁରେଟେଡ୍ ଫ୍ୟାଟି ଏସିଡ୍ ଆମ ଶରୀରରେ କୋଲେଷ୍ଟ୍ରୋଲ୍ ସ୍ତରକୁ ହ୍ରାସ କରିଥାଏ। ଏହା ହୃଦୟ ସମ୍ବନ୍ଧୀୟ ରୋଗ ପାଇଁ ମଧ୍ୟ ବେଶ ଲାଭଦାୟକ । ଶାରୀରରେ ରକ୍ତଚାପକୁ ମଧ୍ୟ ନିୟନ୍ତ୍ରଣ କରିଥାଏ ରାଶି।
- ରାଶିରେ ଅନେକ ପ୍ରକାରର ଲୁଣି ଜାତୀୟ କ୍ୟାଲସିଅମ ରହିଥାଏ। କାଲ୍କେରିଏସ୍, ଆଇରନ୍, ମ୍ୟାଗ୍ନେସିୟମ୍, ଜିଙ୍କ, ଏବଂ ସେଲେନିୟମ୍ ଭଳି ତତ୍ତ୍ବ ଆମ ହୃଦୟର ମାଂସପେଶୀକୁ ସକ୍ରିୟ ରଖିବାରେ ସହାୟକ ହୁଏ।
- କ୍ୟାଲସିଅମ, ଫସଫରସ ଏବଂ ମ୍ୟାଗ୍ନେସିଅମ ଭଳି ତତ୍ତ୍ବ ରାଶିରୁ ମିଳେ, ଯାହା ହାଡକୁ ମଜଭୁତ ରଖିବାରେ ସହାୟକ ହୁଏ। ଶୀତଦିନେ ନିୟମିତ ରାଶି ଖାଇବା ଦ୍ବାରା ଅଣ୍ଠୁ ଗଣ୍ଠି ଜନିତ ଯନ୍ତ୍ରଣାରୁ ମୁକ୍ତି ମିଳିଥାଏ । ଦିନରେ ଏକ ଚାମଚ ରାଶି ଖାଇଲେ, ଦାନ୍ତ ମଧ୍ୟ ମଜଭୁତ ହୁଏ । ରାଶିରେ ଫାଇଭର ଏବଂ ଆଣ୍ଟିଅକ୍ସିଡେଣ୍ଟର ସ୍ତର ଅଧିକ ମାତ୍ରାରେ ଥାଏ। ଏହା ଶରୀରରେ ରୋଗପ୍ରତିରୋଧକ କ୍ଷମତାକୁ ବଢ଼ାଇବାରେ ସାହାଯ୍ୟ କରେ।
- ରାଶିରେ ସେସମିନ ନାମକ ଏକ ଆଣ୍ଟିଅକ୍ସିଡେଣ୍ଟ ମିଳେ, ଯାହା ଶରୀରରେ କ୍ୟାନସର ଭଳି ମାରାତ୍ମକ କୋଷକୁ ଉତ୍ପନ୍ନ ହେବାକୁ ଦିଏ ନାହିଁ । ଏହା ଫୁସଫୁସ କ୍ୟାନସର, ଲ୍ୟୁକେମିଆ, ପ୍ରୋଷ୍ଟେଟ କ୍ୟାନସର, ବ୍ରେଷ୍ଟ କ୍ୟାନସର ଭଳି ଆଶଙ୍କାକୁ କମ କରିଥାଏ।
- ରାଶି ଖାଇବା ଦ୍ବାରା ସ୍ମରଣ ଶକ୍ତି ବଢ଼ି ଥାଏ । ଏଥିରେ ଥିବା ଲିପୋଫୋଲିକ ଆଣ୍ଟିଅକ୍ସିଡେଣ୍ଟ ମସ୍ତିଷ୍କ ଉପରେ ବୟସର ପ୍ରଭାବ ପଡିବାକୁ ଦିଏନାହିଁ । ବୃଦ୍ଧାବସ୍ତାରେ ମସ୍ତିଷ୍କ ଦୁର୍ବଳ ହେବାକୁ ଲାଗେ, ଏଭଳି ସ୍ତିତିରେ ଯଦି ଜଣେ ବ୍ୟକ୍ତି ନିୟମିତ ରାଶିର ସେବନ କରନ୍ତି ତେବେ ମେଣ୍ଟାଲ ହେଲଥ୍ ଉପରେ ଏହାର ସକାରତ୍ମକ ପ୍ରଭାବ ପଢ଼ିଥାଏ।
- ରାଶି ତେଲ ତ୍ବଚା ପାଇଁ ମଧ୍ୟ ବେଶ ଲାଭଦାୟ। ରାଶି ତେଲ ତ୍ବଚାର ଚମକ ବଢ଼ାଇବା ସହ ଆବଶ୍ୟକୀୟ ପୋଷଣ ପହଞ୍ଚାଇଥାଏ। ଏହାଦ୍ବାରା ତ୍ବଚାର ଚମକ ବଢ଼ିବା ସହ ନରମତା ବଜାୟ ରୁହେ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
