ଆବଶ୍ୟକୀୟ ସାମଗ୍ରୀ: ଅମୃତଭଣ୍ଡା, ଫୁଟଣ, ଜିରା, କଞ୍ଚାଲଙ୍କା, ଅଦା, ଗୁଡ଼, ହଳଦୀ ଓ ତେନ୍ତୁଳି।
ପ୍ରସ୍ତୁତି ପ୍ରଣାଳୀ: ପ୍ରଥମେ ଅମୃତଭଣ୍ଡାକୁ ଛୋଟ ଛୋଟ କରି କାଟି ଭଲ ଭାବେ ଧୋଇ ଦିଅନ୍ତୁ। ଏବେ କଡ଼େଇରେ ତେଲ ଗରମ କରି ସେଥିରେ କଞ୍ଚା ଲଙ୍କା, ଅଦା ଛେଚା, ଫୁଟଣ, ଜିରା ଓ ଭୁର୍ସୁଙ୍ଗ ପତ୍ର ପକାଇ ଛୁଙ୍କ ଦିଅନ୍ତୁ। ତା’ପରେ କଟା ଅମୃତଭଣ୍ଡା, ସ୍ୱାଦ ଅନୁସାରେ ଲୁଣ ଓ ହଳଦୀ ଗୁଣ୍ଡ ପକାଇ ଭଲ ଭାବେ କଷନ୍ତୁ। ଅମୃତଭଣ୍ଡା କଷି ହୋଇଗଲା ପରେ ଆବଶ୍ୟକ ମୁତାବକ ପାଣି ଦେଇ କଡ଼େଇକୁ ଘୋଡ଼ାଇ ଦିଅନ୍ତୁ। ଅମୃତଭଣ୍ଡା ସିଝି ଗଲା ପରେ ଗୁଡ଼ ଆଉ ତେନ୍ତୁଳି ମଣ୍ଡ ପକାଇ ଭଲ ଭାବେ ଗୋଳାଇ ଦିଅନ୍ତୁ। ୫ ମିନିଟ୍ ପରେ କଡ଼େଇକୁ ଚୁଲିରୁ ଓହ୍ଲାଇ ଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ଆପଣଙ୍କର 'ଚଟ୍ପଟା ଅମୃତଭଣ୍ଡା'।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
