ଘରେ ପ୍ରସ୍ତୁତ କରନ୍ତୁ ଦହି ପନିର

ଆବଶ୍ୟକ ସାମଗ୍ରୀ: ପନିର, ଦହି, ଲୁଣ, ହଳଦୀ, ଲଙ୍କାଗୁଣ୍ଡ, ତେଲ, କସ୍ତୁରି ମେଥି, କାଜୁ, ଧନିଆ ପାଉଡର, କଞ୍ଚାଲଙ୍କା, କ୍ରିମ, ପୁଦିନା ପତ୍ର ,ଧନିଆ ପତ୍ର, ଗୁଜୁରାତି, କାଜୁ ପେଷ୍ଟ, ଲୁଣ, କଟା ଅଦା,  ଶୁଖିଲା ଲଙ୍କା । ପ୍ରସ୍ତୁତି ପ୍ରଣାଳୀ:  ପ୍ରଥମେ ପନିରକୁ ଏକ ପାତ୍ରରେ ଛୋଟ ଛୋଟ ଖଣ୍ଡ  କରି  କାଟି ରଖନ୍ତୁ। ଏହାପରେ ଏକ ପାତ୍ରରେ ରିଫାଇନ୍‌ ତେଲ, ଲୁଣ, ହଳଦୀ, ଲଙ୍କା ଗୁଣ୍ଡ ଓ କସ୍ତୁରି ମେଥିକୁ ମିଶାଇ ଏକ ଘୋଳ […]

Dahi paneer

Dahi paneer

Tapaswini Nayak
  • Published: Saturday, 15 January 2022
  • Updated: 15 January 2022, 01:27 PM IST

ଆବଶ୍ୟକ ସାମଗ୍ରୀ: ପନିର, ଦହି, ଲୁଣ, ହଳଦୀ, ଲଙ୍କାଗୁଣ୍ଡ, ତେଲ, କସ୍ତୁରି ମେଥି, କାଜୁ, ଧନିଆ ପାଉଡର, କଞ୍ଚାଲଙ୍କା, କ୍ରିମ, ପୁଦିନା ପତ୍ର ,ଧନିଆ ପତ୍ର, ଗୁଜୁରାତି, କାଜୁ ପେଷ୍ଟ, ଲୁଣ, କଟା ଅଦା,  ଶୁଖିଲା ଲଙ୍କା ।

ପ୍ରସ୍ତୁତି ପ୍ରଣାଳୀ:  ପ୍ରଥମେ ପନିରକୁ ଏକ ପାତ୍ରରେ ଛୋଟ ଛୋଟ ଖଣ୍ଡ  କରି  କାଟି ରଖନ୍ତୁ। ଏହାପରେ ଏକ ପାତ୍ରରେ ରିଫାଇନ୍‌ ତେଲ, ଲୁଣ, ହଳଦୀ, ଲଙ୍କା ଗୁଣ୍ଡ ଓ କସ୍ତୁରି ମେଥିକୁ ମିଶାଇ ଏକ ଘୋଳ ପ୍ରସ୍ତୁତ କରନ୍ତୁ। ସେଥିରେ କଟା ପନିରକୁ ଭଲ ଭାବେ ଗୋଳାଇ ମ୍ୟାରିନେଟ୍‌ କରି ଦିଅନ୍ତୁ। ଏହାପରେ ଏକ ପ୍ୟାନ୍‌ରେ ତେଲ ଗରମ କରନ୍ତୁ । ତେଲ ଗରମ ହୋଇଗଲା ପରେ ପନିରକୁ ହାଲକା ଫ୍ରାଏ କରି ଦିଅନ୍ତୁ।  ପନିର ଫ୍ରାଏ ହେବା ପରେ ତାକୁ ଏକ ପାତ୍ରକୁ କାଢ଼ି ଦିଅନ୍ତୁ।

ପରେ ପ୍ୟାନରେ ତେଲ ଗରମ କରନ୍ତୁ।  ତେଲ ଗରମ ହେବା ପରେ ସେଥିରେ ଶୁଖିଲା ଲଙ୍କା, ଛୋଟ ଛୋଟ ହୋଇ କଟା ହୋଇଥିବା ଅଦା ଓ ଗୁଜୁରାତିକୁ ପକାଇ ଦିଅନ୍ତୁ।  ତା’ପରେ  ସେଥିରେ ଅଳ୍ପ ପାଣି ଦିଅନ୍ତୁ। ଅନ୍ୟ ଏକ ପାତ୍ରରେ ଦହି ନେଇ ସେଥିରେ ହଳଦୀ, ଲଙ୍କା ଗୁଣ୍ଡ, ଧନିଆ ପାଉଡର ଓ କାଜୁ ପେଷ୍ଟକୁ ଭଲ ଭାବେ ମିଶାନ୍ତୁ।ଏହି ମିଶ୍ରଣକୁ ପ୍ୟାନରେ ପକାଇ ଗୋଳାଇ ଦିଅନ୍ତୁ।

ଏହାପରେ ମସଲା ଭଲ ଭାବେ କଷି ହେବା ପରେ ସେଥିରେ ସ୍ୱାଦ ଅନୁସାରେ  ଲୁଣ ଓ କଞ୍ଚାଲଙ୍କା  ପକାଇ ଗୋଳାଇ ଦିଅନ୍ତୁ। ଏହାପରେ ସେଥିରେ ଅଳ୍ପ ପାଣି ଦେଇ ଅଳ୍ପ ସମୟ ପାଇଁ ଫୁଟାନ୍ତୁ। ଏହା ପରେ ଗ୍ୟାସକୁ  ବନ୍ଦ କରି ଦିଅନ୍ତୁ। ତା’ ପରେ କ୍ରିମ, କଟା ପୁଦିନା ଓ ଧନିଆ ପତ୍ର ପକାଇ ସଜାଇ ଦିଅନ୍ତୁ।  ପ୍ରସ୍ତୁତ ହୋଇଗଲା ‘ଦହି ପନିର’।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories