କୁକୁର ଦେଇଥାଏ ଶୁଭଅଶୁଭ ସଙ୍କେତ; ଜାଣନ୍ତୁ କେଉଁ ସଙ୍କେତ କି ସୂଚନା ଦେଇଥାଏ

ଆପଣ ଜାଣନ୍ତି କି କୁକୁର ମାନେ ଆମକୁ ଆଗକୁ ଘଟିବାକୁ ଥିବା ଘଟଣା ସଂପର୍କରେ ସଙ୍କେତ ଦେଇଥାଆନ୍ତି ? ସମସ୍ତେ ଅବଶ୍ୟ ଏକଥାକୁ ବିଶ୍ୱାସ କରିବେ ନାହିଁ । କିନ୍ତୁ ବାସ୍ତୁଶାସ୍ତ୍ର ଅନୁସାରେ ଆଗକୁ ଘଟିବାକୁ ଥିବା ଶୁଭ ଅଶୁଭ ଘଟଣା ସଂପର୍କରେ କୁକୁର ଓ ବିଲେଇମାନଙ୍କୁ ଆଗୁଆ ସଙ୍କେତ ମିଳିଥାଏ। ଯଦି ଆପଣ କୌଣସି ସ୍ଥାନକୁ ଯାଉଛନ୍ତି ଓ ବାଟରେ ଆପଣଙ୍କ ସହିତ  କିଛି ଅଘଟଣ ଘଟିବାର ଅଛି, ତା’ହେଲେ କୁକୁରଙ୍କୁ ଏସଂପର୍କରେ ପ୍ରଥମେ ସଙ୍କେତ ମିଳିଯାଏ। ସେମାନେ ଆପଣଙ୍କୁ ସଙ୍କେତ ମାଧ୍ୟମରେ ଏବିଷୟରେ ଜଣାଇବାକୁ ଚେଷ୍ଟା କରନ୍ତି।

– ରାସ୍ତାରେ ଯିବା ବେଳେ ଯଦି ଗୋଟିଏ କୁକୁର ପାଟିରେ ପଥର କିମ୍ୱା ହାଡ଼ ଧରି ଆପଣଙ୍କ ସମ୍ମୁଖରେ ଛିଡ଼ା ହୋଇଯାଏ, ତା’ହେଲେ ଜାଣନ୍ତୁ ଯାତ୍ରାରେ କଷ୍ଟର ସମ୍ମୁଖୀନ ହେବାକୁ ପଡ଼ିବ।

– ଯଦି କୌଣସି କୁକୁର ରାସ୍ତାରେ ଯାଉଥିବା ବ୍ୟକ୍ତିଙ୍କ ବାମ ପଟେ ଚାଲୁଥାଏ ତେବେ ତାଙ୍କୁ ସୁନ୍ଦରୀ ସ୍ତ୍ରୀ ଅବା ଧନଲାଭ ହୋଇପାରେ। କିନ୍ତୁ ଡାହାଣ ପଟରେ ଚାଲିଲେ ଚୋରି ଅବା ଅନ୍ୟ କୌଣସି ପ୍ରକାର କ୍ଷତି ହୋଇପାରେ।

– ବାଟରେ ଯିବା ବେଳେ ଯଦି ଆପଣ ଲାଞ୍ଜ କଟା ଅବା କାନ କଟା କୁକୁର  ଦେଖନ୍ତି ତା’ହେଲେ କାର୍ଯ୍ୟ ଅସଫଳ ହେବ।

–  କାହା ଘର ସମ୍ମୁଖରେ କୁକୁର ବାରମ୍ବାର କାନ୍ଥକୁ ନଖରେ ଖୋଳିବାକୁ ଚେଷ୍ଟା କରୁଥିଲେ ସେହି ଘରେ ନିଶ୍ଚିତ ଭାବେ ଚୋରି ହେବାର ସଙ୍କେତ ମିଳିଥାଏ ବୋଲି କୁହାଯାଏ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।