ଏବେ ସୋସିଆଲ୍ ମିଡିଆରେ ଏକ ମେସେଜ୍ ଭାଇରାଲ୍ ହୋଇଛି। ଏଥିରେ କୁହାଯାଇଛି ଜଣେ ବ୍ୟକ୍ତି ଅଣ୍ଡା ପରେ କଦଳୀ ଖାଇ ଦେବାରୁ ତାଙ୍କର ମୃତ୍ୟୁ ହୋଇଗଲା। ମେସେଜ୍ରେ ଆହୁରି ମଧ୍ୟ କୁହାଯାଇଛି ଯେ ଅଣ୍ଡା ଓ କଦଳୀ ଏକା ସଙ୍ଗେ ଖାଇଲେ ମୃତ୍ୟୁ ଘଟିବ।
କ’ଣ ସତରେ ଅଣ୍ଡା ଓ କଦଳୀ ଏକତ୍ର ଖାଇଲେ ଜଣଙ୍କର ମୃତ୍ୟୁ ହୋଇଯିବ? ଆପଣ ବି ଏମିତି କିଛି ମେସେଜ୍ ପାଇଁ ଡରି ଯାଇଛନ୍ତି କି? ଆଦୌ ଡରନ୍ତୁ ନି। ଡାକ୍ତରମାନେ ଏଭଳି ଖବରକୁ ଭ୍ରମାତ୍ମକ ବୋଲି କହିଛନ୍ତି।
ଡାକ୍ତରମାନଙ୍କ କହିବା ଅନୁଯାୟୀ, ଉଭୟ ଅଣ୍ଡା ଓ କଦଳୀ ସୁଷମ ଖାଦ୍ୟ ଏବଂ ଏ ଦୁଇଟିକୁ ଏକତ୍ର ଖିଆଯାଇ ପାରିବ। ଏଗୁଡ଼ିକୁ ଏକତ୍ର ଖାଇଲେ କେହି ମରନ୍ତି ନାହିଁ। ସୋସିଆଲ୍ ମିଡିଆରେ ପ୍ରସାରିତ ଖବର ଭୁଲ୍। ରୋଗୀମାନଙ୍କୁ ଅଣ୍ଡା ଓ କଦଳୀ ଖାଇବାକୁ ପରାମର୍ଶ ଦିଆଯାଏ।
ଜଣେ ଆୟୁର୍ବେଦିକ ଡାକ୍ତର କହିଛନ୍ତି, ଆୟୁର୍ବେଦ ମୁତାବକ କଦଳୀ ଓ ଅଣ୍ଡା ପରସ୍ପର ବିରୁଦ୍ଧାଚରଣ କରୁଥିବା ଖାଦ୍ୟ। ଏ ଦୁଇଟିକୁ ଏକତ୍ର ଖାଇଲେ କଫ ଜନିତ ସମସ୍ୟା ହୋଇପାରେ, କିନ୍ତୁ କାହାରି ମୃତ୍ୟୁ ହେବ ନାହିଁ। ଚିକିତ୍ସା ଶାସ୍ତ୍ରରେ ଏମିତି କିଛି ଉଲ୍ଲେଖ ନାହିଁ। ବଡି ବିଲ୍ଡରମାନେ ତ ପ୍ରତିଦିନ ଅଣ୍ଡା ଓ କଦଳୀ ଖାଉଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
