ଅଳେଇଚରେ ଅନେକ ଔଷଧୀୟ ଗୁଣ ରହିଛି। ଏହା ଶ୍ୱାସ ଓ ବ୍ଲଡ ପ୍ରେସର ସମସ୍ୟା ମଧ୍ୟ ଦୂର କରିଥାଏ। ଆଜିକାଲି ବ୍ଲଡ ପ୍ରେସର ଏକ ସାଧାରଣ ସମସ୍ୟାରେ ପରିଣତ ହୋଇଛି। ଛୋଟଠାରୁ ବଡ଼ ସମସ୍ତେ ଏଥିରେ ପଡୁଛନ୍ତି। ତେବେ ଆସନ୍ତୁ ଜାଣିବା ଅଳେଇଚ କେମିତି ବ୍ଲଡ ପ୍ରେସର ସମସ୍ୟାରୁ ମୁକ୍ତି ଦେଇଥାଏ।
୨୦୦ ଗ୍ରାମ ବଡ ଅଳେଇଚକୁ ତାଓ୍ୱାରେ ଭାଜନ୍ତୁ। ଏହା ପୋଡିହେବା ପର୍ଯ୍ୟନ୍ତ ଭାଜନ୍ତୁ। ଏହାପରେ ଏହି ଜଳି ଯାଇଥିବା ଅଳେଇଚକୁ ପେଶି ଗୁଣ୍ଡ କରି ଏକ ଡବାରେ ରଖନ୍ତୁ। ପ୍ରତିଦିନ ସଖାଳେ ଓ ରାତିରେ ଖାଇବା ପୂର୍ବରୁ ଖାଲିପେଟରେ ୫ ଗ୍ରାମ ଅଳେଇଚ ପାଉଡର ଓ ଦୁଇ ଚାମଚ ମହୁ ମିଶାଇ ଖାଆନ୍ତୁ। ଲଗାତାର ୧୫ରୁ ୨୦ ଦିନ ଏହାକୁ ଖାଇଲେ ଆପଣଙ୍କୁ ଆଉ ବ୍ଲଡ ପ୍ରେସର ପାଇଁ କୌଣସି ପ୍ରକାରର ଔଷଧ ଖାଇବାକୁ ପଡିବ ନାହିଁ।
ଏହା ବ୍ୟତୀତ ଯଦି ଆପଣଙ୍କ ପାଟିରୁ ଦୁର୍ଗନ୍ଧ ବାହାରୁଛି ତେବେ ବଡ ଅଳେଇଚକୁ ପାଟିରେ ପକାଇ ଚୋବାଇଲେ ଏହି ସମସ୍ୟାରୁ ମୁକ୍ତି ପାଇବେ। କେବଳ ଏତିକି ନୁହେଁ, ପାଟିରେ ହୋଇଥିବା ଘାକୁ ମଧ୍ୟ ବଡ ଅଳେଇଚ ଭଲ କରିଦେଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
