ଭୁବନେଶ୍ୱର (ଓଡ଼ିଶା ରିପୋର୍ଟର): ‘ପିଲାଙ୍କୁ ସହଜରେ କରୋନା ହୁଏ ନାହିଁ। ତେଣୁ ଡରନ୍ତୁ ନାହିଁ।’ କଟକ ଶିଶୁଭବନର ବିଶେଷଜ୍ଞ ଡାକ୍ତର ସୁନୀଲ ଅଗ୍ରୱାଲ୍ ଆଜି ଏହି କଥା କହିଛନ୍ତି।
ସେ କହିଛନ୍ତି, ଏବେ ଦୈନିକ ଯେତିକି ପିଲା ସଂକ୍ରମିତ ହେଉଛନ୍ତି, ସେଥିରୁ ୯୫%ଙ୍କ ଠାରେ ଲକ୍ଷଣ ଦେଖାଯାଉ ନାହିଁ। ପୁଣି ଆକ୍ରାନ୍ତଙ୍କ ମଧ୍ୟରୁ ମାତ୍ର ୧%ଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡୁଛି। ଛୁଆଙ୍କ ମଧ୍ୟରେ ୧୨ରୁ ୧୮ ବର୍ଷ ବର୍ଗଙ୍କୁ ସଂକ୍ରମଣ ହେବା ସମ୍ଭାବନା ଅଧିକ। କିନ୍ତୁ ସାନ ସାନ ପିଲାଙ୍କୁ ସଂକ୍ରମଣ ହେବା ସମ୍ଭାବନା ବହୁତ କମ୍।
ଡାକ୍ତର ଅଗ୍ରୱାଲ କହିଛନ୍ତି, ପିଲାଙ୍କୁ କାଶ, ଛିଙ୍କ, ଥଣ୍ଡା ଓ ପତଳା ଝାଡ଼ା ହେବା ବା ଦେହରେ ଲାଲ୍ ଚିହ୍ନ ପଡ଼ିବା ହେଉଛି କରୋନାର ଲକ୍ଷଣ। କିନ୍ତୁ ସବୁ କାଶ ଓ ଛିଙ୍କ କରୋନା ନୁହେଁ। ପିଲାଙ୍କୁ ଜ୍ୱର ହେଲେ ପ୍ରଥମ ୨ ଦିନ ପାରାସିଟାମଲ ଦିଅନ୍ତୁ।
ସେ ଆହୁରି କହିଛନ୍ତି, ୫ ବର୍ଷରୁ କମ୍ ପିଲାମାନଙ୍କୁ ମାସ୍କ ପିନ୍ଧାଇବା ଦରକାର ନାହିଁ। ସେମାନଙ୍କ ଇମ୍ୟୁନିଟି ବହୁତ ଭଲ। ସେମାନଙ୍କୁ ସଂକ୍ରମଣ ହେବା ଆଶଙ୍କା କମ୍। ତେବେ ପିଲାଙ୍କର ଯଦି ଅନ୍ୟ କିଛି ଟିକା ବାକି ଥାଏ, ତା’ହେଲେ ଦେଇ ଦିଅନ୍ତୁ। ଅନ୍ୟ ଟିକା କେବଳ ସଂପୃକ୍ତ ରୋଗ ରୋକିବନି, କରୋନାକୁ ବି ତଡ଼ିବ। ସେହିପରି କୋଭିଡ୍ ପଜିଟିଭ ମା’ ପିଲାଙ୍କୁ ସ୍ତନ୍ୟପାନ କରାଇ ପାରିବେ ବୋଲି ଡାକ୍ତର ଅଗ୍ରୱାଲ କହିଛନ୍ତି।
କୋଭିଡ୍ ସଚେତନତା କାର୍ଯ୍ୟକ୍ରମ | ପିଲାଙ୍କୁ କୋଭିଡ୍
କୋଭିଡ୍ ପରିପ୍ରେକ୍ଷୀରେ ୧୫ ବର୍ଷରୁ କମ୍ ପିଲାମାନଙ୍କ କିପରି ଯତ୍ନ ନେବେ, ପିଲାଙ୍କୁ କୋଭିଡ୍ ହେଲେ କ'ଣ ପଦକ୍ଷେପ ନେବେ ସେ ସମ୍ବନ୍ଧରେ ବିଶିଷ୍ଟ ଶିଶୁରୋଗ ବିଶେଷଜ୍ଞ ଡକ୍ଟର ସୁନିଲ କୁମାର ଅଗ୍ରୱାଲାଙ୍କ ପରାମର୍ଶ:
ନିମ୍ନ ଲିଙ୍କ କ୍ଲିକ୍ କରନ୍ତୁ:https://t.co/DOjs4mG42p pic.twitter.com/5OSS8SXpo1
— I & PR Department, Odisha (@IPR_Odisha) January 19, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
