ଆବଶ୍ୟକୀୟ ସାମଗ୍ରୀ:
- ତିଆସି ଚଣା
- କଟା ପିଆଜ
- କ୍ୟାପ୍ସିକମ୍
- ଭୁର୍ସଙ୍ଗ ପତ୍ର
- କଟା ଅଦା ଓ ରସୁଣ
- କଞ୍ଚାଲଙ୍କା
- ଚିଲି ସସ୍
- ଟମାଟୋ ସସ୍
- ସୋୟା ସସ୍
- ଲୁଣ
- ପିଆଜ ସଣ୍ଢା
- ତେଲ
ପ୍ରସ୍ତୁତି ପ୍ରଣାଳୀ :
ପ୍ରଥମେ ତିଆସି ଚଣାକୁ ସିଝାଇ ଦିଅନ୍ତି। ସିଝାଇବା ବେଳେ ସେଥିରେ ଟିକେ ଲୁଣ ପକାନ୍ତୁ। ଏହା ପରେ କଡ଼େଇରେ ତେଲ ଗରମ କରି କଟା ଅଦା, ରସୁଣ ଓ ପିଆଜ ପକାଇ ଭାଜନ୍ତୁ। ପିଆଜ ଭାଜି ହୋଇଯିବା ପରେ ଭୁର୍ସଙ୍ଗ ପତ୍ର, କଞ୍ଚା ଲଙ୍କା ଓ କଟା କ୍ୟାପସିକମ୍ ପକାନ୍ତୁ। ଏହାପରେ ସେଥିରେ ସିଝା ତିଆସି ଚଣା, ସ୍ୱାଦ ଅନୁସାରେ ଲୁଣ ଓ ପିଆଜ ସଣ୍ଢା ପକାଇ ଭଲ ଭାବରେ ଗୋଳାନ୍ତୁ। ପରେ ଏଥିରେ ଟମାଟୋ ସସ୍, ଚିଲି ସସ୍, ସୋୟା ସସ୍ ପକାଇ ଭଲ ଭାବରେ ଗୋଳାଇ ଘୋଡ଼ଣୀ ଘୋଡ଼ାଇ ଦିଅନ୍ତୁ। ୨ ମିନିଟ୍ ପରେ ପ୍ରସ୍ତୁତ ହୋଇଯିବ ଆପଣଙ୍କର ‘ତିଆସି ଚଣା ଚଟ୍ପଟି’।