Odia Food recipe:‘ମାଛ ଚମ୍‌ଚମ୍‌’- Make a unique recipe, Machha cham cham

ଆବଶ୍ୟକ ସାମଗ୍ରୀ:

• ମାଛ
• ବେସନ
• ଚାଉଳ ଚୂନା
• କଟା କଞ୍ଚାଲଙ୍କା
• ଜିରା ଗୁଣ୍ଡ
• ଧନିଆ ଗୁଣ୍ଡ
• ହଳଦୀ ଗୁଣ୍ଡ
• ଲୁଣ
• କଟା କଞ୍ଚାଲଙ୍କା
• କଟା ପିଆଜ
• ଅଦା-ପିଆଜ-ଶୁଖିଲାଲଙ୍କା ପେଷ୍ଟ
• କାଜୁ
• ଟମାଟୋ
• ଦହି

ପ୍ରସ୍ତୁତି ପ୍ରଣାଳୀ:

ପ୍ରଥମେ ମାଛକୁ ଭଲ ଭାବେ ଧୋଇ ଲୁଣ ଓ ହଳଦୀରେ ଗୋଳାଇ ଭାଜି ଦିଅନ୍ତୁ। ଏବେ ଭଜା ମାଛରୁ କଣ୍ଟା କାଢ଼ି ସେଥିରେ ବେସନ, ଚାଉଳ ଚୂନା, କଟା କଞ୍ଚାଲଙ୍କା, ଜିରା ଗୁଣ୍ଡ, ଧନିଆ ଗୁଣ୍ଡ, ହଳଦୀ ଗୁଣ୍ଡ ଓ ଲୁଣ ପକାଇ ଭଲ ଭାବେ ଚକଟି ଦିଅନ୍ତୁ।

ଏବେ କଡ଼େଇରେ ଲ ଗରମ କରି ମସଲା ଗୋଳା ମାଛ ଚକଟାକୁ ଗୋଲ୍ ଗୋଲ୍ କରି ଛାଣି ଦିଅନ୍ତୁ। ଏହା ପରେ ଗରମ ତେଲରେ କଟା ପିଆଜ ଓ କଟା କଞ୍ଚାଲଙ୍କା ପକାଇ ଭାଜନ୍ତୁ। ପିଆଜ ଭାଜି ହୋଇଗଲେ ସେଥିରେ ଅଦା, ପିଆଜ ଓ ଶୁଖିଲାଲଙ୍କା ପେଷ୍ଟ ପକାନ୍ତୁ। ମସଲା କଷି ହୋଇ ଆସିଲେ ସେଥିରେ କାଜୁ, ଟମାଟୋ ଓ ଦହି ବଟା ପକାଇ ଭଲ ଭାବେ କଷନ୍ତୁ। ମସଲା ପ୍ରସ୍ତୁତ ହୋଇଗଲେ ସେଥିରେ ଭଜା ମାଛ ବରାକୁ ପକାନ୍ତୁ। ଦୁଇରୁ ତିନି ମିନିଟ୍‌ ପରେ ପ୍ରସ୍ତୁତ ହୋଇଯିବ ‘ମାଛ ଚମ୍‌ଚମ୍‌’।