ନବରାତ୍ରୀରେ ଘରେ ପ୍ରସ୍ତୁତ କରନ୍ତୁ ‘ବାଲୁସାହି’

ଆବଶ୍ୟକ ସାମଗ୍ରୀ:

  • ମଇଦା
  • ବେକିଂ ସୋଡ଼ା
  • ଦହି
  • ଘିଅ
  • ଚିନି
  • ଖାଇବା ରଙ୍ଗ

ପ୍ରସ୍ତୁତି ପ୍ରଣାଳୀ:  

ପ୍ରଥମେ ମଇଦାକୁ ଅଟା ଚଲାରେ ଚଲେଇ ଦିଅନ୍ତୁ। ବର୍ତ୍ତମାନ ଏହି ଚଲା ମଇଦାରେ ଅଳ୍ପ ବେକିଂ ସୋଡ଼ା, ଦହି ଓ ଘିଅ ମିଶାଇ ଅଳ୍ପ ଉଷୁମ ପାଣି ଦେଇ ଦଳି ଦିଅନ୍ତୁ। ଏହାକୁ ୨୦କୁ ୨୫ ମିନିଟ୍‌ ଯାଏଁ ଏକ ଓଦା କପଡ଼ାରେ ଗୁଡ଼େଇ ରଖନ୍ତୁ। ଏହାପରେ ପୁଣି ଥରେ ହାଲ୍‌କା ଦଳି ଛୋଟ ଛୋଟ ଚେପଟା ଗୁଳା ପ୍ରସ୍ତୁତ କରନ୍ତୁ। ଏହି ଗୁଳାଗୁଡ଼ିକୁ ଉପରପଟୁ ଆଙ୍ଗୁଳିରେ କଣା କରିଦିଅନ୍ତୁ।

Balusahiଏବେ କଡ଼େଇରେ ଘିଅ ଗରମ କରି ଧିମା ଆଞ୍ଚରେ ଏହି ଗୁଳାଗୁଡ଼ିକୁ ହାଲକା ଲାଲ୍ କରି ଛାଣନ୍ତୁ। ଅନ୍ୟ ଏକ କଡ଼େଇରେ ଚିନି ଓ ପାଣିକୁ ଫୁଟାଇ ସିରା ପ୍ରସ୍ତୁତ କରନ୍ତୁ। ଗରମ ଗରମ ସିରାରେ ଛଣାଯାଇଥିବା ମଇଦା ଗୁଳାଗୁଡ଼ିକୁ ପକାଇ କିଛି ସମୟ ଛାଡ଼ିଦିଅନ୍ତୁ। ପାଖା ପାଖି ୧୦ ରୁ ୧୫ ମିନିଟ୍‌ ପରେ ଏଗୁଡ଼ିକୁ କାଢ଼ି ଥଣ୍ଡା ଓ ହାଲକା ଟାଣ ହେବାକୁ ଖୋଲା ରଖି ଦିଅନ୍ତୁ। ଶୁଖିଗଲା ପରେ ପ୍ରସ୍ତୁତ ହୋଇଯିବ ‘ବାଲୁଶାହି’। ଏହାକୁ ନବରାତ୍ରୀରେ ମା’ଙ୍କ ପାଖରେ ଭୋଗ ଲଗାଇପାରିବେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।