ଆବଶ୍ୟ ସାମଗ୍ରୀ: ମୁଗ ଡାଲି, ଦେଶୀ ଘିଅ, ଚିନି, କାଜୁ, କିସ୍ମିସ୍, ବାଦାମ, ଖୁଆ ଓ ଅଳେଇଚ ଗୁଣ୍ଡ।
ପ୍ରସ୍ତୁତି ପ୍ରଣାଳୀ: ପ୍ରଥମେ ମୁଗ ଡାଲିକୁ ଧୋଇ ୪/୫ଘଣ୍ଟା ପର୍ଯ୍ୟନ୍ତ ପାଣିରେ ବତୁରେଇ ରଖନ୍ତୁ। ବତୁରି ଯିବା ପରେ ଏହାକୁ ଖଦଡ଼ିଆ କରି ଗ୍ରାଇଣ୍ଡିଂ କରି ଦିଅନ୍ତୁ। ଏବେ କଡ଼େଇରେ ଘିଅ ଗରମ କରି ଏଥିରେ କଦଡ଼ିଅର ଭାବେ ବଟା ହୋଇଥିବା ଡାଲିକୁ ପକାଇ ମଧ୍ୟମ ଆଞ୍ଚରେ ଭାଜନ୍ତୁ। ଡାଲି ଭଲ ଭାବେ ଭାଜି ହେବା ପରେ ଏହାକୁ ଏକ ପାତ୍ରକୁ ବାହାର କରି ଦିଅନ୍ତୁ। ଏହା ପରେ କଡ଼େଇରେ ଖୁଆକୁ ହାଲ୍କା ଭାଜି ଏଥିରେ ଭଜା ଡାଲି ପକାନ୍ତୁ। ତା’ ପରେ ଚିନି ପକାଇ ମିଶାଇ ଭଲ ଭାବେ ଗୋଳାଇ ଦିଅନ୍ତୁ। ସିଝିବା ପାଇଁ ଏଥିରେ ଅଳ୍ପ ପାଣି ଦିଅନ୍ତୁ। ପରେ ଏଥିରେ କାଜୁ, କିସ୍ମିସ୍ ଓ ବାଦାମ ପକାଇ ୫ମିନିଟ୍ ଚଲାନ୍ତୁ। ଏବେ ଆଞ୍ଚ ବନ୍ଦ କରି କଡ଼େଇକୁ ଓହ୍ଲାଇ ଦିଅନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କର ଗରମା ଗରମ ‘ମୁଗ ଡାଲି ହାଲୱା’।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
