ଆବଶ୍ୟକ ସାମଗ୍ରୀ:
ସଜନା ଶାଗ
ପିଆଜ-ଅଦା-ରସୁଣ ବଟା
ନଡ଼ିଆ କୋରା
ମାଣ୍ଡିଆ ଚୂନା
ବେସନ
ଚାଉଳ ଚୂନା
ଲୁଣ
ଦହି
ଉଷୁମ ପାଣି
ତେଲ
ପ୍ରସ୍ତୁତି ପ୍ରଣାଳୀ:
ପ୍ରଥମେ ସଜନା ଶାଗରେ ପିଆଜ-ଅଦା-ରସୁଣ ବଟା ଓ ନଡ଼ିଆ କୋରା ପକାଇ ଭଲ ଭାବେ ଭାଜି ରଖି ଦିଅନ୍ତୁ। ଏବେ ଏକପାତ୍ରରେ ଦୁଇ ଭାଗ ମାଣ୍ଡିଆ ଚୂନା, ଏକ ଭାଗ ବେସନ, ଏକ ଭାଗ ଚାଉଳ ଚୂନା, ଲୁଣ, ଦହି ଓ ଉଷୁମ ପାଣି ଦେଇ ଚକଟି ଦିଅନ୍ତୁ ଏବଂ କିଛି ସମୟ ସେମିତି ରଖିଦିଅନ୍ତୁ। ଏହାପରେ ମାଣ୍ଡିଆ ଚକଟାରେ ପୂର୍ବରୁ ପ୍ରସ୍ତୁତ କରି ରଖିଥିବା ସଜନା ଶାଗ ଭଜାକୁ ପକାଇ ଚକଟନ୍ତୁ ଏବଂ ଏହାକୁ ଛୋଟ ଛୋଟ ଗୋଳା କରି ବରା ଆକାରର କରନ୍ତୁ। ତା’ପରେ ଏକ ପ୍ୟାନ୍ରେ ତେଲ ଗରମ ସେଗୁଡ଼ିକୁ ଭାଜନ୍ତୁ। ଦୁଇପଟ ଲାଲ୍ ହୋଇଗଲେ ସେଗୁଡ଼ିକୁ ପ୍ଲେଟ୍କୁ କାଢ଼ିଦିଅନ୍ତୁ। ବର୍ତ୍ତମାନ ପ୍ରସ୍ତୁତ ହୋଇଗଲା ‘ସଜନା ଶାଗ ମାଣ୍ଡିଆ ବରା’।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।