ଭୁବନେଶ୍ୱର(ଓଡ଼ିଶା ରିପୋର୍ଟର୍): ହୁଏତ ଆପଣ ଶେଉଳ ମାଛ ତରକାରୀକୁ ପସନ୍ଦ କରି ନ ପାରନ୍ତି, କିନ୍ତୁ ଶେଉଳ ମାଛ ସହ କଲରା ଚଡ଼ଚଡ଼ିର ସ୍ୱାଦକୁ ଆଦୌ ଅଣଦେଖା କରିପାରିବେ ନାହିଁ। ଆଜି ଆମେ ଏହାର ପ୍ରସ୍ତୁତି ପ୍ରଣାଳୀ ସମ୍ପର୍କରେ ଆପଣଙ୍କୁ କହିବୁ।
ଆବଶ୍ୟକ ସାମଗ୍ରୀ: ଶେଉଳ ମାଛ, କଟା କଲରା, ସୋରିଷ ବଟା, ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଗରମ ମସଲା, ରିଫାଇନ୍ ତେଲ ଓ ଲୁଣ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଶେଉଳ ମାଛକୁ ଧୋଇ କାଟିବା ପରେ ସେଥିରେ ଲୁଣ ହଳଦୀ ଗୋଳାଇ ରଖନ୍ତୁ। ତା’ପରେ କଡ଼େଇରେ ତେଲ ବସାଇ କଟା ମାଛ ସବୁକୁ ଭାଜି ଦିଅନ୍ତୁ। ଏହାପରେ କଲରାକୁ କାଟି ମଞ୍ଜି ବାହାର କରି ଭାଜି ରଖନ୍ତୁ। ଏହା ପରେ କଡ଼େଇରେ ତେଲ ଗରମ କରି ସେଥିରେ କଟା ଟମାଟୋ ପକାନ୍ତୁ।
ଟମାଟୋ ଅଳ୍ପ ଭାଜି ହୋଇଗଲେ, ସେଥିରେ ସୋରିଷ ବଟା, ହଳଦୀ ଗୁଣ୍ଡ, ଲଙ୍କା ଗୁଣ୍ଡ ଓ ଗରମ ମସଲା ପକାଇ ଭଲ ଭାବେ ଗୋଳାଇ ଆଉ ଟିକେ କଷି ଦିଅନ୍ତୁ। ଏବେ ସେଥିରେ ଭଜା କଲରା ଓ ଭଜା ଶେଉଳ ମାଛ ପକାଇ ଅଳ୍ପ ପାଣି ଦିଅନ୍ତୁ। ଏହାକୁ ୩ରୁ ୪ମିନିଟ୍ ଚୁଲିରେ ବସାଇ ଫୁଟାଇବା ପରେ ଓହ୍ଲାଇ ଦିଅନ୍ତୁ। ଏବେ ପ୍ରସ୍ତୁତ ହୋଇଯାଇଛି ଶେଉଳ ମାଛ କଲରା ଚଡ଼ଚଡ଼ି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
