ଶ୍ରାବଣ ମାସର ଶେଷ ସୋମବାର ପଡ଼ୁଛି ରକ୍ଷା ବନ୍ଧନ। ଏହି ଦିନ ମଧ୍ୟ ପୂର୍ଣ୍ଣିମା। ଶ୍ରାବଣ ମାସର ପୂର୍ଣ୍ଣିମାରେ ମହାଦେବ ଶିବ ଓ ଚନ୍ଦ୍ରଙ୍କୁ ପୂଜା କଲେ ଦୀର୍ଘାୟୁର ବରଦାନ ମିଳିଥାଏ। ଏହି କାରଣରୁ ଆସନ୍ତା ସୋମବାର ଅର୍ଥାତ ରାଖୀ ପୂର୍ଣ୍ଣିମା ଦିନ ଭଉଣୀମାନେ ଶିବ ଓ ଚନ୍ଦ୍ରଙ୍କୁ ଆରାଧନା କରି ଭାଇମାନଙ୍କ ଦୀର୍ଘାୟୁ ପାଇଁ ପ୍ରାର୍ଥନା କରିପାରିବେ। ତା’ହେଲେ ଆସନ୍ତୁ ଜାଣିବା ଭାଇମାନଙ୍କ ଦୀର୍ଘାୟୁ ଓ ମଙ୍ଗଳ ପାଇଁ ରାଶି ଅନୁସାରେ ଭଉଣୀମାନେ କେଉଁ କେଉଁ ଉପାୟ ଅବଲମ୍ୱନ କରିପାରିବେ।
ମେଷ- ଏହି ରାଶିର ଭଉଣୀମାନେ ଅଗ୍ରପୂଜ୍ୟ ଗଣେଶଙ୍କୁ ଦୁବ ଓ ରାଖୀ ଅର୍ପଣ କରନ୍ତୁ। ଏହାଦ୍ୱାରା ଭାଇମାନଙ୍କ କ୍ରୋଧ ଦୂରେଇ ଯିବ ଏବଂ ସ୍ୱଭାବ ଠିକ୍ ରହିବ।
ବୃଷ- ମହାଦେବଙ୍କୁ ଜଳ ଓ ରାଖୀ ଅର୍ପଣ କରନ୍ତୁ। ଏହାସହିତ ଉଭୟଙ୍କ ମଧ୍ୟରେ ସମ୍ପର୍କ ନିବିଡ଼ ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରନ୍ତୁ।
ମିଥୁନ- ସୂର୍ଯ୍ୟ ଦେବଙ୍କୁ ଜଳ ଅର୍ପଣ କରନ୍ତୁ। ଏହାସହିତ ଦେବୀ ମା’ଙ୍କୁ ସିନ୍ଦୁର ଓ ରାଖୀ ଅର୍ପଣ କରନ୍ତୁ। ଏଭଳି କରିବା ଦ୍ୱାରା ବିଭିନ୍ନ ଦୁର୍ଘଟଣାରୁ ଭାଇ ରକ୍ଷା ପାଇଥାଏ।
କର୍କଟ- ଭଗବାନ ଗଣେଶଙ୍କୁ ବେଲ ପତ୍ର ଓ ରାଖୀ ଚଢ଼ାନ୍ତୁ। ଫଳରେ ଆପଣଙ୍କ ଭାଇଙ୍କ ଜୀବନରେ ସୃଷ୍ଟି ହେଉଥିବା ସମସ୍ୟା ଦୂରେଇ ଯିବ।
ସିଂହ- ଶିବଙ୍କୁ ପ୍ରଥମେ ଚନ୍ଦନ ଓ ଏହା ପରେ ରାଖୀ ଅର୍ପଣ କରନ୍ତୁ। ଫଳରେ ଆପଣଙ୍କ ଭାଇଙ୍କ ସ୍ୱାସ୍ଥ୍ୟ ଭଲ ରହିବ।
କନ୍ୟା- ହନୁମାନଙ୍କୁ ଲାଲ୍ ଫୁଲ ଓ ରାଖୀ ଅର୍ପଣ କରନ୍ତୁ। ଭାଇଙ୍କୁ ମନ ପସନ୍ଦର ସଫଳତା ମିଳିବ।
ତୁଳା- ଭଗବାନ କୃଷ୍ଣଙ୍କୁ ଲହୁଣି ଓ ମିଶ୍ରି ଭୋଗ ଲଗାନ୍ତୁ। ପରେ ରାଖୀ ଅର୍ପଣ କରନ୍ତୁ। ଏପରି କରିବା ଦ୍ୱାରା ଭାଇର ବୈବାହିକ ଓ ପାରିବାରିକ ଜୀବନରେ ଖୁସି ମିଳିବ।
ବିଛା- ବଟ ବୃକ୍ଷରେ ଜଳ ଢାଳି ଦୀପ ଲଗାନ୍ତୁ। ପରେ ଡାଳରେ ରାଖୀ ବାନ୍ଧନ୍ତୁ। ଫଳରେ ଆପଣଙ୍କ ଭାଇଙ୍କ ସନ୍ତାନ ପ୍ରାପ୍ତି ସମସ୍ୟା ଦୂରେଇ ଯିବ।
ଧନୁ- ମହାଦେବ ଶିବଙ୍କୁ ଜଳ ଅର୍ପଣ କରନ୍ତୁ। ଏହାପରେ ରାଖୀ ଅର୍ପଣ କରନ୍ତୁ। ଏହାଦ୍ୱାରା ଦୁର୍ଘଟଣାରୁ ଭାଇଙ୍କୁ ରକ୍ଷା ମିଳିବ।
ମକର- ଭଗବାନ କୃଷ୍ଣଙ୍କୁ ହଳଦୀର ତିଳକ ଲଗାଇ ରାଖୀ ଅର୍ପଣ କରନ୍ତୁ। ଭାଇର ଜୀବନରେ ଆର୍ଥିକ ସମସ୍ୟା ଆସିବ ନାହିଁ।
କୁମ୍ଭ- ହନୁମାନଙ୍କୁ ଲାଲ୍ ରଙ୍ଗର ଫୁଲ ଓ ରାଖୀ ଅର୍ପଣ କରନ୍ତୁ। ଭାଇର ସ୍ୱାସ୍ଥ୍ୟ ଓ ରୋଜଗାର ଭଲ ରହିବ।
ମୀନ- ଭଗବାନ ଶିବଙ୍କୁ ଦହି ଓ ଜଳ ଅର୍ପଣ କରନ୍ତୁ। ଏହାପରେ ରାଖୀ ଅର୍ପଣ କରନ୍ତୁ। ଫଳରେ ଭାଇ-ଭଉଣୀଙ୍କ ମଧ୍ୟରେ ସମ୍ପର୍କ ନିବିଡ଼ ରହିବ।