କେବେ ଖାଇଛନ୍ତି ‘ସ୍ୱିଟି ଚିକେନ୍‌’?- A hidden recipe of Sweety chicken

ଆବଶ୍ୟକୀୟ ସାମଗ୍ରୀ:

• ଚିକେନ୍‌ ଲେଗ୍‌ ପିସ୍‌
• ପିଆଜ
• ଲୁଣ
• ଅଦାରସୁଣ ପେଷ୍ଟ
• ହଳଦୀ
• ଲେମ୍ୱୁ
• ଗୋଟା ଡାଲଚିନି
• ଗୋଲମରିଚ ଗୁଣ୍ଡ
• ଧନିଆ ଗୁଣ୍ଡ
• ତେଲ
• ଦହି
• ଆଲମଣ୍ଡ
• ଭଜା ପିଆଜ
• କାଜୁ
• ଧନିଆ ପତ୍ର
• ଲଙ୍କା
• ପୁଦିନା ପେଷ୍ଟ

ପ୍ରସ୍ତୁତି ପ୍ରଣାଳୀ :

‘ସ୍ୱିଟି ଚିକେନ୍‌’ ପ୍ରସ୍ତୁତ କରିବା ପାଇଁ ପ୍ରଥମେ ପୁଦିନା ପତ୍ର, ଧନିଆ ପତ୍ର, କଞ୍ଚା ଲଙ୍କା, ଭଜା ପିଆଜ ଓ ଆଲମଣ୍ଡକୁ ବାଟି ରଖନ୍ତୁ। ଚିକେନର ଲେଗ୍‌ ପିସ୍‌କୁ ଭଲ ଭାବରେ ଧୋଇ ସେଥିରେ ଦହି, ଅଦା ରସୁଣ ବଟା, ହଳଦୀ ଗୁଣ୍ଡ, ଲୁଣ, ଗୋଲମରିଚ ଗୁଣ୍ଡ, ଆଗରୁ ପ୍ରସ୍ତୁତ ହୋଇଥିବା ପୋଦିନା ପେଷ୍ଟ ଓ ଲେମ୍ୱୁ ରସ ପକାଇ ଭଲ ଭାବରେ ମ୍ୟାରିନେଟ୍‌ କରନ୍ତୁ।

ଗ୍ୟାସ୍‌ ଲଗାଇ କଡ଼େଇରେ ତେଲ ଗରମ କରନ୍ତୁ। ସେଥିରେ ଡାଲଚିନି, ଜୀରା ଓ ଲବଙ୍ଗ ଆଦି ଶୁଖିଲା ମଲସା ଏବଂ କଟା ପିଆଜ ପକାଇ ଭଲ ଭାବରେ ଭାଜନ୍ତୁ। ପିଆଜ ଅଳ୍ପ ଭାଜି ହୋଇଯିବା ପରେ ମ୍ୟାରିନେଟ୍‌ ଚିକେନ୍‌କୁ ପକାଇ ସେଥିରେ ହଳଦୀ ଗୁଣ୍ଡ, ଧନିଆ ଗୁଣ୍ଡ ଓ ସ୍ୱାଦ ଅନୁସାରେ ଲୁଣ ପକାଇ ଘୋଡ଼ଣୀ ଘୋଡ଼େଇ ଦିଅନ୍ତୁ।

୫ ରୁ ୭ ମିନିଟ୍‌ ପରେ ଘୋଡ଼ଣୀ ବାହାର କରି ଭଲ ଭାବରେ ଗୋଳାଇ ପୁଣି ଘୋଡ଼ଣୀ ଢ଼ାଙ୍କି ଦିଅନ୍ତୁ। ଚିକେନ୍ ସିଝି ଯିବା ପରେ କଡ଼େଇକୁ ଗ୍ୟାସ୍‌ରୁ ଓହ୍ଲାଇ ଦିଅନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କର ‘ସ୍ୱିଟି ଚିକେନ୍‌’। ଏହାକୁ ଗରମ ଗରମ ପରଷନ୍ତୁ।