ନଡ଼ିଆ ବେସନ ବର୍ଫି

ଆବଶ୍ୟକ ସାମଗ୍ରୀ:  ବେସନ, ନଡ଼ିଆ କୋରା, ଗୁଆ ଘିଅ, ସୁଜି, କ୍ଷୀର, ଚିନି, କିସମିସ୍, ଆଲମଣ୍ଡ, ଗୁଜୁରାତି ଗୁଣ୍ଡ, ବାଦାମ

ପ୍ରସ୍ତତି ପ୍ରଣାଳୀ: ପ୍ରଥମେ କରେଇରେ ଗୁଆ ଘିଅ ପକାଇ ଗରମ କରନ୍ତୁ। ସେଥିରେ ବେସନ ଓ ସୁଜିକୁ ପକାନ୍ତୁ ।ଏହାପରେ ସେଥିରେ ନଡ଼ିଆ କୋରା ପକାଇ ଭଲ ଭାବେ ଭାଜନ୍ତୁ। ଏହାର ରଙ୍ଗ ହାଲକା ବାଦାମୀ ହେବା ପର୍ଯ୍ୟନ୍ତ ଭାଜନ୍ତୁ । ତା’ ପରେ ସେଥିରେ କ୍ଷୀର, ଚିନି ଓ ଗୁଜୁରାତି ଗୁଣ୍ଡ ପକାଇ ଗୋଳାଇ ଦିଅନ୍ତୁ। ଏହା ଟିକେ ଶୁଖିଲା ହେବା ପର୍ଯ୍ୟନ୍ତ ମିଶ୍ରଣକୁ ଭଲଭାବେ ଜନ୍ତନ୍ତୁ । ଏହା ଶୁଖିଲା ହୋଇ ଆସିଲା ପରେ ଏହାକୁ ପ୍ଲେଟକୁ କାଢ଼ି ଖେଳାଇ ଦିଅନ୍ତୁ। ଏହାପରେ ସେଥିରେ ଆଲମଣ୍ଡ, କିସମିସ ଓ ବାଦାମକୁ ଛୋଟ ଛୋଟ କରି କାଟି ମିଶ୍ରଣ ଉପରେ ପକାଇ ସଜାନ୍ତୁ।ଏହାପରେ ବେସନ ଓ ନଡିଆର ମିଶ୍ରଣକୁ ଫ୍ରିଜ୍ ରେ ୨ରୁ ୩ ଘଣ୍ଟା ପର୍ଯ୍ୟନ୍ତ ରଖି ଦିଅନ୍ତୁ। ତା’ ପରେ ମିଶ୍ରଣକୁ ପ୍ଲେଟକୁ କାଢି ବର୍ଫି ଆକାରର ସେପ୍ ଦେଇ ଏହାକୁ କାଟି ରଖନ୍ତୁ । ପ୍ରସ୍ତୁତ ହୋଇଗଲା ‘ନଡ଼ିଆ ବେସନ ବର୍ଫି’

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।