ଛୋଲେ କୁଲ୍‌ଚା- Chhole Kulcha recipe in odia

ଆବଶ୍ୟକ ସାମଗ୍ରୀ:

• ଚଣା
• ମଇଦା
• ଦହି
• ଲୁଣ
• ଲହୁଣୀ
• କଟା ସିଝା ଆଳୁ
• କଟା ପିଆଜ
• କଟା ଟମାଟୋ
• ଲଙ୍କା ଗୁଣ୍ଡ
• ଗରମ ମସଲା
• ଆମଚୁର ପାଉଡର
• ଚାଟ୍‌ ମସଲା
• ଲେମ୍ବୁ ରସ
• ତେନ୍ତୁଳି ପାଣି

ପ୍ରସ୍ତୁତି ପ୍ରଣାଳୀ:

ପ୍ରଥମେ ଚଣାକୁ ୩ ରୁ ୪ ଘଣ୍ଟା ପାଇଁ ପାଣିରେ ବତୁରାଇ ଦିଅନ୍ତୁ। ଏହାପରେ ପ୍ରେସର କୁକରରେ ୪ଟି ହ୍ୱିସିଲ୍‌ ଦେଇ ସିଝାଇ ଦିଅନ୍ତୁ। ଏହା ପରେ ମଇଦାରେ ଦହି, ଲୁଣ ଓ ଲହୁଣୀ ପକାଇ ଏହାକୁ ନରମ ଭାବେ ଦଳି ଦିଅନ୍ତୁ। ଏହାକୁ ଭଲ ଭାବେ ଚକଟିବା ପରେ ୧ ଘଣ୍ଟା ଯାଏ ଏକ ଓଦା କପଡ଼ା ଘୋଡ଼ାଇ ରଖନ୍ତୁ।

ଏବେ ଅନ୍ୟ ଏକ ପାତ୍ରରେ ସିଝା ଚଣା, କଟା ସିଝା ଆଳୁ, କଟା ପିଆଜ, କଟା ଟମାଟୋ, ଲଙ୍କା ଗୁଣ୍ଡ, ଗରମ ମସଲା, ଆମଚୁର ପାଉଡର, ଚାଟ୍‌ ମସଲା, ଲେମ୍ବୁ ରସ ଓ ତେନ୍ତୁଳି ପାଣି ଦେଇ ଭଲ ଭାବେ ଗୋଳାଇ ଦିଅନ୍ତୁ। ପରେ ମଇଦା ଚକଟାକୁ ବଡ଼ ବଡ଼ ଗୁଳା କରି ବେଲନ୍ତୁ। ଏବେ ଏହାକୁ ଅଳ୍ପ ବଟର ଦେଇ ସେକି ଦିଅନ୍ତୁ। ସେକିଲା ପରେ ଏହାକୁ ମଝିରୁ କାଟି ଏଥିରେ ଚଣା ଓ ଅନ୍ୟାନ୍ୟ ସାମଗ୍ରୀ ପଡ଼ି ପ୍ରସ୍ତୁତ ହୋଇଥିବା ମସଲା ଭର୍ତ୍ତି କରନ୍ତୁ। ଏବେ ପ୍ରସ୍ତୁତ ହୋଇଗଲା ‘ଛୋଲେ କୁଲ୍‌ଚା’। ଏହାକୁ ଚଟଣି କିମ୍ବା ଦହି ସହିତ ଗରମ ଗରମ ପରଷନ୍ତୁ।