ଆବଶ୍ୟକ ସାମଗ୍ରୀ:
ଦଲିଆ
ଫୁଟଣ
ଭୁର୍ସୁଙ୍ଗ ପତ୍ର
କଟା ପିଆଜ
କଟା ଟମାଟୋ
କଟା ବିନ୍ସ
କଟା ଗାଜର
ଫୁଲକୋବି
ମକା
ଗ୍ରୀନ୍ ମଟର
ସିଝା ରାଜମା
ଚିନାବାଦାମ୍
ଗଜାମୁଗ
ଲୁଣ
ହଳଦୀ
ରିଫାଇନ୍ ତେଲ
ପ୍ରସ୍ତୁତି ପ୍ରଣାଳୀ:
ପ୍ରଥମେ ଦଲିଆରେ ଲୁଣ ଓ ହଳଦୀ ଦେଇ ସିଝାଇ ଦିଅନ୍ତୁ। ଏବେ ଏକ କଡ଼େଇରେ ତେଲ ଗରମ କରି ଫୁଟଣ, ଭୁର୍ସୁଙ୍ଗ ପତ୍ର, କଟା ପିଆଜ ଓ କଟା ଟମାଟୋ ପକାଇ ଭାଜନ୍ତୁ। ଏସବୁ ଅଳ୍ପ ଭାଜି ହୋଇଯିବାପରେ ସେଥିରେ କଟା ବିନ୍ସ, ଛୋଟ ଛୋଟ ଖଣ୍ଡ ହୋଇଥିବା ଫୁଲକୋବି, ମକା, ଗ୍ରୀନ୍ ମଟର, ସିଝା ରାଜମା, ଚିନାବାଦାମ୍ ଓ ଗଜାମୁଗ ପକାନ୍ତୁ। ଏହାପରେ ହଳଦୀ ଗୁଣ୍ଡ, କଟାଗାଜର ଓ ଆବଶ୍ୟକ ଅନୁଯାୟୀ ପାଣି ଦେଇ ଘୋଡ଼ଣୀ ଦେଇଦିଅନ୍ତୁ। ପାଣି ଫୁଟିବା ପରେ ସିଝା ଦଲିଆ ଓ ସ୍ୱାଦ ଅନୁସାରେ ଲୁଣ ପକାଇ ଘୋଡ଼ଣୀ ଘୋଡେଇ ଦିଅନ୍ତୁ। ୩ ରୁ ୪ ମିନିଟ୍ ପରେ ପ୍ରସ୍ତୁତ ହୋଇଯିବ ଟେଷ୍ଟି ଆଣ୍ଡ ହେଲ୍ଦି ‘ଦଲିଆ ଖେଚୁଡ଼ି’।