ମୁଗଡାଲି କଟ୍‌ଲେଟ୍‌

ଆବଶ୍ୟକ ସାମଗ୍ରୀ: ମୁଗ ଡାଲି, ସିଝା ଆଳୁ, ବ୍ରେଡ୍‌ କ୍ରମ୍‌, କଟା ଧନିଆପତ୍ର, ଧନିଆ ଗୁଣ୍ଡ, ଲଙ୍କା ଗୁଣ୍ଡ, ଗରମ ମସଲା, ହେଙ୍ଗୁ, କଟା ଅଦା, କଟା କଞ୍ଚାଲଙ୍କା, ଲୁଣ ଓ ତେଲ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଗୋଟିଏ ପାତ୍ରରେ ସିଝା ଆଳୁ, ମୁଗ ଡାଲି, ଲଙ୍କା ଗୁଣ୍ଡ, ଲୁଣ, ଗରମ ମସଲା, କଟା ଅଦା, କଟା ଧନିଆ ପତ୍ର, ଧନିଆ ପାଉଡର, ହେଙ୍ଗୁ ଓ କଟା କଞ୍ଚା ଲଙ୍କା ମିଶାଇ ଏକ ମିଶ୍ରଣ ପ୍ରସ୍ତୁତ କରନ୍ତୁ। ‌ଏହି ମିଶ୍ରଣକୁ ଗୋଲ୍ ଗୋଲ୍‌ କରି ବ୍ରେଡ୍‌ କ୍ରମ୍ସରେ ଏପଟ ସେପଟ କରି ରଖିନ୍ତୁ। ଏବେ ଏକ କଡ଼େଇରେ ତେଲ ଗରମ କରନ୍ତୁ। ତେଲ ଗରମ ହୋଇଗଲାପରେ ମିଶ୍ରଣରୁ ପ୍ରସ୍ତୁତ କଟ୍‌ଲେଟ୍‌ ଗୁଡିକୁ ଛାଣନ୍ତୁ। ଦୁଇପଟ ଲାଲ୍‌ ହୋଇଗଲେ ଏହାକୁ ପ୍ଲେଟ୍‌କୁ କାଢ଼ିଦିଅନ୍ତୁ। ବର୍ତ୍ତମାନ ପ୍ରସ୍ତୁତ ହୋଇଗଲା ‘ମୁଗଡାଲି କଟ୍‌ଲେଟ୍‌’। ଏହାକୁ ପୋଦିନା ଚଟଣି କିମ୍ବା ସସ୍‌ ସହିତ ପରଷନ୍ତୁ।