ପାଇନାପଲ୍ ଚିକେନ୍

ଆବଶ୍ୟ ସାମଗ୍ରୀ: ପାଇନାପଲ୍(ସପୁରୀ), ବୋନ୍‌ଲେସ୍ ଚିକେନ୍, ରସୁଣ, ପିଆଜ, କଞ୍ଚାଲଙ୍କା, ବ୍ରୋକୋଲି, କ୍ୟାପ୍‌ସିକମ୍, ଗୋଲମରିଚ, ଚିନି, ତେଲ, କର୍ନଫ୍ଲୋର ଓ ଲୁଣ।

ପ୍ରସ୍ତୁତି ପ୍ରଣାଳୀ: ପ୍ରଥମେ କଡ଼େଇରେ ତେଲ ଗରମ କରି ଗୋଲମରିଚ, ରସୁଣ, କଞ୍ଚାଲଙ୍କା ଓ ପିଆଜ ପକାଇ ଭାଜନ୍ତୁ। ଏଗୁଡ଼ିକ ଟିକେ ନରମ ହୋଇଯିବା ପରେ ହେବା ପରେ କ୍ୟାପ୍‌ସିକମ୍ ଓ ବ୍ରୋକୋଲି ପକାଇ ଭାଜନ୍ତୁ। ଏସବୁ ଭଲ ଭାବେ ଭାଜି ହୋଇଗଲେ ଏଥିରେ ଚିକେନ୍ ପକାଇ ଗୋଳାନ୍ତୁ। ଏବେ କଟା ଯାଇ ରଖାଯାଇଥିବା ପାଇନାପଲ୍‌ ଓ ଚିନି ପକାଇ ଅଳ୍ପ ପାଣି ଦେଇ ଘୋଡ଼ଣୀ ଘୋଡ଼େଇ ଦିଅନ୍ତୁ। ଚିକେନ୍‌କୁ କିଛି ସମୟ ସିଝିବାକୁ ଛାଡ଼ି ଦିଅନ୍ତୁ। ଚିକେନ୍ ସିଝିଯିବା ପରେ ସ୍ୱାଦ ଅନୁସାରେ ଲୁଣ ପକାନ୍ତୁ। ଆଉ ଏକ ପାତ୍ରରେ ଅଳ୍ପ ପାଣି ଓ କର୍ନଫ୍ଲୋର ଗୋଳେଇ ଚିକେନରେ ଢାଳି ଭଲଭାବେ ଗୋଳାନ୍ତୁ। ଚିକେନ୍ ଶୁଖିଲା ହୋଇଗଲେ ଚୁଲି ବନ୍ଦ କରିଦିଅନ୍ତୁ। ବର୍ତ୍ତମାନ ପ୍ରସ୍ତୁତ ହୋଇଗଲା ‘ପାଇନାପଲ୍ ଚିକେନ୍‌’।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।